Mga Birtud at Pagpapahalaga sa Pamilya (Week 1) - Tala ng Klase

**[Week 1]** Birtud - Ito ay pag-uugali na nagpapakita ng mataas na pamantayang moral Karakter-Ito ay katangian ng isang tao sa kabuuan na nagpapabukod tangi sa kanya Pagpapahalaga-Mga bagay, tao, at prinsipyo na importante at nagsisilbing pamantayan ng pag-uugali at paghusga ng isang tao. Moral...

**[Week 1]** Birtud - Ito ay pag-uugali na nagpapakita ng mataas na pamantayang moral Karakter-Ito ay katangian ng isang tao sa kabuuan na nagpapabukod tangi sa kanya Pagpapahalaga-Mga bagay, tao, at prinsipyo na importante at nagsisilbing pamantayan ng pag-uugali at paghusga ng isang tao. Moral na kompas- Ginagamit na pantukoy sa kakayahan ng isang tao na hatulan ang isang kilos kung ito ay tama o mali at kumilos nang naaayon sa tama. [Iba't Ibang Uri at Konsepto ng Pamilya sa Paglipas ng Panahon] 1\. Nukleyar na Pamilya. Sa mga tradisyunal na pamilyang nukleyar, madalas ay naroon ang ama at ina na gumagabay at nagtuturo ng mabuting asal at pagpapahalaga sa mga anak. Ang mga magulang ang nagsisilbing modelo ng pagpapahalaga at sila ang nagkikintal sa puso at isip ng mga anak ng mga dapat gawin sa bawat situwasyon. 2\. Pinalawak (Extended) na Pamilya. Ito ay binubuo ng tatlo o higit pang henerasyon ng pamilya mula sa lolo\'t lola, mga magulang, mga anak, at apo sa tuhod. Ang mga pagpapahalagang itinuturo ng mga magulang ay maaaring palakasin ng mga lolo\'t lola. Mas mabilis din matuto ang mga bata sa pakikipag-ugnayan sa iba dahil mula pagkabata marami na silang nakakasalamuha. 3\. Joint na Pamilya. Ito ay pinalawak na nuclear na pamilya. Nagsasama ang mga magkakapatid sa isang bubong kasama ang kani-kanilang pamilya. Sa kontekstong ito ng pamilya, maaaring mapalakas ang pagtuturo ng pagpapahalaga sa mga anak at maaari ring matuto ang mga anak sa mga pinsan, tiyo at tiya na kasama sa pamilya (The Editors of Encyclopaedia Britannica, 2023). 4\. Blended na Pamilya. Kapag ang mag-asawa ay may mga anak mula sa nakaraang relasyon at nagsama sa isang tahanan, maaaring magkaroon ng pagkakaiba sa pagpapahalaga ng mga bata. Maaaring mas mapanghamon ang pagtuturo at mas mangailangan ng pagsisikap at komunikasyon ang bawat kasapi ng pamilya. 5\. Mga Pamilyang may Solong Magulang. Ang ganitong pamilya ay humaharap sa karagdagang hamon sa pagtuturo ng pagpapahalaga sa anak. Nahahati ang oras ng magulang sa kaniyang anak, trabaho, at iba pang responsibilidad dahil mag-isa niyang titinataguyod ang kaniyang anak. Maaari ring makaapekto sa epektibong pagtuturo ng pagpapahalaga ang hamon sa pinansiyal at emosyonal na stress. Ang mabuting dulot nito ay hindi naririnig ng bata ang magkasalungat na opinyon o pagtuturo dahil iisang magulang lang ang kaniyang nakakasama. [Mga Pagpapapahalagang Itinuturo ng Pamilya sa mga Anak] 1\. Pagmamahal at Suporta. Ang walang-kondisyong pagmamahal, pagtanggap, at emosyonal na suporta na ibinibigay, na nagpapaunlad ng pakiramdam ng seguridad, pag-aari, at kagalingan sa lahat ng kasapi ng pamilya. \-\--Ang pagsasabi ng "mahal kita" ay isa lamang paraan upang maipakita nag pagmamahal sa pamilya at sa iba. 2\. Respeto o Paggalang. Ang pagsasaalang-alang sa mga damdamin, kagustuhan, karapatan, o tradisyon ng iba. Tratuhin ang mga miyembro ng pamilya at iba pang mga tao nang may pag-iingat at pagiging magalang. \-\--. Ang respeto ay nag-uumpisa sa pagiging magalang sa salita at kilos. 