Uri at Pokus ng Pandiwa

Uri ng Pandiwa

• Ang mga pandiwa ay maaaring katawanin o palipat.
• Ang mga pandiwang katawanin ay hindi nangangailangan ng tuwirang layon na tumatanggap ng kilos.
  • Halimbawa: Mabilis na nagtakbuhan ang mga magnanakaw.
• Ang mga pandiwang palipat ay may tuwirang layon na tumatanggap ng kilos.
  • Halimbawa: Kinuha ni Joseph ang lapis sa loob ng kanyang bag.

Pokus ng Pandiwa

• Ang pandiwa ay may anim na pokus: aktor, gol, lokatib, kagamitan, benepektib, at sanhi.

Pokus sa Aktor

• Ang pandiwa ay nasa pokus sa aktor kapag ang simuno ang gumaganap ng kilos.
  • Halimbawa: Naglalaba si Nanay tuwing Sabado at Linggo.

Pokus sa Gol

• Ang pandiwa ay nasa pokus sa gol kapag ang simuno ang binibigyang diin sa pangungusap.
  • Halimbawa: Tinahi ni Yaya ang butas ng pantalon ni Ate.

Pokus sa Lokatib

• Ang pandiwa ay nasa pokus sa lokatib kapag ang simuno ay ang lugar na pinangyarihan ng kilos.
  • Halimbawa: Ang mga platong ito ay pinagkainan ng mga bisita sa salu-salo.

Pokus sa Kagamitan

• Ang pandiwa ay nasa pokus sa kagamitan kapag ang simuno ay ang kagamitan o bagay na ginamit upang maisagawa ang kilos.
  • Halimbawa: Ang traysikel ang ipinanghatid niya sa kanyang mga anak sa eskwela.

Pokus sa Benepektib

• Ang pandiwa ay nasa pokus sa benepektib kapag ang simuno ay tumatanggap ng kilos ng pandiwa.
  • Halimbawa: Ipinagluto ni Mang Pedring ng hapunan ang kanyang pamilya.

Pokus sa Sanhi

• Ang pandiwa ay nasa pokus sa sanhi kapag ang simuno ay nagpapahayag ng sanhi ng kilos ng pandiwa.
  • Halimbawa: Ikinaiyak ng mga manonood ang pagkamatay ng bidang babae.

Pang-uri

• Ang pang-uri ay isang salita na naglalarawan o nagbibigay turing sa pangalan o panghalip.
  • Halimbawa: Ang malaking bag na iyan ang palaging dala ni Mary tuwing papasok sa paaralan.

Uri ng Pang-uri

• May tatlong uri ng pang-uri: panlalarawan, pamilang, at pantangi.

Panlalarawan

• Ang panlalarawan ay naglalarawan ng higis, anyo, lasa, amoy, kulay, laki ng mga bagay. Naglalarawan din ito ng katangian at ugali ng tao o hayop.
  • Halimbawa: Mainit ang panahon.

Pamilang

• Ang pamilang ay salitang nagsasad ng bilang o dami ng mga pangngalang inilalarawan.
  • Halimbawa: Taglima kayo ng tinapay na dala ko.

Pantangi

• Ang pantangi ay binubuo ng pangngalang pambalana at isang pantangi.
  • Halimbawa: Dumayo ang lalaking Amerikano dito upang tikman ang mga lutong Pinoy.

Kaantasan ng Pang-uri

• May tatlong kaantasan ang pang-uri: lantay, pahambing, at pasukdol.

Lantay

• Ang lantay ay naglalarawan lamang ng isang pangngalan o panghalip.
  • Halimbawa: Matalim ang itak na ginamit ni Italy sa pagputol ng puno.

Pahambing

• Ang pahambing ay naghahambing ng dalawang magkatulad na katangian. Mayroon tatlong uri: Patulad, pasahol, at palamang.

Patulad

• Ang patulad ay naghahambing ng dalawang magkatulad na katangian.
  • Panlapi: sing-, kasing-, agsingpareho, kapwa
  • Halimbawa: Parehong maalaga ang mga magkapatid na Rose at Lita sa kanilang mga magulang.

Pasahol

• Ang pasahol ay naghahambing ng dalawang magkatulad na katangian kung saan ang isa ay kulang sa katangian.
  • Panlapi: di gaano, di gasino, di masyado
  • Halimbawa: Di masyadong maayos ang pagkakagawa nitong mesa kaysa sa silya.

Palamang

• Ang palamang ay naghahambing ng dalawang magkatulad na katangian kung saan ang isa ay naghihigit sa katangian.
  • Panlapi: higit, lalo, mas, di hamak
  • Halimbawa: Higit na masipag si Jay kaysa kay Lloyd.

Awiting Bayan

• Ang awiting bayan, na tinatawag ding kantahing-bayan, ay isang uri ng sinaunang panitikang Pilipino.
• Ito ay nasa anyong patula na inaawit at karaniwang binubuo ng labindalawang pantig sa bawat taludtod.

Alamin ang iba't ibang uri ng pandiwa at ang kanilang mga pokus sa quiz na ito. Mapag-aaralan dito ang pagkakaiba ng pandiwang katawanin at palipat, pati na rin ang mga pokus tulad ng aktor, gol, lokatib, at iba pa. Maghanda at subukin ang iyong kaalaman!