Pangangalap ng Datos PDF

Aralin PANGANGALA 4 P NG DATOS May dalawang pangkalahatang paraan kung paano makapangangalap ng kinakailangang datos para sa isang pormal na pananaliksik. Ang una ay sa pamamagitan ng paggamit ng Pamamaraang Deskriptibo, at ang ikalawa, sa pamamagitan ng Pamamaraang Eksperimental. A. Pamam...

Aralin PANGANGALA 4 P NG DATOS May dalawang pangkalahatang paraan kung paano makapangangalap ng kinakailangang datos para sa isang pormal na pananaliksik. Ang una ay sa pamamagitan ng paggamit ng Pamamaraang Deskriptibo, at ang ikalawa, sa pamamagitan ng Pamamaraang Eksperimental. A. Pamamaraang Deskriptibo Ang pangunahing layunin ng pamamaraang deskriptibo ay upang mailarawan ang mga sitwasyon sa panahon ng pagsasaliksik, at maipaliwanag ang mga dahilan ng nasabing phenomenon. May ilang uri ang pamamaraang deskriptibo. 1. Paggawa ng mga Case Study Sa isang case study, gumagawa ng pag-aaral ng mga tao o bagay sa loob ng isang takdang panahon. Sa loob ng panahong binanggit, nagsasagawa ng masusing obserbasyon upang malaman ang ilang mga pagbabago sa inoobserbahan. 2. Paglulunsad ng Survey Sa isang survey, nangangalap ang isang mananaliksik ng mga impormasyon mula sa isang grupo ng subjects, na tinatawag na populasyon. 3. Paglulunsad ng Focused Group Discussion Sa pamamaraang ito, maaaring mangumbida ng ilang mga miyembro ng sample population tungkol sa pinag-aaralang paksa. Maaaring magpalitan ng kaalaman sa pamamagitan ng pagtatanong o pag-uusap-usap. Sa huli, maaaring igawa ng buod ang mga mahahalagang kaalaman o opinyong nakalap sa naganap na diskurso 4. Paglulunsad ng mga Developmental Study Kapag nangangailangan ng mahabang panahong pag-aaral upang ganap na maobserbahan ang ilang phenomena, kinakailangang magsagawa ng developmental studies. 5. Pagkakaroon ng Follow-up Study Ipagpalagay na ginamit ang pamamaraang ito sa Grade One, at ipagpalagay na naging maganda ang resulta ng ginawang pag-aaral. Maaaring ipagpatuloy pa ang paggamit ng nasabing pamamaraan kapag tumuntong na ng Grade Two ang mga mag-aaral upang matiyak kung talagang tama ang sinasabi ng pananaliksik. 6. Paggawa ng mga Documentary Analysis Ang isa pang katawagan dito ay content analysis. Pinag-aaralan ang sinasabi ng mga dokumento o mga nasusulat tungkol sa paksa, at saka ito binibigyan ng mga pagsusuri 7. Paggawa ng Feasibility Study Ito ay isang popular na uri ng pag-aaral na isinasagawa muna ng mga negosyanteng nais na magtayo ng isang uri ng negosyo. Masusi nilang pinag-aaralan ang trend o ang pulso ng mga mamamayan, at ito ang magdidikta kung itutuloy ba nila o hindi ang iniisip nilang negosyo sa pook na iyon. 8. Paggawa ng mga Correlational Study Ito ang isang uri ng pag-aaral na gumagamit ng mga variable, at pinag-aaralan ang epekto ng ginamit na variable sa isa pang variable. Sa pag-aaral na ito, pinahahalagahan ang inaasahang makikitang relasyon ng mga bagay o konseptong pinag-aaralan B. Pamamaraang Eksperimental Sa pamamaraang ito, gumagamit ang mananaliksik ng iba't ibang paraan upang matiyak ang bunga ng kanyang eksperimento. Maaari din niyang gamitin ang obserbasyon o pagmamasid upang makita ang mga kaganapan sa kanyang ginagawang pag-aaral. Ano ba ang tinatawag na obserbasyon? Isa itong gawain at kakayanan ng tao na ginagamitan ng iba't ibang pandama upang matamo ang mga kinakailangang impormasyon sa pag-aaral ng anupaman. Halimbawa, a. pagmamasid sa taglay na katangian ng mga tao o bagay b. pagkilatis ng mga naririnig na tunog o himig c pagtuklas kung may naiibang pangyayaring naganap sa amoy ng mga bagay d. pagsusuri sa mga bagay sa pamamagitan ng paghaplos e. pagtikim sa lasa ng ilang pagkain, atbp. Obserbasyon din ang proseso ng pagkilatis kung may nagaganap tha pagbabago sa bagay o sitwasyong pinag-aaralan.