Pokus ng Pandiwa

Pokus ng Pandiwa

• Tumutukoy sa relasyon ng pandiwa at paksa sa isang pangungusap.
• May pitong (7) pokus ng pandiwa.

Pokus sa Tagaganap/Aktor

• Ang paksa ang gumagawa ng kilos.
• Tanong: "Sino?"
• Panlapi: um, ma-, mag, nag-, mang-, maka, makapag-, mag-an, maki-, magsipag-, at an/han.
• Halimbawa: Bumili ng bestida si Jean, Manghihiram ako ng aklat.

Pokus sa Layon

• Ang paksa ang pinagtutuunan ng kilos.
• Tanong: "Ano?"
• Panlapi: i-, -in/-hin, -an/han, ma, paki, ipa.
• Halimbawa: Inabot niya ang aklat sa itaas ng cabinet, Sinigang ang ipaluto mo kay Aling Selya.

Pokus sa Ganapan

• Ang paksa ang lugar kung saan naganap ang kilos.
• Tanong: "Saan?"
• Panlapi: an/han, pag-/an, mapag-an/han, paki-/an/han, ma-/-an/han, pinag-/-an, o in/an.
• Halimbawa: Iyon ang simbahan na pagdarausan ng kasal, Malayo ang ospital na pinagdalhan sa maysakit.

Pokus sa Tagatanggap

• Ang paksa ang tumatanggap ng kilos.
• Tanong: "Para kanino?"
• Panlapi: i-+in, ipag-, ma+ipag, at ipagpa-.
• Halimbawa: Kami ang ipinagluto ni Jimmy ng masarap na pancit, Ako ang ipinagtabi ni nanay ng keyk.

Pokus sa Kagamitan

• Ang paksa ang gamit sa paggawa ng kilos.
• Tanong: "Sa pamamagitan ng ano?"
• Panlapi: ipang-/in, at ma-+ipang-.
• Halimbawa: Ipinanghiwa niya ng gulay ang bagong kutsilyo, Posporo ang ipinansindi niya ng kandila.

Pokus sa Sanhi

• Ang paksa ang dahilan ng kilos.
• Tanong: "Bakit?"
• Panlapi: i-, ika-, ikina- at ikapang-.
• Halimbawa: Ikinatuwa ni nanay ang bagong kotse ni tatay, Ikinalungkot ng buong pamilya ang pagkamatay ng aming aso.

Pokus sa Direksyon

• Ang paksa ang direksyon ng kilos.
• Tanong: "Tungo saan o kanino?"
• Panlapi: han, -in, o -hin.
• Halimbawa: Sinulatan niya ang kanyang Lola Juana, Tinungo niya ang tirahan ni Ann, ang Diyosa ng kagubatan.