Kahulugan at Proseso ng Pagbasa

Kahulugan ng Pagbasa

• Ang pagbasa ay isang proseso ng pagbuo ng kahulugan mula sa mga nakasulat na teksto.
• Ito ay isang kompleks na kasanayan na nangangailangan ng koordinasyon ng iba't ibang at magkakaugnay na pinagmulan ng impormasyon.
• Ito ay isang proseso ng pagbuo ng kahulugan sa pamamagitan ng interaksiyon ng: imbak o umiiral na kaalaman ng mambabasa; impormasyong ibinibigay ng tekstong binabasa; at konteksto ng kaagayan o sitwasyon.
• Ang pagbasa ay isang proseso ng pagtanggap at pagpapakahulugan sa mga nakakodang impormasyon sa anyo ng wika sa pamamagitan ng limbag na midyum.

Proseso ng Pagbasa (Ayon kay William S. Gray)

• May apat na hakbang ang proseso ng pagbasa:
  • Perserpsiyon o pagkilala sa mga salitang nakalimbag.
  • Komprehensiyon o pag-unawa sa mga nabuong konsepto mula sa mga nakalimbag na salita.
  • Aplikasyon o realisasyon, paghuhusga, at emosyonal na pagtugon.
  • Integrasyon ng bagong ideya sa personal na karanasan.

Intensibo at Ekstensibong Pagbasa

• Intensibong Pagbasa: Pagbasang may kinalaman sa masinsin at malalim na pagbasa ng isang tiyak na teksto. May kinalaman sa pagbasa ng masaklaw at maramihang materyales.
  • Sinusuri ang kaanyuang gramatika, panandang diskurso at iba pang detalye sa estruktura upang maunawaan ang literal na kahulugan, implikasyon at retorikal na ugnayan ng isang akda.
• Ekstensibong Pagbasa: Isinasagawa upang makakuha ng pagkalahatang pag-unawa sa maramihang bilang ng teksto.

Scanning at Skimming na Pagbasa

• Scanning: Mabilisang pagbasa ng isang teksto na ang pokus ay hanapin ang ispesipikong impormasyon na itinakda bago bumasa. Kinapapalooban ito ng bilis at talas ng mata sa paghahanap ng impormasyon.
• Skimming: Mabilisang pagbasa na ang layunin ay aamin ang kahulugan ng kabuuang teksto kung paano inorganisa ang mga ideya o kabuuang diskurso ng teksto at kung ano ang pananaw at layunin ng manunulat. Mas kompleks dahil nangangailangan ng mabilisang paraan sa organisasyon para maunawaan ang kabuuang teksto.

Antas ng Pagbasa

• Primarya: Tumutukoy sa tiyak na datos at ispesipikong impormasyon gaya ng petsa, setting o lugar at mga tauhan sa isang teksto.
• Mapagsiyasat: Nauunawaan ng mambabasa ang kabuuang teksto at nagbibigay ng mga hinuha o impresyon tungkol dito. Nagbibigay ng mabilisan ngunit makabuluhang paunang rebyu sa isang teksto ng mas malalim.
• Analitikal: Ginagamit ang mapanuri o kritikal na pag-iisip upang malalim na maunawaan ang kahulugan ng teksto at ang layunin o pananaw ng manunulat. Bahagi nito ang pagtatasa sa katumpakan, kaangkupan, katotohanan o opinion ng nilalaman ng teksto.
• Sintopikal: Pagsusuri ng mga paksa na nakapaloob sa isang teksto o akda at paghahambing sa iba't ibang teksto o akda. Nakabubuo ng sariling perspektiba o pananaw sa isang tiyak na paksa.

Tuklasin ang kahulugan ng pagbasa at ang mga hakbang sa proseso nito ayon kay William S. Gray. Alamin ang iba't ibang aspeto ng pagbasa at kung paano ito nakatulong sa pagbuo ng kaalaman at pag-unawa. Mahalaga ang pagbasa bilang kasanayan na nag-uugma ng impormasyon at karanasan ng mambabasa.