Grade 5 Scholarship Paper Marking 2023 - Sinhala Medium PDF

# ශ්‍රී ලංකා විභාග දෙපාර්තමේන්තුව ## පාසල්වලට සිසුන් තෝරාගැනීමට සහ ශිෂ්‍යාධාර ප්‍රදානය කිරීමට ## පස්වැනි ශ්‍රේණියේ සිසුන් සඳහා පැවැත්වෙන විභාගය - 2023 ## II පත්‍රය ## උත්තර පත්‍ර පරීක්‍ෂකවරුන් සඳහා උපදෙස් සහ ලකුණු දීමේ පටිපාටිය ### උත්තර පත්‍ර ලකුණු කිරීමේ දී සැලකිය යුතු කරුණු 1. - සෑම ප්‍රශ්නයක ම න...

# ශ්‍රී ලංකා විභාග දෙපාර්තමේන්තුව ## පාසල්වලට සිසුන් තෝරාගැනීමට සහ ශිෂ්‍යාධාර ප්‍රදානය කිරීමට ## පස්වැනි ශ්‍රේණියේ සිසුන් සඳහා පැවැත්වෙන විභාගය - 2023 ## II පත්‍රය ## උත්තර පත්‍ර පරීක්‍ෂකවරුන් සඳහා උපදෙස් සහ ලකුණු දීමේ පටිපාටිය ### උත්තර පත්‍ර ලකුණු කිරීමේ දී සැලකිය යුතු කරුණු 1. - සෑම ප්‍රශ්නයක ම නිවැරදි ප්‍රතිචාරයක් සඳහා '√ '' සලකුණ ද එයට හිමි ලකුණු ප්‍රමාණය ද, වැරදි ප්‍රතිචාරයක් සඳහා " × " සලකුණ ද 00 ද, පිටුවෙහි ප්‍රධාන කොටුවෙන් පිටත දකුණුපස තීරයෙහි පැහැදිලි ව සටහන් කරන්න. - එක් එක් පිටුවේ නිවැරදි පිළිතුරු සඳහා වූ ලකුණුවල එකතුව එම පිටුවේ දකුණුපස පහළ කෙළවරේ ඇති කොටුව තුළ අංක දෙකකින් සටහන් කරන්න. - එක් එක් පිටුවේ සටහන් කළ ලකුණුවල එකතුව මුල් පිටුවේ අදාළ පිටු අංකයට ඉදිරියෙන් ඇති කොටුව තුළ සටහන් කරන්න. - සමස්ත උත්තර පත්‍රය සලකා අත්අකුරු සහ ඉලක්කම් පැහැදිලි ව සහ නිවැරදි ව ලියා ඇත්නම් අමතර ලකුණු දෙකක් ප්‍රදානය කරන්න. එසේ ම අත්අකුරු අපැහැදිලි තත්ත්වයකින් තිබුණත් නිවැරදි ව ලියා ඇත්නම් ලකුණු 01ක් ප්‍රදානය කරන්න. එම ලකුණු + 02 හෝ + 01 හෝ + 00 ලෙස පිටු අංක 8හි ලියා ඇති මුළු ලකුණ ඉදිරියෙන් + ලකුණ යොදා ඇතුළත් කරන්න. එසේ ම මුල් පිටුවේ අටවන පිටු අංකයට අදාළව ලකුණු සටහන් කර ඇති තැන ද +02 හෝ +01 හෝ +00 අමතර ලකුණ යොදන්න. (+02 හෝ +01 ලෙස ලකුණු නොදෙන්නේ නම් ලකුණු +00 ලෙස සටහන් කරන්න.) - සියලු ම ලකුණුවල එකතුව අවසාන ලකුණ යටතේ ඉලක්කමෙන් සහ අකුරෙන් අදාළ කොටු තුළ ලියන්න. ### ලකුණු දීමේ පටිපාටිය පිළිබඳ කෙටි විස්තරයක් 2. - ප්‍රශ්න අංක 1 සිට 8 තෙක් සහ 10 සිට 14 තෙක් ප්‍රශ්නවල සියලු ම කොටස්වල නිවැරදි පිළිතුරු සඳහා ලකුණු 01 බැගින් ප්‍රදානය කරන්න. - ප්‍රශ්න අංක 9 සඳහා ලකුණු 02ක් ප්‍රදානය කරන්න. - ප්‍රශ්න අංක 15 සිට 29 තෙක් ප්‍රශ්නවලට නිවැරදි පිළිතුරු සඳහන් වේ නම් ලකුණු 02 