Tekstong Naratibo: Uri, Pananaw, Pagpapahayag

• Ang tekstong naratibo ay pagsasalaysay o pagkukwento ng mga pangyayari tungkol sa isang tao o mga tauhan.
• Ang mga pangyayari ay nagaganap sa isang lugar at panahon at may maayos na pagkakasunod-sunod mula simula hanggang wakas.

Iba't ibang Uri ng Naratibong Teksto

• Maikling Kwento
• Nobela
• Kwentong Bayan
• Mitolohiya
• Alamat
• Tulang Pasalaysay

Pananaw o Punto de Vista sa Tekstong Naratibo

• Mayroong iba't ibang pananaw o punto de vista ang tekstong naratibo.

Unang Panauhan

• Ang isa sa mga tauhan ang nagsasalaysay ng mga bagay na kanyang nararanasan, naalala, o naririnig.

Ikalawang Panauhan

• Ginagamit ng manunulat ang mga panghalip na "ka" o "ikaw" na mistulang kinakausap ang tauhan sa kwento, ngunit hindi ito gaanong ginagamit.

Ikatlong Panauhan

• Isinasalaysay ng isang taong walang relasyon sa tauhan at gumagamit ng panghalip na "siya" o "sila"; ang tagapagsalaysay ay tagapag-obserba lamang.

Mga Paraan ng Pagpapahayag ng Diyalogo

• Mayroong dalawang paraan ng pagpapahayag ng diyalogo.

Direkta o Tuwirang Pagpapahayag

• Ang tauhan ay direktang nagsasaad o nagsasabi ng kanyang diyalogo, saloobin, o damdamin gamit ang panipi.

Di Direkta o Di Tuwirang Pagpapahayag

• Ang tagapagsalaysay ang naglalahad ng mga sinasabi, iniisip, o nararamdaman ng tauhan na hindi ginagamitan ng panipi.

Mga Elemento ng Tekstong Naratibo

• Mayroong apat na elemento ng tekstong naratibo.

Tauhan

• May dalawang paraan sa pagpapakilala ng tauhan: expository at dramatiko.

Expository

• Ang tagapagsalaysay ang nagpapakilala o naglalarawan sa pagkatao ng tauhan.

Dramatiko

• Kusang lumalabas ang karakter dahil sa kanyang pagkilos o pagpapahayag.

Karaniwang Tauhan sa mga Akda

• Mayroong apat na karaniwang tauhan.
• Pangunahing Tauhan - ang bida na umiikot ang mga pangyayari sa kwento mula simula hanggang katapusan.
• Katunggaling Tauhan - ang kontrabida na sumasalungat o kalaban ng pangunahing tauhan.
• Kasamang Tauhan - karaniwang kasama o kasangga ng pangunahing tauhan.
• May-akda - sinasabing ang pangunahing tauhan at ang may-akda ay laging magkasama sa kabuuan ng akda.

Tagpuan at Panahon

• Tumutukoy sa lugar kung saan naganap ang mga pangyayari sa akda, gayundin sa panahon (oras, petsa, taon) at maging sa damdaming umiiral sa kapaligiran nang maganap ang mga pangyayari.

Banghay

• Ito ang maayos na daloy o pagkasunod-sunod ng mga pangyayari sa mga tekstong naratibo upang mabigyang-linaw ang temang taglay ng akda.
  • Simula - pagpapakilala ng mga tauhan, tagpuan at tema.
  • Suliranin
  • Kasiglahang hahantong sa aksiyong gagawin ng tauhan
  • Pangyayaring hahantong sa Kasukdulan
  • Resolusyon o kakalasan
  • Makabuluhang Wakas

Anachron

• Pagsasalaysay na hindi nakaayos.
• May tatlong uri ito.
  • Analepsis (flashback) - pagpasok ng mga pangyayaring naganap sa nakalipas.
  • Prolepsis (flash-forward) - pagpasok ng mga pangyayaring magaganap pa lang sa hinaharap.
  • Ellipsis - mga puwang o patlang sa pagkasunod-sunod ng mga pangyayari na nagpapakitang may bahagi sa pagsasalaysay na tinanggal.

Paksa o Tema

• Ang sentral na ideya kung saan umiikot ang mga pangyayari sa tekstong naratibo.

Ang tekstong naratibo ay nagkukwento ng mga pangyayari sa buhay ng mga tauhan. May iba't ibang uri ito tulad ng maikling kwento, nobela, at alamat. Mahalaga ring malaman ang pananaw at paraan ng pagpapahayag sa tekstong naratibo.