HICT Branche, 6 P's, Gasten - Toets PDF

## Kapítulo 1 De HICT-branche - Meta di e lès: Na final di e lès e studiante por indika por eskrito: - e struktura di e HICT-branche den su totalidat (1) - e definishon di e palabra Branche (tin 2 definishon) (2) - e meta prinsipal di un instituto i duna 3 ehèmpel di instituto na Kòrsou...

## Kapítulo 1 De HICT-branche - Meta di e lès: Na final di e lès e studiante por indika por eskrito: - e struktura di e HICT-branche den su totalidat (1) - e definishon di e palabra Branche (tin 2 definishon) (2) - e meta prinsipal di un instituto i duna 3 ehèmpel di instituto na Kòrsou (3) - e definishon di Catering, e 4 tipo di Catering ku tin i tambe e meta prinsipal di un Catering (4) - e struktura di HO.RE.CA den su totalidat (5) - ki ora un hotel ta bin na remarke pa risibi 1 te ku 5 strea (6) - kiko ta e diferensha entre produkto ku servisio i menshona e 2 tipo di servisio ku tin (7) - kiko e AIDA modèl ta enserá i dikon esaki ta importante pa e industria di HORECA (8) - e definishon di e palabra Turismo i Turista (9). - (1) Struktura di HICT-branche - HO.RE.CA → Hotel, Restaurant, Cafe - Instituto → Hospital, Prison, Skol, Luga di kuido. - Catering → Empresa ku ta produsi kuminda pa evenementu. - Turismo → Empresa ku ta fokus riba turista manera: Souvenir shop, Car rental, Island Tours. - Hotel Marriot (5 strea) na Kòrsou ## Kapítulo 2 De 6 bedrijfsformules (De 6 P's) - Meta di e lès: Na final di e lès e studiante por indika por eskrito: - kiko ta un Business Plan i kiko un empresa por hasi ku e dokumentu aki (1) - kiko kada letra P di e 6 P's nan ta ensera (2) - Kiko ta e definishon di e palabra Embahador (Representante) (3) - kon e 6 P's nan aki tin su influensha riba hende ku ta traha den HICT-branche (4) - (1) Business Plan - Un Business Plan ta un dokumento kaminda e empresa ta duna un deskripshon di tur e 6 P's nan. Asina e empresa por usa e dokumentu aki pa posishona su mes riba merkado. - Tambe e empresa por bai un banko of un instituto finansiero pa hasi un fiansa pa inverti den e negoshi. - (2) De 6 P's - 1. Plaats, (Place), lugá: Unda e negoshi ta bai ta i dikon? Nos ta pensa riba aria nan drùk manera Saliña. E servisio of produkto tin influensha unda e negoshi kier ta. - 2. Product, produkto: Duna un deskripshon kiko ta e produkto of servisio i menshoná dikon? - 3. Personeel, trahadó: Empresa ta eksigí pa e trahadó tin diploma of eksperiensha? Of e ta tuma rísiko ku hende sin eksperiensha of diploma? E servisio ta mas mihó si usa hende ku tin diploma? - 4. Prijs, preis: Kon ta kalkulá e preis di e produkto of servisio? Tin demanda pa esaki? Hende por page? Hende kier paga pe? - 5. Promotie, promoshon: Kon ta hasi promoshon? Ta paga pa promoshon manera televishon, radio, korant of revista/folder? Of ta hasi uso di plataforma digital manera facebook of un persona famoso? Of ta hasi uso di promoshon di boka pa boka. Of ta hasi uso di Embahador? - Un persona ku ta hasi promoshon gratis pa un empresa nos ta yame un (3) Embahador (Representante). - Dor ku e persona ta pasa asina dushi ku e ta bai hasi promoshon (boka pa boka, medionan sosial) sin wordu paga pa e empresa. - 6. Presentatie, presentashon: Kon e lugá ta presentá su mes? Pafó tin lus? Tin bòrchi? Paden tin televishon? Tin