3\. Responsibilidad. Ang pagkakaroon ng kamalayan na ang iyong mga aksiyon ay may kahihinatnan na mabuti at masama, at iyon ang dahilan kung bakit dapat ingatan at maging responsible sa iyong mga aksiyon. \-\--Ang paghingi ng paumanhin at paghingi ng tawad kapag may nagawang pagkakamali ay magandang paraan ng pagpapakita ng pagiging responsible sa buhay. 4\. Mapagbigay o Pagkabukas-palad. Ang pagmamalasakit sa mga pangangailangan ng iba at pagbabahagi nang hindi umaasa ng anumang kapalit. \-\--Kung mayroon kang maibabahagi sa mga pangangailangan ng mga kasapi ng pamilya materyal man o hindi ay maaring ibahagi ito sa kanila ng buong puso. 5\. Pangako (commitment). Ang pagtatakda ng mga layunin at pagsisikap na makamit ang mga ito sa mahabang panahon. Italaga ang iyong sarili sa pagtupad ng mga pangako at layunin. \-\--Panindigan ang mga binibiwang salita at pangako kahit na may mga balakid sa pagtupad ng mga ito. 6\. Kapakumbabaan. Ang pagkilala na walang perpekto, na ang bawat isa ay may kanya-kanyang lakas at kahinaan din. \-\--Matutong magsabi ng "sorry" kung nagkamali at laging isiping hindi mo alam ang lahat ng bagay. 7\. Pasasalamat. Ang pagpapahalaga sa mga pagsisikap at kabutihan ng iba. Ito rin ay ang pagkilala na nag lahat ng mabuti ay galing sa isang mas mataas at mas makapangyarihang nilalang. \-\--Magpasalamat sa lahat ng pagkakataon maliit man o malaki ang mga nagawa ng kapamilya 8\. Katapatan. Ang pagsasabi ng totoo, hindi pagsisinungaling o pagbabago ng mga katotohanan. \-\--Piliin araw-araw na magsabi ng katotohanan at hindi magsinungaling. 9\. Pakikipagkaibigan. Ito ay ang pagbabahagi ng mga karanasan, pagbibigay ng suporta at suporta, pag-imbita ng mga kaarawan, pagbabahagi at pakiramdam na pinahahalagahan tayo ng ibang tao. \-\--Ugaliing ngumiti sa iba, bumati ng magandang umaga o magandang gabi. 10\. Pasensya. Ang pagpapaliban ng mga kasiyahan, upang maunawaan na na sa maraming pagkakataon ay kailangan maghintay bago makuha ang pinakahihintay na gantimpala. \-\--. Iwasang magsalita ng makakasakit sa iba kapag hindi nakuha ang nais. Ang kultura ay humuhubog sa ating mga pananaw sa mga pangunahing isyu tulad ng mga tungkulin at layunin ng pamilya, mga kasanayan sa pangangalaga ng pamilya, pag-aaral, edukasyon, kahandaan sa paaralan, pag-uugali ng bata, at iba pa. **[Week 2]** Pamilya - Isang mahalagang yunit sa ating lipunan at paaralan kung saan natututo ng mga aral at halaga na magbubukas ng landas sa kinabukasan o maaari silang magkamag-anak sa pamamagitan ng pagsilang sa iisang pamilya, sa pag-aasawa, sa pag-ampon o sa pagsasama-sama sa iisang tahanan. Konsepto - Ideya tungkol sa/mga bagay at nagmula sa mga partikular na pagkakataon at pangyayari. Pangkasarian - Tumutukoy sa iba\'t ibang katangiang pisikal, hormonal, at biyolohikal na tumutukoy sa isang indibidwal bilang lalaki, babae, o ibang kategorya ng kasarian. Ebolusyon - Tumutukoy sa proseso ng pagbabago at pag-un Tungkulin - Pananagutan o responsibilidad na dapat gampanan ng isang tao. **[Week 3]** PAMILYA - Maliit na pangkat sa lipunan na nagsisilbing unang tanggapan sa pagbibigay suporta, gabay, at pagmamahal sa isang indibidwal. PUNDASYON - Maaari itong tumukoy sa isang matibay na bagay na umaalalay para hindi mawasak ang kabuoan ng isang bagay, gusali, bahay, at iba pa. INSTITUSYON - Isang lipunan o samahan na itinatag para sa isang relihiyon, pang-edukasyon, panlipunan, o mga katulad na layunin. [2 anyo ng pamilya:] 1\. Tradisyunal: nuclear at extended 2\. Moderno: ang pamilyang