බැගින් ප්‍රදානය කරන්න. - ප්‍රශ්න අංක 30 සිට 59 තෙක් නිවැරදි පිළිතුරු සඳහා ලකුණු 01 බැගින් ප්‍රදානය කරන්න. - ප්‍රශ්න අංක 60 (වගන්ති) සඳහා එක් වගන්තියකට ලකුණු 02 බැගින් ප්‍රදානය කරන්න. - ප්‍රශ්න අංක 1 සිට 9 තෙක් (ප්‍රශ්න අංක 02,03 සහ 09 හැර) සහ 60 පිළිතුරුවල අක්ෂර වින්‍යාසය නිවැරදි ව තිබිය යුතුයි. - ප්‍රශ්න අංක 10,11 පිළිතුරුවල සියලු ම අකුරු නිවැරදි විය යුතුයි. ඉංග්‍රීසි වචනවල කැපිටල් සිම්පල් මිශ්‍ර ව ලියා තිබුණ ද ලකුණු ලබා දෙන්න. - නිවැරදි පිළිතුර යටින් ඉරක් ඇඳීමට උපදෙස් ලබා දී ඇති ප්‍රශ්නවල නිවැරදි පිළිතුර කෙසේ හෝ සලකුණු කර තිබේ නම් එම පිළිතුර නිවැරදි සේ සලකන්න. ### ලකුණු ලැයිස්තු සකස් කිරීමේ දී සැලකිය යුතු කරුණු 3. - ලකුණු ලැයිස්තුවේ “Total_marks” තීරුව, ලකුණු ඇතුළත් කිරීම සඳහා භාවිත කරන්න. - එම තීරුවේ එක් එක් අපේක්‍ෂකයාගේ විභාග අංකය ඉදිරියේ, ඊට නියමිත උත්තර පත‍්‍රයේ සඳහන් අවසාන ලකුණ සටහන් කරන්න. - අවසාන ලකුණ ඉදිරියෙන් එය අකුරෙන් පැහැදිලි ව ලියන්න. - ලකුණු ලැයිස්තුව සකස් කිරීමේ දී යම් වරදක් සිදු වුවහොත්, එය පැහැදිලි ව තනි ඉරකින් කපා නැවත ලියා ලකුණු ඇතුළත් කළ හා පරීක්‍ෂා කළ පරීක්‍ෂකවරුන් දෙදෙනාගේ කෙටි අත්සන් යොදන්න. - කිසියම් සංශෝධනයක් කරනු ලැබුවහොත්, පළමුවැනි පරීක්‍ෂක හා දෙවැනි පරීක්‍ෂක කෙටි අත්සන් යොදා එය සනාථ කරන්න. - සංශෝධනයක් කරනු ලබන සෑම අවස්ථාවක දී ම ලකුණු ලැයිස්තුවත් පිළිතුරු පත්‍රයත් ප්‍රධාන පරීක්‍ෂකට පෙන්වා ඔහුගේ/ඇයගේ අත්සන ද ලබා ගන්න. - සෑම සංශෝධනයක් ම, ලකුණු ලැයිස්තුවේ පසුපිටෙහි “වෙනත් කරුණු” සඳහා වෙන් ව ඇති ස්ථානයේ ද සටහන් කර පරීක්‍ෂකවරුන් දෙදෙනාගේ ම සම්පූර්ණ අත්සන් යොදන්න. - සෑම ලකුණු ලැයිස්තුවක් ම ප්‍රධාන පරීක්‍ෂක, ලකුණු ඇතුළත් කළ පරීක්‍ෂක, පරීක්‍ෂා කළ පරීක්‍ෂක සහ ඇගයීම් ලකුණු තහවුරු කළ පරීක්‍ෂක (EMF) විසින් ස්වකීය සංකේත අංක සහ අත්සන් යොදා සහතික කර තිබීම අනිවාර්ය වේ. ## උත්තර පත්‍ර ලකුණු කිරීමේ දීත් ලකුණු ලැයිස්තු පිළියෙල කිරීමේ දීත් පිරිසිදු ව, පැහැදිලි ලෙස, සම්මත ආකාරයට කටයුතු කිරීමට සැලකිලිමත් විය යුතු ය. ## උත්තර පත්‍රයක හෝ ලකුණු ලැයිස්තුවක හෝ යම් වෙනසක් සිදු කරන්නේ නම් එය පළමු පරීක්‍ෂක විසින් ම සිදු කළ යුතු ය. එනමුත් ඒ සියල්ල ප්‍රධාන පරීක්‍ෂකගේ අනුමැතිය ඇති ව කළ බවට ප්‍රධාන පරීක්‍ෂකගේ අත්සන ද