Mga Pamamaraan ng Deskriptibong Pananaliksik

• May dalawang pangkalahatang paraan para makalikom ng datos para sa pormal na pananaliksik.

Pamamaraang Deskriptibo

• Ang isa ay sa pamamagitan ng paggamit ng Pamamaraang Deskriptibo.
• Pangunahing layunin nito na ilarawan ang mga sitwasyon sa panahon ng pagsasaliksik, at ipaliwanag ang mga dahilan ng nasabing phenomenon.
• Narito ang mga uri ng pamamaraang deskriptibo:
  • Paggawa ng mga Case Study
  • Paglulunsad ng Survey
  • Paglulunsad ng Focused Group Discussion
  • Paglulunsad ng mga Developmental Study
  • Pagkakaroon ng Follow-up Study
  • Paggawa ng mga Documentary Analysis
  • Paggawa ng Feasibility Study
  • Paggawa ng mga Correlational Study

Paggawa ng mga Case Study

• Gumagawa ng pag-aaral ng mga tao o bagay sa loob ng isang takdang panahon.
• Nagsasagawa ng masusing obserbasyon upang malaman ang ilang mga pagbabago sa inoobserbahan sa loob ng panahong binanggit.

Paglulunsad ng Survey

• Nangangalap ang isang mananaliksik ng mga impormasyon mula sa isang grupo ng subjects, na tinatawag na populasyon.

Paglulunsad ng Focused Group Discussion

• Maaaring mangumbida ng ilang mga miyembro ng sample population tungkol sa pinag-aaralang paksa.
• Maaaring magpalitan ng kaalaman sa pamamagitan ng pagtatanong o pag-uusap-usap.
• Maaaring igawa ng buod ang mga mahahalagang kaalaman o opinyong nakalap sa naganap na diskurso.

Paglulunsad ng mga Developmental Study

• Kinakailangang magsagawa ng developmental studies kapag nangangailangan ng mahabang panahong pag-aaral upang ganap na maobserbahan ang ilang phenomena.

Pagkakaroon ng Follow-up Study

• Ipagpalagay na ginamit ang pamamaraang ito sa Grade One, at ipagpalagay na naging maganda ang resulta ng ginawang pag-aaral.
• Maaaring ipagpatuloy pa ang paggamit ng nasabing pamamaraan kapag tumuntong na ng Grade Two ang mga mag-aaral upang matiyak kung talagang tama ang sinasabi ng pananaliksik.

Paggawa ng mga Documentary Analysis

• Ang isa pang katawagan dito ay content analysis
• Pinag-aaralan ang sinasabi ng mga dokumento o mga nasusulat tungkol sa paksa, at saka ito binibigyan ng mga pagsusuri.

Paggawa ng Feasibility Study

• Isinasagawa muna ito ng mga negosyanteng nais na magtayo ng isang uri ng negosyo.
• Masusi nilang pinag-aaralan ang trend o ang pulso ng mga mamamayan, at ito ang magdidikta kung itutuloy ba nila o hindi ang iniisip nilang negosyo sa pook na iyon.

Paggawa ng mga Correlational Study

• Gumagamit ito ng mga variable, at pinag-aaralan ang epekto ng ginamit na variable sa isa pang variable.
• Pinahahalagahan dito ang inaasahang makikitang relasyon ng mga bagay o konseptong pinag-aaralan.

Pamamaraang Eksperimental

• Ang ikalawang paraan ay sa pamamagitan ng paggamit ng Pamamaraang Eksperimental.
• Gumagamit ang mananaliksik ng iba't ibang paraan upang matiyak ang bunga ng kanyang eksperimento.
• Maaari din niyang gamitin ang obserbasyon o pagmamasid upang makita ang mga kaganapan sa kanyang ginagawang pag-aaral.

Obserbasyon

• Isa itong gawain at kakayanan ng tao na ginagamitan ng iba't ibang pandama upang matamo ang mga kinakailangang impormasyon sa pag-aaral ng anupaman.
• Kabilang dito ang mga sumusunod:
  • Pagmamasid sa taglay na katangian ng mga tao o bagay
  • Pagkilatis ng mga naririnig na tunog o himig
  • Pagtuklas kung may naiibang pangyayaring naganap sa amoy ng mga bagay
  • Pagsusuri sa mga bagay sa pamamagitan ng paghaplos
  • Pagtikim sa lasa ng ilang pagkain, atbp.
• Proseso din ito ng pagkilatis kung may nagaganap tha pagbabago sa bagay o sitwasyong pinag-aaralan.

Ipinapaliwanag ang mga pamamaraan ng deskriptibong pananaliksik. Kabilang dito ang case study, survey, focused group discussion at iba pa. Ang layunin ay ilarawan ang mga sitwasyon at ipaliwanag ang mga dahilan ng phenomenon.