airco? E trahadó ta bisti unifòrm? E ambiente paden ta dòrna? E kuminda su presentashon ta bunita? E uso di material manera tayo ta bunita? ## Kapítulo 3 De soorten gasten - Meta di e lès: Na final di e lès e studiante por indika por eskrito - e 3 tipo di kliente ku ta bishita horeca (1) - di kada tipo di kliente kiko ta e diferensha i menshoná 2 ehèmpel kon pa tene kuenta ku kada tipo di kliente (2) - (1) E 3 tipo di kliente - Turista, lokal i negoshante. - Turista: Ta mas relahá paso ta riba vakantie. Ta tribi di eksperimentá i purba kos nobo. Nos mester duna nan e sentimentu di fakansi. Si bo duna un turista mal trato e ta subi internet i duna komentario negativo. E komentario negativo riba internet ta keda pa semper! - (2) Turista ta wak si e luga ta netchie, limpi. Tambe e ta wak si e kuminda ta bunita presenta. Un servisio ku amabildat ta importante pa e turista. Korda riba e parti di komunikashon, e trahado por papia Ingles? E karta di menu ta na Ingles? Tin informashon tokante alergia di kuminda? - Lokal: Ta bishita horeca pa un momentu dushi (Seen & be Seen). Si e haña ku e servisio ta malu e ta bisabu mesora. Si bo no drecha e servisio e ta lanta bai sin paga kuenta. Despues di esaki e ta bai konta yen hende ku e konosé kon malu e luga ta. (propaganda di boka pa boka pero negativo). (2) Bo no por gañ'é ku preis karu paso e konosé e merkado hopi bon. No laga e persona lokal warda muchu largu riba su kuminda. - Negoshante: No tin tempu pa bisabu ku e servisio ta malu. No tin tempu pa subi internet i duna komentario negativo, "Time is Money". E negoshante ta bai anto no ta bini nunka mas. (2) Loke e ta pidi ta un lugá trankil i konfortabel, airco, bon WIFI, kuminda lihé pero luho manera; salada, wraps, sandwich luho manera Foccacia i Pannini's. ## Kapítulo 4 Keukenverdeling, Routing, materialen voor de productie - Meta di e lès: Na final di e lès e studiante por: - duna un deskripshon por eskrito básiko di e repartishon di un kushina den horeca (1) - indika por eskrito kiko kier men e palabra Routing (Ruta) (2) - indika por eskrito kiko kier men e palabra Ergonomia i kiko ta su meta prinsipal (3) - duna un deskripshon por eskrito di 7 tipo di material ku ta wordu usa den kushina (4) - indika por eskrito e funshon di un koksmes (chef's knife), golfmes (kartel -, broodmes), dunschiller (peeler) i un aardappelschilmesje (5) - indika por eskrito e funshon di un snijplank (tabla di kòrta) koló: Wit (blanku), Geel (hel), Groen (bèrdè), Rood (kòrá), Bruin (maron), Blauw (blou), Paars (lila) (6) - splika por eskrito kiko kier men Kruis besmetting/Cross Contamination (7) - indika por eskrito kon por elemina e bakteria Salmonella (8) - (1) Repartishon di kushina - Un kushina mester tin; - 1. Entrada prinsipal. - 2. Salida di emergensha. - 3. Porta kaminda ta risibí produkto pa kontrolá. - 4. Aria pa laba tayo etc. - 5. Kashi unda ta warda material pa sirbi kuminda manera tayo i baki pa hiba kuminda. - 6. Aria pa saka kuminda. - 7. Kushina friu. - 8. Kushina kayente. - 9. Vriezer ku koeling. - 10. kantor pa hasi atministrashon. - 11. Kashi pa warda material manera panchi, wea etc. - (2) Routing (Ruta) - E kaminda of ruta mas kòrtiku of efisiente entre A ku B pa ta mas efisiente of promové ergonomia. - Ergonomia - E