යෙදිය යුතු අතර ගණිත පරීක්‍ෂක හා උත්තර පත්‍රය පරීක්‍ෂා කළ දෙවැනි පරීක්‍ෂකගේ ද කෙටි අත්සන යෙදිය යුතු ය. # II පත්‍රය ## ලකුණු දීමේ පටිපාටිය | ප්‍රශ්න අංකය | පිළිතුරු | ලකුණු | |---|---|---| | 1 | (i) සඳුදා | 01 | | | (ii) දින චර්යාව | 01 | | | (iii) ගෙවත්තේ වැඩවලට උදවු වීම | 01 | | | (iv) (නිමාලිගේ/ ඇයගේ/ තමාගේ/ තම) ගෙවත්ත නැරඹීමට එන ලෙස (ආරාධනා කිරීම.) | 01 | | | (v) කාලසටහනකට අනුව වැඩ කිරීමේ වැදගත්කම | 01 | | | (vi) (නිමාලි/ ඇය) දිනපතා පාසලට පැමිණෙන (බව) සහ පාසලේ කටයුතු අතපසු නොකරන (ශිෂ්‍යාවක) බව/ බවයි. | 01 | | 2 | (i) ✓ | 01 | | | (ii) ✓ | 01 | | | (iii) x | 01 | | | (iv) ✓ | 01 | | | (v) x | 01 | | 3 | (i) බලයි. | 01 | | 4 | (i) (1) ප්‍රදර්ශන | 01 | | | (ii) (3) ළදරුවා | 01 | | | (iii) (2) ලේඛිකාව | 01 | | 5 | අපි පාසල් වැඩවල නිරත වීමු. | 01 | | 6 | (i) වනය / වනාන්තරය | 01 | | | (ii) ග්‍රන්ථය / පුස්තකය | 01 | | 7 | (i) නිසල | 01 | | | (ii) බබළයි | 01 | | 8 | (i) ඇඟිල්ලේ තරමට ඉදිමෙන්න. | 01 | | | (ii) ඇවිලෙන / ඇවිළෙන ගින්නට පිදුරු නොදමන්න. | 01 | | 9 | ‛පිරිසිදු පරිසරයක්’ යන තේමාව පැහැදිලි වන සේ පෝස්ටර් තරගයක් පවත්වන ලදී. | 02 | | 10 | Peacock | 01 | | | Pumpkin | 01 | | ප්‍රශ්න අංකය | පිළිතුරු | ලකුණු | |---|---|---| | 11 | (i) My sister has ten rupees. | 01 | | | (ii) We want to buy a bat. | 01 | | 12 | (i) දෙමව්පියන් / මව්පියන් | 01 | | | (ii) ගින්දර / ගින්න | 01 | | 13 | කකුල / පාදය / පය | 01 | | 14 | වෙළියේ පෝහලාමා | 01 | | 15 | 3640 / 3 640 | 02 | | 16 | 5 479 / 5479 | 02 | | 17 | 7, 11 | 02 | | 18 | විසි දහස් හයසිය පනහ | 02 | | 19 | 59 | 02 | | 20 | 8 | 02 | | 21 | ඝනකය | 02 | | 22 | 17 25 | 02 | | 23 | පස්වරු 1.30 / 13:30 | 02 | | 24 | 47 | 02 | | 25 | 12 250 | 02 | | 26 | 5 | 02 | | 27 | 255 | 02 | | 28 | 4 | 02 | | 29 | (i) 5 | 01 | | | (ii) 23 | 01 | | 30 | (3) - සහල් වර්ගයකි. | 01 | | 31 | (2) - දිරාපත්වන කුණු රොඩු පසට එකතු කිරීම | 01 | | 32 | (1) - පේර ය | 01 | | 33 | (2) - එම ස්ථානයේ පස සෝදායාමට ලක්වී තිබීම | 01 | | 34 | (3) - ලෙඩ රෝගවලින් ආරක්ෂා වීම සඳහා ය. | 01 | | 35 | (2) - ශරීරයේ බර අඩු