may iisang magulang (single-parent family), pamilyang kinakapatid (foster family), magkaparehong kasarian (same-sex couple), pamilyang walang anak (childfree family), [Narito ang ilang partikular na halimbawa kung paano makakaapekto ang mga relasyon sa pamilya sa lipunan: ] Ang pamilya ay nagbibigay sa mga bata ng kanilang una at pinakamahalagang huwaran. Natututo ang mga bata tungkol sa mga pagpapahalaga, relasyon, at kung paano kumilos sa mundo mula sa kanilang mga magulang at iba pang miyembro ng pamilya. Kapag ang mga relasyon sa pamilya ay matatag, ang mga bata ay mas malamang na magkaroon ng mga positibong pagpapahalaga at bumuo ng malusog na mga mekanismo sa pagharap sa mga hamon ng buhay. Ang pamilya ay nagbibigay ng emosyonal at praktikal na suporta para sa kanilang mga miyembro. Maaaring kabilang dito ang mga bagay tulad ng tulong pinansiyal, tulong sa pangangalaga sa mga anak at matatanda, at suporta sa panahon ng krisis. Kapag naibigay ng mga pamilya ang suportang ito, makakatulong ito sa mga indibidwal at komunidad na umunlad. Tumutulong ang pamilya na ayusin ang seksuwal na aktibidad at pagpaparami. Ito ay maaaring sa pamamagitan ng pagtuturo sa mga anak tungkol sa pakikipagtalik at pagpipigil sa pagbubuntis, o sa pamamagitan ng pagbibigay ng suporta sa mga nagdadalang-tao at nagaalaga na mga kabataan. Kapag nagawa ng mga pamilya ang tungkuling ito, makakatulong ito na bawasan ang mga rate ng pagbubuntis ng mga kabataan at mga impeksiyon na nakukuha sa pakikipagtalik. Ayon kay Gary Chapman, may limang (5) pamamaraan ng pagpapakita ng pagmamahal. Tinawag niya itong [5 Love Languages.] 1\. Mga Salita ng Pagpapatibay (Words of Affirmation) - pagpapahayag ng pagmamahal sa pamamagitan ng pagbigkas ng mga salita, papuri, o pagpapahalaga sa kasapi ng pamilya. 2\. Kalidad na Oras (Quality Time) - Nangangahulugan ito na kapag kasama sila, ibababa ang cell phone, patayin ang computer, makipag-eye contact, at aktibong making sa kanila. 3\. Pisikal na Pagpaparamdam (Physical Touch) - Nararamdaman nilang mahal sila sa pamamagitan ng paghawak sa kanilang kamay, pagyakap, paghalik, paghaplos sa likod, o binibigyan sila ng masahe sa pagtatapos ng nakakapagod na araw. 4\. Mga Gawa ng Serbisyo (Acts of Service) - Ang mga gawa ng paglilingkod ay magagandang bagay na ginagawa mo para sa iba na nagpapadama sa kanila na minamahal at pinahahalagahan mo sila, gaya ng pagtulong sa gawaing bahay ng mga anak o pagtulong ng mga magulang sa paghahanap ng mga materyales na kakailanganin ng anak sa eskuwela. 5\. Pagtanggap ng mga Regalo (Receiving Gifts) - Pinahahalagahan nila hindi lamang ang regalo mismo kundi pati na rin ang oras at pagsisikap na inilaan ng nagbigay ng regalo. [Mga Pangunahing Hamon at Banta sa Pamilyang Pilipino] 1\. paghihiwalay ng pamilya dahil sa migrasyon. 2\. kahirapan 3\. diborsyo, mga irregular na relasyon (pakikipag-live-in, magkahiwalay na magulang) 4\. negatibong impluwensiya ng mass media. 5\. materyalismo. **[Week 4:]** Ang pananalangin ay isa sa mga pinakamahusay na paraan upang matulungan ang iyong pamilya na umunlad. Kapag sama-sama kayong nananalangin, natututuhan ng bawat miyembro ng pamilya kung ano ang ibig sabihin ng pagiging malapit sa Diyos. Ang panalangin ay mahalaga dahil nagbibigay ito ng praktikal na pagpapakita ng kahalagahan ng pananampalataya [Kahalagahan ng Sama-samang Pananalangin ng Pamilya] A. Ito ay nagsisilbing daan upang makapasok sa presensiya at kalooban ng Diyos. B. Ito ay nagpapakita ng pagmamahal sa Diyos bilang isang pamilya C. Pinapatibay nito ang integridad at pananampalataya ng pamilya. D. Pinaghuhusay nito ang katatagan ng pag-ibig at komunikasyon ng pamilya [Paraan ng Pakikibahagi sa Sama-samang Pananalangin ng Pamilya sa Anomang Situwasyon] 1\. Pag-awit ng Papuri sa Diyos. 