Mga Uri ng Pang-uri (Types of Adjectives) PDF

## MGA URI NG PANG-URI (Types of Adjectives) - Pang-uri (adjective) - ay salita na naglalarawan o nagbibigay-turing sa pangngalan (noun) o panghalip (pronoun). - Ito ay nagbibigay ng karagdagang impormasyon tungkol sa isang pangngalan (tao, bagay, hayop, lugar, atbp.) o panghalip sa pangungusap...

## MGA URI NG PANG-URI (Types of Adjectives) - Pang-uri (adjective) - ay salita na naglalarawan o nagbibigay-turing sa pangngalan (noun) o panghalip (pronoun). - Ito ay nagbibigay ng karagdagang impormasyon tungkol sa isang pangngalan (tao, bagay, hayop, lugar, atbp.) o panghalip sa pangungusap. ### Uri ng Pang-uri: 1. **Pang-uring Panlarawan (Descriptive Adjective)** - Ito ay nagsasaad ng laki, kulay, at hugis ng tao, bagay, hayop, lugar, at iba pang pangngalan. - Maaaring ilarawan din ang anyo, amoy, tunog, yari, at lasa ng bagay. - Ang mga pang-uring panlarawan ay karaniwang nagsasaad ng mga katangian na napupuna gamit ang limang pandama (five senses). - Nailalarawan din ng mga pang-uring panlarawan ang mga katangian ng ugali, asal, o pakiramdam ng tao o hayop. **Mga Halimbawa (may salungguhit ang pangngalan na inilalarawan ng pang-uri):** - Tanggapin mo sana ang aking _munting_ regalo. - Minasdan ni Maria ang kanyang sarili sa _salamin na biluhaba_. - Si Delia ang _babaeng nakasuot ng pulang bestida_. - Kailangan nating palitan ito ng _bakal na tubo_. 2. **Pang-uring Pantangi (Proper Adjective)** - Ang pang-uring pantangi ay binubuo ng isang pangngalang pambalana (common noun) at isang pangngalang pantangi (proper noun). - Ang pangngalang pantangi (na nagsisimula sa malaking titik) ay naglalarawan o tumutukoy sa uri ng pangngalang pambalana. **Mga Halimbawa:** - Ang pasalubong ni Tatay sa atin ay _masarap na longganisang Lucban_. - Paborito ni Ate Trisha ang _pansit Malabon_. - Mahilig si Henry sa _pizza at iba pang pagkaing Italyano_. 3. **Pang-uring Pamilang (Numeral Adjective)** - Ang pang-uring pamilang ay nagsasabi ng bilang, dami, o posisyon sa pagkakasunod-sunod ng pangngalan. - May ilang uri ng mga pang-uring pamilang. **Mga Uri ng Pang-uring Pamilang** - **a. Patakaran o Patakarang Pamilang** - Ito ay nagsasaad ng aktuwal na bilang ng tao o bagay. Ito ay mga basal na bilang o numeral. **Mga halimbawa ng patakarang pamilang (may salungguhit ang pangngalan na inilalarawan ng pang-uri):** - Mayroong _isang_ lalaki na kumakatok sa pinto. - Sina Mike at Grace ay may _apat_ na anak. - Bumili ako ng _limang_ itlog sa tindahan. - **b. Panunuran o Panunurang pamilang** - Ito ay nagsasaad ng posisyon ng pangngalan sa pagkasunod-sunod ng mga tao o bagay. - Isinasabi ng mga ito kung pang-ilan ang tao o bagay. **Mga halimbawa ng panunurang pamilang (may salungguhit ang pangngalan na inilalarawan ng pang-uri):** - Ako ang _ikatlong_ mag-aaral na napiling lumahok sa paligsahan. - Nakamit ni Jason ay _unang_ gantimpala sa paligsahan sa pagguhit. - Ito ang _pangalawang_ pagkakataon na ibibigay sa iyo ng hukom. - **c. Pamahagi o Pamahaging Pamilang** - Ito ay nagsasaad ng bahagi ng kabuuan ng pangngalan. - Ang unlaping _tig-_ ay nagsasaad ng pantay na pamamahagi (equal distribution). - Ginagamit ito kapag ang bilang ng bagay na ibinigay o natanggap ay pare-pareho. - Maaari rin na may anyong bahagimbilang o hating-bilang (fraction sa Ingles) ang pamahaging pamilang. - Ginagamit din ang salitang bahagdan, persentahe, o porsiyento pagkatapos ng bilang para sa bahagi ng **Mga halimbawa ng pamahaging pamilang (may salungguhit ang pangngalan na inilalarawan ng pang-uri):** - _Tiglilimang_ kendi ang ibibigay sa mga bata. - Ang mga mag-aaral ay kumuha ng _tigalawang_ lapis. - _Kalahating_ mangkok ng kanin lang ang kinain ni Carlo. - Gumamit ako ng _sangkapat_ na tasa ng mantika sa pagluto. - **d. Pahalaga o Pahalagang Pamilang** - Ito ay nagsasaad ng halaga (katumbas na pera) ng bagay o anumang binili o bibilhin. **Mga halimbawa ng pahalagang pamilang (may salungguhit ang pangngalan na inilalarawan ng pang-uri):** - Ibinigay ng batang pulubi ang _pisong_ kendi sa kanyang kapatid. - Nabenta na ang _tatlong milyong_ pisong bahay at lupa sa Mandaluyong. - Nakatanggap ako ng _sandaang_ pisong load kahapon. - **e. Palansak o Palansak na Pamilang** - Ito ay nagsasaad ng pagpapang-pangkat ng mga tao o bagay. - Itinutukoy nito ang bilang na bumubuo ng isang pangkat ng tao o bagay na pinagsama-sama. - Halimbawa, ang palansak na pamilang na _dala-dalawa_ ay may kahulugan sa Ingles na "by twos", "in pairs" o "in groups of two." **Mga halimbawa ng palansak na pamilang (may salungguhit ang pangngalan na inilalarawan ng pang-uri):** - _Sampu-sampu_ ang tao na nagsisidagsaan sa mga evacuation center. - _Dala-dalawang_ pakete ng kape ang ibinebenta sa tindahan. - _Dalawahan_ ang mga upuan sa bus na ito.