Tahrig il-fehem San Patrizju PDF

# San Patrizju ## San Patrizju San Patrizju huwa l-qaddis patrun tal-Irlanda u huwa magħruf talli introduċa l-Kristjaneżmu fl-Irlanda. Huwa twieled fis-seklu 5. Twieled ġo familja sinjura Rumana li kienet tgħix fl-Ingilterra. Missieru kien politikant u djaknu tal-knisja- u għalhekk Patrizju trabb...

# San Patrizju ## San Patrizju San Patrizju huwa l-qaddis patrun tal-Irlanda u huwa magħruf talli introduċa l-Kristjaneżmu fl-Irlanda. Huwa twieled fis-seklu 5. Twieled ġo familja sinjura Rumana li kienet tgħix fl-Ingilterra. Missieru kien politikant u djaknu tal-knisja- u għalhekk Patrizju trabba ġo familja għonja. Akkademiċi huma mħasba fejn eżatt kien jgħix, jekk Wales jew l-Iskozja. Minkejja li missieru (u n-nannu tiegħu) kellhom rwoli importanti fil-knisja, Patrizju ma tantx kien reliġjuż dak iż-żmien. Meta kellu sittax-il sena ġie maħtuf minn pirati Irlandiżi u ħaduh l-Irlanda bħala skjav imma rnexxielu jaħrab wara sitt snin. Dan kien punt importanti f'ħajtu. San Patrizju kiteb li dawk is-snin tiegħu bħala skjav kienu essenjzjali għall-fidi tiegħu. Meta kien qed jaħrab, irnexxielu jikkonvinċi l-kaptan tal-vapur biex jieħdu 'l bogħod mill-Irlanda. Wara li studja f'diversi monasteri madwar l-Ewropa, San Patrizju sar qassis u rritorna lura l-Irlanda sabiex jikkonverti lin-nies għall-Kristjaneżmu. Huwa kien jirrakonta viżjoni li kellu fil-ħolm tiegħu- ta' raġel iħeġġu biex jirritorna lejn l-Irlanda. F'dak iż-żmien, il-Irlandiżi kienu pagani li jagħtu qima lil diversi allat. Il-qassis tal-pagani kien jissejjaħ Druwidu. Ħafna mill-oppożizzjoni li kellu San Patrizju kienet ġejja mid-Druwidi. Ħafna pruvaw joqtluh imma San Patrizju qatt ma waqaf milli jkompli l-missjoni tiegħu- li jxerred il-kelma t'Alla. Kien jemmen li Alla dejjem se jipproteġieh. It-talba famuża ta' San Patrizju tiddenkrivi t-twemmin tiegħu fil-protezzjoni t'Alla. Skont il-leġġenda, San Patrizju ltaqa' mal-kap tad-Druwidi li kien qiegħed jipprova joqtlu. San Patrizju kien iġorr miegħu stikka biex tgħinu jimxi għal meta jkun qiegħed jippriedka. Meta kien jieqaf biex jitkellem, kien jimbotta l-istikka ġol-art. Hemm leġġenda li tirrakonata kif darba minnhom, wara li dam jippriedka, l-injama ħadet l-għeruq u kibret f'siġra. Din ġrat f'post jismu Aspatria, f'Cumbria, l-Ingilterra. Wara intervent minn Alla, Patrizju ikkonverta lill-kap tal-Druwidi u kompla jxerred il-kelma t'Alla mal-kumplament tal-Irlanda. Huwa kkonverta eluf t'Irlandiżi u beda jibni l-knejjes madwar il-pajjiż. San Patrizju kien magħruf għax-xamrok li kien juża biex jispjega t-Trinità Mqaddsa lill-Irlandiżi. It-tliet weraq tax-xamrok jirrapreżentaw il-Missier, l-Iben u l-Ispirtu s-Santu. Hemm storja li tirrakonta kif kien hu li keċċa s-sriep 'il bogħod mill-Irlanda. Hemm possibilità kbira li din hija storja falza għax m'hemmx provi li juru li kienu jgħixu s-sriep qabel fl-Irlanda. Hija iktar possibli li s-serp huwa rapreżentazzjoni tal-ħażen. San Patrizju dar l-Irlanda, jippriedka, għall-erbgħin sena. Kien jagħmel il-mirakli u kiteb dwar l-imħabba t'Alla. Huwa esperjenza ħafna tbatija f'ħajtu: kien jgħix fil-faqar u meta kien skjav kien marbut bil-ktajjen u kien jiġi msawwat. San Patrizju miet fis-17 ta' Marzu 461 u għalhekk niċċelebraw il-festa ta' San Patrizju f'dan il-jum. Huwa maħsub li qiegħed midfun f'qabar f'Down Cathedral San Patrizju qatt ma ġie ikkanonizat uffiċjalment bħala qaddis. Il-kanonizzazzjoni bdiet issir madwar is-seklu 12 u billi hu kien diġà magħruf bħala qaddis ma kienx hemm għalfejn li jgħaddi mill-proċess. ## Mistoqsijiet Agħti żewġ raġunijiet għala San Patrizju għandu x'jaqsam mal-Irlanda Għala taħseb li San Patrizju għażel ix-xamrok biex jirrapreżenta lil Alla? Hemm min jaħseb li kien San Patrizju li keċċa s-sriep mill-Irlanda. Għala taħseb li din l-istorja tibqa' titwemmen? Sib żewġ kliem jew frażi li juru li hemm xi inċertezzi fil-bijografija ta' San Patrizju. Meta niċċelebraw il-festa ta' San Patrizju? Għala niċċelebrawa f'dan il-jum? Taf kif jiċċelebraw din il-festa fl-Irlanda? Uża dizzjunarj biex issib it-tifsira ta' dawn il-kliem: kanonizzazzjoni: missjunarju: ghonja: Liema leġġenda f'Cumbria, hija marbuta ma' San Patrizju? Pinġi l-istadji differenti ta' ħajjet San Patrizju- ipprova inkludi dak kolli li qrajt dwaru.