2\. Lakad ng Panalangin (Prayer Walk) 3\. Pagdarasal para sa iba gamit ang Prayer Sticks. **[Week 5:]** Konsensiya -- panloob na pang-unawa ng tao na nag-uudyok sa kaniya na gawin ang tama at iwasan ang masama -ay mula sa salitang Latin na cum na ibig sabihin ay "with" o mayroon at scientia, na ibig sabihin ay "knowledge" o kaalaman. Samakatuwid, ang konsensiya ay nangangahulugang "with knowledge" o mayroong kaalaman. -personal na pamantayang moral ng tao. -Ito ang ginagamit sa pagpapasya kung ano ang tama at kung ano ang mali sa kasalukuyang pagkakataon. [Uri ng Konsensiya (Agapay, 1991) ] 1\. Tama. Ang paghusga ng konsensiya ay tama kung lahat ng kaisipan at dahilan na kakailanganin sa paglapat ng obhektibong pamantayan ay naisakatuparan nang walang pagkakamali. 2\. Mali. Ang paghusga ng konsensiya ay nagkakamali kapag ito ay nakabatay sa mga maling prinsipyo o nailapat ang tamang prinsipyo sa maling paraan. [Ang Konsensiya sa Larangan ng Panahon] 1\. Bago ang Kilos (Antecedent) Tinutulungan tayo ng konsensiya na suriin ang isang pasya o kilos bago ito isagawa. 2\. Habang Isinasagawa ang Kilos (Concomitant) Tumutukoy ito sa kamalayan ng isang tao sa pagiging mabuti o masama ng isang kilos habang isinasagawa ito. 3\. Pagkatapos Gawin ang Kilos (Consequent) Ito ang proseso ng pagbabalik-tanaw o pagninilay sa isang pasya o kilos na naisagawa. [Mga Paraan sa Paghubog ng Tamang Konsensiya ] 1\. Edukasyon at Moral na Pormasyon: Ang isang makabuluhang edukasyon na may kasamang mga aral sa etika ay makakatulong sa pormasyon ng mabuting konsensiya. 2\. Etikal na Pagninilay-nilay at Pagsusuri ng Sarili: Ang regular na pagninilaynilay sa sariling mga gawain, motibo, at mga pagpapahalaga ay makatutulong sa pagbuo ng mas mabuting konsensiya. 3\. Pagsasanay ng mga Birtud: Ang pagtuon sa pagsasanay ng mga birtud tulad ng katapatan, integridad, tapang, at pagpapakumbaba ay maaaring makatulong sa pormasyon ng mabuting konsensiya. Ang birtud etika ay nagbibigay-diin sa kahalagahan ng pagbuo ng karakter. 4\. Pagkakaroon ng Social Support at Modelong Moral: Ang mga tao ay natututo sa pamamagitan ng pagmamasid sa iba. 5\. Regular na Panalangin Kasama ang Pamilya: Ang pakikipag-ugnayan sa Diyos ay nakatutulong sa pagpapanatag ng kalooban, paglinaw ng pag-iisip, at kapayapaan ng puso. 6\. Relihiyosong Gabay at Banal na Kasulatan: Maraming relihiyosong tradisyon ang nagbibigay ng moral na gabay at mga alituntunin para sa tamang pamumuhay. [Mga Katuruang Panrelihiyon at Impluwensiya nito sa Paghubog ng Konsensiya] 1\. Mga Aral ng Pagmamahal at Kabutihan 2\. Katarungan at Paggalang sa Buhay 3\. Pagpapahalaga sa Pagsusumikap at Integridad 4\. Pagsunod sa Kalooban ng Diyos 5\. Kababaang-loob at Pagmamalasakit Likas na Batas Moral -- mga panuntunan na ipinagkaloob sa tao bilang tugon sa kaniyang pakikibahagi sa kabutihan at karunungan ng Diyos Kamangmangan -- kawalan ng kaalaman, pang-unawa, o karunungan [Ang Dalawang Uri ng Kamangmangan] 1\. Kamangmangang Madaraig (vincible ignorance) Ang kamangmangang madaraig ay kung saan magagawa ng isang tao na magkaroon ng kaalaman sa pamamagitan ng pag-aaral. 