estudio sientífiko di hende den relashon ku su ambiente. Esaki por ta un produkto, aria di espasio òf aria di trabou. Ergonomia ta den tur kos ku nos ta hasi, pero e ta mas konosí den e situashon laboral. - E palabra ergonomia ta un kombinashon di e palabranan 'trabou' (Ergon) ku 'lei' (Nomos) den e idioma Griego (pais Gresia). E meta di ergonomia ta pa promové siguridat i salu serka e trahadó. - (4) Tipo di material pa produkshon - 1. Plèstik → material barata pero frágil, e por duna kuminda holó. - 2. Stainless steel (acero inoxidabel) → material duru ku ta bai largu, pero e ta karu. E no ta pasa holó ni kolo pa kuminda. - 3. Aluminio → material ku no ta pisa lihé pero por bira bros dor di sierto kímiko den habon. - 4. Glas → material barata pero frágil, e ta wanta kayente bon. Glas ta wòrdu traha di santu. - 5. Porselana → material hopi karu pero frágil, e por hopi bon kontra kayente. Porselana ta wòrdu traha di klei blanku. - 6. Palu material barata pero frágil. E por haña beskein of e por splenter. - 7. Silicone → material manera plèstik pero moli, e ta barata pero frágil. - (5) Funshon di diferente tipo di kuchui - Koksmes (Chef's knife) - Golfmes (Kartel, Brood, Zaag) - (6) Tabla di korta di diferente kolo - Kada tabla di kolo ta wòrdu usa pa 1 of mas tipo di produkto. - 1. Blanku (wit) ta ofisial pa pan i keshi (No-ofisial ta pa uso general). - 2. Hel (geel) ta pa produkto di pluma manera galiña, kalakuna, para etc. - 3. Bèrdè (groen) ta pa fruta ku berdura. - 4. Kòrá (rood) ta pa karni kòrá kurú. - 5. Maron (bruin) ta pa karni kushina of belèg manera wòrs. - 6. Blou (blauw) ta pa piska ku seafood. - 7. Lila (paars) ta pa Pastry (bolo etc.) - (7) Kruis besmetting/Cross Contamination - Ora dos produkto krusa otro anto kontaminá otro nos ta papia di kontaminashon krusa (Kruis besmetting/Cross contamination). - Por ehèmpel kòrta galiña kurú riba un tabla sin laba i despues ta kòrta kròpsla riba dje. Riba e galiña por tin e bakteria peligroso Salmonella. - E bakteria Salmonella (8) por hasi un hende hopi malu. Nos por elimina e bakteria aki dor di laba e produkto manera galiña den binager of dor di kushina e produkto bon/kompletu. ## Anekso - Tèrmino final pa tema: Lès 1 De HICT-branche - Deelkwalificatie: Horeca assistent (KTH) - 06. De leerlingen kunnen een beschrijving geven van de manier waarop de HICT-branche is opgebouwd. - Tèrmino final pa tema: Lès 2 De 6 bedrijfsformules (De 6 P's) - Deelkwalificatie: Horeca assistent (KTH) - 07. De leerlingen kunnen een beschrijving geven van de basisformules in de horecabranchevormen van bedrijfsformules. - 09. De leerlingen kunnen de invloed van bedrijfsformule op de invulling en uitvoering van functie van horeca-assistent verklaren. - Tèrmino final pa tema: Lès 3 De soorten gasten - Deelkwalificatie: Horeca assistent (KTH) - 08. De leerlingen kunnen een beschrijving geven van soorten gasten die horeca- bedrijvenbezoeken. - Tèrmino final pa tema: Lès 4 De keukenruimte, routing en diverse materialen voor de productie - Deelkwalificatie: Horeca assistent (KTH) - 16. De leerlingen kunnen een functionele beschrijving geven van de machines, apparatuur en materialen die nodig zijn voor de inrichting van werkruimtes in dranken- en niet-luxe maaltijd verstrekkende bedrijven.