වීම. | 01 | | 36 | (3) - උණසන්නිපාතය | 01 | | 37 | (1) - විදේශීය ආක්‍රමණිකයන්ගෙන් රට බේරා ගැනීමට කටයුතු කළ බැවිනි. | 01 | | 38 | (3) - කළු පැහැති හා දුඹුරු පැහැති පිහාටු සහ රතු පැහැති ඇස් ඇත. | 01 | | 39 | (2) - විල්බැරෝව | 01 | | 40 | (1) - ඉක්මන් සුවය සඳහා වැඩි මාත්‍රාවක් ගැනීමයි. | 01 | | 41 | (1) - උදවු ඉල්ලා කෑ ගැසීම | 01 | | 42 | (3) - බඳුන් තුනේ ම ඇත්තේ සමාන ජල ප්‍රමාණයකි. | 01 | | 43 | (2) - තෙල් සිඳ ගැනීමට ය. | 01 | | 44 | (1) - සතුන්ගේ සංඛ්‍යාව ඉතා ඉක්මනින් වැඩි වී ඉන් පසු අඩු වේ. | 01 | | 45 | (2) - විදුලි ඉස්ත්‍රික්කය භාවිතයේ දී දින කිහිපයකට අවශ්‍ය ඇඳුම් එකවර මැද ගැනීම. | 01 | | 46 | (3) - පාර හරහා යාමේදී දෙපස බැලීම අවශ්‍ය නොවීමයි. | 01 | | 47 | (1) - සතුන් මගින් | 01 | | 48 | (3) - ජලය නොමැතිකම | 01 | | 49 | (2) - ආදර්ශ ලෝක ගෝලය එහි අක්ෂය වටා කර කැවීම ය. | 01 | | 50 | (1) - මී මැස්සා ය. | 01 | | 51 | (2) - ලුණු මිශ්‍ර සිසිල් ජලයයි. | 01 | | 52 | (3) - තමා කැමති දේවල්වලට අකමැති අයද සිටිය හැකි බව | 01 | | 53 | (1) - ශාකවල කොළ පැහැති පත්‍ර අතර කොළ පැහැති පණුවන් සිටීමයි. | 01 | | 54 | (2) - ස්වයංපෝෂිත බව හා සශ්‍රීකත්වයයි. | 01 | | 55 | (3) - ශාරීරික නීරෝගී බවට හේතුවක් වේ. | 01 | | 56 | (1) - භාණ්ඩ නිසි පරිදි නඩත්තු කළ යුතු ය. | 01 | | 57 | (1) - සතුන්ට ඔවුන්ගේ පරිසරයේ ම ජීවත්වීමට අවස්ථාව සැලසීමයි. | 01 | | 58 | | 01 | | 59 | (3) - බල්බය ගැලවීමට තෙත රෙදි කැබැල්ලක් යොදා ගැනීම. | 01 | ## නිවැරදි වාක්‍ය 03 | | | |---|---| | (i) | නිවැරදි වාක්‍ය තුනට ලකුණු 02 බැගින් (02×3) ලකුණු 06 ක් ලබාදෙන්න. | | (ii) | සෑම වාක්‍යයක් ම වචන පහකට (05) නොඅඩු විය යුතු ය. | | (iii) | උක්ත ආඛ්‍යාත සම්බන්ධය නිවැරදි විය යුතු ය. | | (iv) | අක්ෂර වින්‍යාසය නිවැරදි විය යුතු ය. | | (v) | සිද්ධියට අදාළ විය යුතු ය. | | (vi) | ලිඛිත භාෂාවෙන් ලියන ලද වැකි විය යුතු ය. | | (vii) | වැකියේ අදහස නිවැරදි විය යුතු ය. | | (viii) | එක ම අදහස නැවත නැවත ලිවීම සිදු වී ඇත්නම් ලකුණු නොලැබේ. | | (ix) | වගන්ති අතීත කාලයෙන් විය යුතු ය. | - වැකියේ එක් වචනයක අකුරක අඩුපාඩුවක් හෝ පිල්ලමක අඩුවක් හෝ වේ නම් ලකුණු 01කි. - අඩුපාඩු එකකට වැඩි නම් ලකුණු නොලැබේ. ## සිසුන් ලියා