2\. Kamangmangan na Di Madaraig (invincible ignorance) Ang kamangmangan ay di madaraig kung walang pamamaraan na magagawa ang isang tao upang ito ay malampasan. Pagpapasya -- proseso ng paggawa ng desisyon o pagpili Paghuhusga -- proseso ng pagtatasa o pagsusuri ng isang tao o bagay **[Week 6:]** [Pakikibahagi ng Pamilya sa mga Pambansang Pagdiriwang na may Implikasyon sa Nasyonalismo ] ARAW NG REBOLUSYONG EDSA. Makasaysayan ang araw na ito. Ipinagdiriwang ito tuwing ika-25 ng Pebrero. Ang araw na ito ang naging hudyat ng pagbabalik ng kalayaan ng mga mamamayan mula sa rehimeng diktador. ARAW NG KAGITINGAN. Ang krus sa tuktok ng Bundok Samat sa Bataan ang nagpapagunita hinggil sa mga matatapang na sundalong Pilipino na lumaban sa mga Hapones noong Ikalawang Digmaang Pandaigdig. ARAW NG MANGGAGAWA. Ipinagdiriwang tuwing Mayo 1 ang Araw ng Manggagawa. ARAW NG KALAYAAN. Tuwing Hunyo 12 ng bawat taon ginugunita at ipinagdiriwang ng mga Pilipino ang Araw ng Kalayaan mula sa Espanya. ARAW NG MGA BAYANI. Ipinagdiriwang tuwing Agosto 26 taon-taon ARAW NG MGA NAGKAKAISANG BANSA. Pagsapit naman ng Oktubre 24, ipinagdiriwang ang araw ng mga Nagkakaisang Bansa. [Pakikibahagi ng Pamilya sa Pagtugon sa mga Suliraning Pampolitika at Pang-Ekonomiya na Kinakaharap ng Bansa] 1\. Kamalayan sa Diskursong Pampolitika at Panlipunan (Political Engagement at Social Awareness) 2\. Pananagutang Pang-ekonomiya at Kaalamang Pinansiyal (Economic Responsibility at Financial Literacy) 3\. Pagtataguyod sa Katarungang Panlipunan at Pagkapantay-pantay (Social Justice at Equity) Isang paraan ng pagpapakita ng pagmamahal sa ating bayan ay ang simpleng pagbibigay-respeto sa watawat at pambansang awit na sumasagisag rito gaya nang ginawa ni Jerick Caminero. Ito ay nakasaad sa batas ng Pilipinas na makikita sa Section 21 ng Republic Act 8491. Kilala rin sa tawag na The Flag and Heraldic Code of the Philippines. Ayon sa batas ay dapat gawin ang sumusunod: Ang sinumang Pilipino na makakarinig ng pagtugtog ng Pambansang Awit ng Pilipinas mula sa unang nota nito ay dapat tumigil o huminto sa kung ano man ang kaniyang ginagawa. At dapat ilagay ang kaniyang kanang kamay sa kaliwa niyang dibdib bilang pagbibigay-respeto sa pambansang awit ng Pilipinas. Ang sinumang Pilipino na lumabag sa batas na ito ay maaaring magmulta ng hindi bababa sa P5,000 at hindi tataas sa P20,000 at maaari ring humantong sa pagkabilanggo na hindi naman lalagpas sa isang taon. **[Week 7:]** Paghawan sa Bokabolaryo 1\. Klima - tumutukoy pangkalahatang kalagayan ng panahon sa isang tiyak na lugar sa loob ng mahabang panahon. 2\. Resiklo - isang paraan ng pagbabawas ng basura o paggamit muli ng mga materyales upang muling mapakinabangan. 3\. Hustisya - isang prinsipyo na nagtatakda ng tamang pagtrato, pagkilos, o pagpaparusa ayon sa mga patakaran o batas na may layuning mapanatili ang katarungan sa isang lipunan. 4\. Temperatura - pangkalahatang pagsukat ng init o lamig ng isang bagay, lugar, o kapaligiran. 5\. Henerasyon - tumutukoy sa mga grupo ng tao na isinilang sa parehong panahon o yugto ng kasaysayan. Ang pagbabago ng klima o climate change ay isa sa mga itinuturing na pinakamalaking hamon ng sangkatauhan. Ito ay tumutukoy sa pangmatagalang pagbabago sa karaniwan (average pattern) ng klima sa lokal, rehiyon at global. Dulot ng pagbabago sa klima nagkakaroon ng global warming o pagtaas ng temperatura at nag-iiba sa ikinikilos ng panahon.. Dahil sa pagsusunog ng mga fossil fuels, naglalabas ito ng mga emisyon ng mga greenhouse gases na parang kumot na nakabalot sa mundo, pumipigil sa init ng araw, at nagpapataas ng temperatura. **[Week 8:]** 1\. Intergenerational Justice - Isang ideyang nagsasabi na ang mga kasalukuyang henerasyon ay may ilang mga tungkulin sa mga susunod na henerasyon. 