UNTACKLED TOPICS PDF

UNTACKLED TOPICS AMERIGO VESPUCCI Ipinangalan ang kontinente ng Amerika kay Amerigo Vespucci, isang Italianong manlalakbay at kartograpo. Siya ang unang nagpahayag na ang mga lupain na nadiskubre nina Christopher Columbus at iba pang manlalakbay ay hindi bahagi ng Asya, kundi isang bagong kontinente...

UNTACKLED TOPICS AMERIGO VESPUCCI Ipinangalan ang kontinente ng Amerika kay Amerigo Vespucci, isang Italianong manlalakbay at kartograpo. Siya ang unang nagpahayag na ang mga lupain na nadiskubre nina Christopher Columbus at iba pang manlalakbay ay hindi bahagi ng Asya, kundi isang bagong kontinente. CHRISTOPHER COLUMBUS Si Christopher Columbus ay isang Italianong manlalayag na naglayag para sa Espanya. Noong 1492, ginamit niya ang tatlong barko na Niña, Pinta, at Santa Maria upang marating ang Bagong Mundo (Amerika). THOMAS HOBBES Sa kanyang aklat na "Leviathan" (1651), inilarawan ni Thomas Hobbes ang isang lipunang walang pinuno bilang isang magulong kalagayan o "state of nature" kung saan ang mga tao ay magkakaroon ng walang katapusang labanan para sa kapangyarihan at kaligtasan. JEAN JACQUES ROUSSEAU Si Jean Jacques Rousseau ang sumulat ng aklat na "The Social Contract" noong 1762. Dito, ipinaliwanag niya ang kanyang pilosopiyang politikal na ang kapangyarihan ng pamahalaan ay dapat manggaling sa kagustuhan ng nakararami o "general will" ng mga mamamayan. MARTIN LUTHER Si Martin Luther ang kinilalang "Ama ng Repormasyon" (Protestant Reformation). Noong 1517, ipinaskil niya ang kanyang 95 Theses sa pintuan ng simbahan sa Wittenberg, Alemanya, na bumabatikos sa mga katiwalian ng Simbahang Katoliko, partikular na ang pagbebenta ng indulhensiya. STAMP ACT Ang Stamp Act ay isang batas na ipinasa ng British Parliament noong 1765 na nagpataw ng buwis sa mga papel na dokumento, pahayagan, at iba pang legal na kasulatan sa mga kolonya ng Amerika. GIUSEPPE MAZZINI Si Giuseppe Mazzini ang isa sa mga pangunahing tagapagtaguyod ng kilusan para sa pagpapalaya at pag- iisa ng Italy mula sa mga dayuhang mananakop. Itinatag niya ang "Young Italy" noong 1831, isang samahang makabayan na may layuning palayain ang Italy mula sa kontrol ng Austria at iba pang dayuhang kapangyarihan. RISORGIMENTO Ang "Risorgimento" ay isang kilusang pampolitika at panlipunan noong ika-19 na siglo na naglalayong pag- isahin ang mga maliliit na estado sa Italya upang maging isang nagkakaisang bansa. GERMAN CONFEDERATION Ang German Confederation (Deutscher Bund) ay isang lupon ng 39 maliliit na estado sa Germany na itinatag noong 1815 matapos ang Kongreso ng Vienna. Hindi ito isang nagkakaisang bansa kundi isang maluwag na alyansa ng mga estado, kung saan ang bawat isa ay may sariling pinuno, batas, at hukbo.