PAGSULAT NG BIONOTE PDF

# PAGSULAT NG BIONOTE ## Filipino sa Piling Larang (Akademik) ### Ano ang Bionote? - Ang _bio_ ay nagmula sa salitang Griyego na ang ibig sabihin ay "buhay". - Nagmula rin sa salitang Griyego ang salitang _graphia_ na ang ibig sabihin ay "talâ" (Harper 2016). - Sa pagsasanib ng dalawang salita nab...

# PAGSULAT NG BIONOTE ## Filipino sa Piling Larang (Akademik) ### Ano ang Bionote? - Ang _bio_ ay nagmula sa salitang Griyego na ang ibig sabihin ay "buhay". - Nagmula rin sa salitang Griyego ang salitang _graphia_ na ang ibig sabihin ay "talâ" (Harper 2016). - Sa pagsasanib ng dalawang salita nabuo ang salitang _biography_ o "talâ ng buhay". - Ang _biography_ ay mahabang salaysay ng buhay ng isang tao. - Mula rito ay nabubuo naman ang _bionote_. ### Bionote - Ito ay talatang naglalaman ng maikling deskripsiyon tungkol sa may-akda. - Isinusulat ang bionote upang madaling matandaan ang talâ ng buhay ng isang tao sa sandaling panahon ng pagbasa. - Tinitingnan ang bionote bilang "bio" o buhay at "note" o dapat tandaan, kaya masasabing ito ay tala sa buhay na dapat tandaan. - Ang _bionote_ ay isang maikling talang pagkakakilanlan sa pinakamahahalagang katangian ng isang tao batay sa kanyang mga nagawa. - Kalimitan itong naririnig na binabasa upang ipakilala ang napiling susing tagapagsalita ng palatuntunan. - Sa ganitong paraan, nabibigyang-ideya ang mga tagapakinig o delegado kung ano ang kakanyahan ng panauhing tagapagsalita sa loob ng sandaling panahon lamang. - Ginagamit din ang bionote sa paglalathala ng mga journal, magazine, antolohiya, at iba pang publikasyon na nangangailangan ng pagpapakilala ng manunulat o ng sinumang kailangang pangalanan. ### Bionote, Curriculum Vitae, Autobiography A diagram shows 3 labeled circles: **Bionote**, **Curriculum Vitae** and **Autobiography**. An arrow points downwards from each circle to a box containing the text: Ang mga ito ay may pagkakatulad sa mga impormasyon pero malaki pa rin ang pagkakaiba ng mga ito sa anyo at kalikasan ng bawat isa. - **Bionote**: Ito ay maikli dahil siniksik ang mga impormasyon sa pagsulat ng maikling paglalahad at itinatampok lamang ang mga highlights ng kabuoan ng pagkakakilanlan. - **Curriculum Vitae**: Ito ay tinatawag ding biodata na naglalaman ng mga personal na impormasyon na ginagamit sa paghahanap ng mapapasukang trabaho. - **Autobiography**: Ang talambuhay (autobiography) ay detalyadong isinasalaysay ang mga impormasyon hinggil sa buhay ng isang tao. ## Mga Dapat Tandaan sa Pagsulat Ng Bionote **Dapat tandaan:** 1. Dapat na maikli lamang ang nilalaman. 2. Palaging ginagamit ang ikatlong panauhan sa pagtukoy ng taong inilalahad o inilalarawan sa bionote. 3. Dapat kinikilala ang mambabasa na pagtutuonan sa pagsulat ng bionote. 4. Binibigyang-diin ang pinakamahahalagang impormasyon. Mahalagang gamitin ang pyramid style sa pagsulat ng bionote upang maging gabay sa pagsulat - mula sa mga natamong karangalan hanggang sa maliit na detalye ng kanyang buhay. A triangle is shown with the text: PINAKAMAHALAGAN G IMPORMASYON at the top, MAHALAGANG IMPORMASYON on the second row, and DI GAANONG MAHALAGANG IMPORMASYON at the bottom. 5. Bigyang-halaga lamang ang mga angkop na kasanayan o katangian sa pagpapakilala ng panauhin. 6. Dapat maging tapat sa paglalahad ng susulating impormasyon. ## Halimbawa Ng Bionote **DR. SERVILLANO T. MARQUEZ, JR.** Ginawaran ng Komisyon sa Wikang Filipino ng Gawad Sagisag Quezon dahil sa kanyang kontribusyon sa pagpapaunlad ng wikang Filipino. Siya ay nagtapos ng Master of Arts in Filipino at Doctor of Philosophy in Filipino sa Manuel L. Quezon University. Nagtapos siya bilang isang iskolar ng Bachelor of Science in Education, major in Filipino at Master of Arts in Communication na may specialization sa Communication Research sa Pamantasan ng Lungsod ng Maynila. Naging guro siya sa Maynila sa loob ng 23 taon. Noong 1993, pinarangalan siya ng Lungsod ng Maynila bilang Most Outstanding Secondary Teacher. Nang taon ding iyon, ginawaran siya ng DECS bilang National Trainor sa Campus Journalism. Kasapi rin siya sa monitoring team na nagsasagawa ng ebalwasyon sa implementasyon ng Campus Journalism sa buong bansa. Isa rin siya sa unang 26 na iskolar nito sa Unibersidad ng Pilipinas (UP) na binigyan ng pagsasanay sa Values Education Development. Awtor siya ng mga aklat at iba pang gamit sa pagtuturo ng Values Education, Journalism, at Filipino para sa elementarya, sekundarya, at tersarya. Aktibo rin siyang kasapi ng Philippine Association for Teacher Education (PAFTE) at accreditor ng Philippine Association of Colleges and Universities-Commission on Accreditation (PACUCOA) na nag-e-evaluate ng mga programa sa edukasyon, kapwa sa undergraduate at sa graduate level. Naging tagapangulo ng Departamento ng Filipino sa Pamantasan ng Adamson sa loob ng anim na taon bago hinirang sa kanyang posisyon ngayon bilang Dekano ng College of Education and Liberal Arts (CELA) na may ranggong Full Professor.