2\. Intergenetational Responsibility - Isang konsepto na nagsasabing, pananagutan ng kasalukuyang henerasyon na isaalang-alang ang mga pangangailangan at kabutihan ng mga susunod na henerasyon sa paggawa ng batas, pangangalaga sa kalikasan, at sa pag-unlad ng ekonomiya. 3\. Sustainable Development Goals - Pinagtibay ito ng lahat ng kasapi ng United Nations Member States noong 2015 na nagbibigay ng pangkapayapaan at pangkaunlarang blueprint para sa mga tao at sa planeta ngayon at sa hinaharap. 4\. Family Planning - Programang naglalayong magbigay ng mga opsiyon at serbisyo sa mga indibiduwal at pamilya upang mapanatili ang kanilang kalusugan at maiplano nang maayos ang kanilang pagbubuo ng pamilya. Ang ika-labingtatlong SDG ay naghihikayat sa mga pandaigdigang mamamayan na makibahagi sa mga gawaing may kaugnayan sa: pagpapalakas ng kakayahang matugunan ang mga panganib na nauugnay sa pagbabago ng klima at natural na sakuna sa lahat ng bansa; pagsasagawa ng mga hakbang sa pagbabago ng klima sa mga pambansang patakaran, estratehiya, at pagpaplano; at pagsulong ng mga mekanismo para sa pagpapataas ng kapasidad para sa epektibong pagpaplano at pamamahala na may kaugnayan sa pagbabago ng klima. [Narito ang ilan sa mga kahalagahan ng tamang pamamahala sa basura: ] 1\. Pagbawas ng Pinsala sa Kalikasan: Ang tamang pamamahala ng basura at pagreresiklo ay nagbibigay-daan sa mas maliit na dami ng basura na napupunta sa mga landfill o pinakamalalang pagtatambakan. Ito ay nagreresulta sa mas maliit na aberya sa kalikasan at mas malinis na kapaligiran. 2\. Pagtugon sa Pagbabago ng Klima: Ang paggawa ng tamang pamamahala ng basura at pagreresiklo ay nakakatulong sa pagbawas ng carbon footprint. Ito ay dahil ang paggawa ng mga bagong produkto mula sa recycled materials ay mas kaunting enerhiya ang ginagamit kumpara sa paggawa ng mga bagay mula sa mga raw materials. 3\. Preserbasyon ng Natural na Yaman: Ang pagreresiklo ay nagbibigay-daan sa paggamit muli ng mga materyales tulad ng papel, plastik, metal, at iba pa. Ito ay nangangahulugan na mas kaunting natural na yaman ang kakailanganin upang gawin ang mga bagay mula sa simula. 4\. Pagtulong sa Ekonomiya: Ang industriya ng recycling ay lumilikha ng trabaho para sa maraming tao, mula sa mga mangangalakal ng basura hanggang sa mga nagtatrabaho sa mga pabrika ng mga resiklong produkto. Ito ay nagbibigay-daan sa pag-unlad ng lokal na ekonomiya. 5\. Paggamit ng Mas Mataas na Kalidad na Produkto: Ang recycled materials ay maaaring gamitin upang gawing muli ang mga bagay na may mataas na kalidad. Ito ay nagbibigay-daan sa mas mahusay na produkto at mas matibay na kagamitan. 6\. Pagtugon sa Pandaigdigang Isyu: Ang pagbabawas ng basura at pagreresiklo ay isang global na isyu. Sa pamamagitan ng pagtupad ng tamang pamamahala ng basura, tayo ay nakikibahagi sa pandaigdigang pagsisikap na mapangalagaan ang ating planeta para sa susunod na henerasyon. 7\. Pamumuhunan sa Kinabukasan: Ang pagreresiklo ay isang pamumuhunan sa kinabukasan. Ito ay nagbibigay-daan sa pagtitiyak na may sapat na pinagkukunan para sa mga darating na henerasyon at pagpapalaganap ng pagmamahal at pangangalaga sa kalikasan.