ඇති වාක්‍ය | | | |---|---| | 1 | මම ද ජනිත්ගේ යෝජනාවට එකඟ වූවෙමි. ✓ | | 2 | කඩදාසි ඔරු සෑදීමට අවශ්‍ය කඩදාසි ගෙන ආවෙමි. x | | 3 | අපි දෙදෙනා කඩදාසි ඔරු සාදා පාකර යැවුවෙමු. | | 4 | මම යහළුවාගේ යෝජනාව සතුටින් පිළිගත්තෙමි. ✓ | | 5 | ඉවත දැමූ කඩදාසියක් ගෙන ජනිත් සහ මම ඔරුවක් සෑදුවෙමු. ✓ | | 6 | මම කඩදාසි ඔරුව ගිලී ඉරීයන විට දුක් වූයෙමු. ✓ | | 7 | ජනිත් කඩදාසි ඔරු සාදා මට වතුරෙහි පා කරන ලෙස පවසා මා අතෙහි තැබුවේය. ✓√ | | 8 | මම ඉක්මනින් මාගේ කාමරය තුළට දුව ගොස් කඩදාසි කොළ කිහිපයක් රැගෙන එළියට දුව ගියෙමි. ✓ | | 9 | අප දෙදෙනා කඩදාසි ඔරු සාදා වැසි ජලයේ පා කර සතුටු වුණෙමු. y | | 10 | යහළුවා සමඟ මම කඩදාසි ඔරු සාදා වතුරේ පාවෙන අයුරු බලා සිටියෙමු. | | 11 | මම ද ජනිත් ද බිම වාඩි වී කඩදාසි ඔරු සෑදුවෙමු. ✓✓ | | 12 | මම කඩදාසි කීපයක් ගෙන බෝට්ටු සාදමි. x | | 13 | මම කඩදාසි බෝට්ටු එකවරම ජලයට දමා පා කරමි. | | 14 | අපි දෙදෙනා මාගේ පරණ පොතකින් කඩදාසි කොළ කිහිපයක් කඩා ගත්තෙමු. \\ | | 15 | ජනිත් සහ මම කඩදාසි බෝට්ටුවක් සෑදුවෙමි. / | | 16 | මම ජනිත්ගේ කතාවට එකඟ වී කොළයක් කඩමි. × | | 17 | එය යන විට මට එම ඔරුවේ යාමට ඇතැයි සිතුනි. X | | 18 | සමන්ගේ මිදුලේ තවත් ඔරු පාවී යනවා මම දුටුවෙමි. X | | 19 | අපි දෙදෙනා ඉතා ආශාවෙන් එම ඔරු පාවී යන ආකාරය බලා සිටියෙමි. y | | 20 | අපි විවිධ හැඩයේ බෝට්ටු සකසමින් ජලයේ පා කළෙමි.× | | 21 | මම වැස්ස අඩුවන තුරු ජනිත්ගේ නිවසේ රැදී සිටියෙමි. × | | 22 | මම කුඩයක් රැගෙන මගේ නිවස බලා ගියෙමි. % | | 23 | මමත් ජනිතුත් කඩදාසි ඔරු පා කර හැරියෙමු. | | 24 | මම ජනිත් සමඟ එක් වී කඩදාසි ඔරු ගොඩක් සෑදුවෙමි. X | | 25 | මම කඩදාසි කොළයක් සොයා ගත්තෙමි. | | 26 | වැස්සේ ඔරු පාකර හරින විට මට මහත් සතුටක් දැණුනි. හ් | ## - පිටු අංක 1හි උත්තරපත්‍ර පරීක්‍ෂකවරුන් සඳහා උපදෙස් සහ ලකුණු දීමේ පටිපාටිය යටතේ අනු අංක 2හි 2.7 කොටස පහත පරිදි සංශෝධනය වේ. - ප්‍රශ්න අංක 10 පිළිතුරෙහි සියලුම අකුරු නිවැරදි විය යුතුයි. ඉංග්‍රීසි ‌වචනවල කැපිටල් සිම්පල් මිශ්‍ර ව ලියා තිබුණ ද ලකුණු ලබා දෙන්න. - ප්‍රශ්න අංක 11 බලා ලිවීම සිදුකරන බැවින් සියලුම අකුරු නිවැරදි විය යුතු අතර වාක්‍ය දෙකෙහි මුල් අකුරු දෙක කැපිටල් විය යුතුය. අනෙක් අකුරු සිම්පල් විය යුතුය.