Kahalagahan ng Pagbasa

ANG PAGBASA

• Ang pagbasa ay susi sa pagbubukas ng pinto sa daigdig ng karunungan at kasayahan (Villafuerte et al., 2005).
• Ang pagbasa ay proseso ng pagbubuo ng kahulugan mula sa mga nakasulat o nakalimbag na teksto (Anderson et al., 1985).
• Mahalagang papel ang pagbasa sa paghahasa ng karunungan, kabatiran, at kahusayan (Bernales et al., 2001).
• Ang pagbasa ay itinuturing na isang psycholinguistic guessing game (Kenneth Goodman).
• Ang pagbasa ay isang proseso ng pagtanggap at pagpapakahulugan sa mga nakakodang impormasyon sa anyo ng wika, sa pamamagitan ng limbag na midyum (Urquhart at Weir, 1998).
• May apat na hakbang ang proseso ng pagbasa, ayon kay William S. Gray: Persepsiyon, Komprehensiyon, Aplikasyon, at Integrasiyon.

KAHALAGAHAN NG PAGBABASA

• Nakapagdaragdag ng kaalaman sa pamamagitan ng mga bagong impormasyong natutuhan.
• Nakatutulong sa pagpapasiya tungkol sa mga sitwasyon.
• Nakalilibang ang pagbabasa.
• Gabay sa mga pagpapasiya at batayan sa mga moral na pangangatwiran at pananaw.
• Patnubay sa pag-unawa sa kasaysayan
• Nakatutulong sa pagbuo ng bagong imbensyon para sa kabutihan ng tao.
• Nagiging pamilyar sa mga lugar na hindi pa napag-aralan.

MGA TEORYA SA PAGBASA

• Bottom-up: Pagpapakahulugan na nagmumula sa teksto patungo sa pagkatuto ng mambabasa (text-driven).
• Top-down: Pagpapakahulugan na nagsisimula sa mambabasa patungo sa teksto (conceptually driven).
• Interactive: Kombinasyon ng bottom-up at top-down na teorya.
• Schema/Iskema: Ang dating kaalaman ng mambabasa ay mahalagang bahagi ng pag-unawa sa teksto (Barlett, 1972; Rumelhart, 1980).

URI NG PAGBASA AYON SA PAMAMARAAN

• Pahapyaw na Pagbasa: Pagbasa sa mga impormasyon nang mabilis.
• Mabilis na Pagbasa: Pagbasa upang maunawaan ang pangkalahatang pananaw ng teksto.
• Paaral na Pagbasa: Pagbasa para sa pagkuha ng mahahalagang detalye.
• Pagsusuring Pagbasa: Mapanuring pagbasa para sa pagsusuri ng mga teorya at prinsipyo.
• Pamumunang Pagbasa: Pagsusuri sa tekstong binasa mula sa mga elemento nito.
• Iskiming: Madaling pagbabasa para sa paghahanap ng mahahalagang impormasyon.
• Iskaning: Paghahanap ng tiyak na impormasyon.
• Kaswal: Pagbasa para sa pampalipas-oras.
• Komprehensibo: Pagbasa para sa lubos na pagkatuto sa pamamagitan ng masinsinang pagsusuri sa teksto.
• Kritikal: Pagsusuri ng kawastuhan at katotohanan ng teksto.
• Pamuling-Basa: Uulit-ulitin ang pagbasa upang makuha ang mga aral.

GABAY SA MAAYOS NA PAGBABASA

• Bigyang-pansin ang pag-unawa sa mga impormasyon.
• Suriin ang kaisipan ng may-akda at ang mga pangunahing katangian ng tauhan.
• Bigyang-pansin ang sariling opinyon at mga reaksiyon.
• Pag-uugnay ang binasang teksto sa mga karanasan sa tunay na buhay.
• Pagbuo ng mga kongklusyon at mga bagong pananaw.

MGA PROSESO NG PAGBASA

• Prosesong Salubungan: Komunikasyon sa pagitan ng mambabasa at may-akda, batay sa reader-response theory.
• Prosesong Biswal: Malinaw na paningin.
• Aktibong Proseso: Pangkaisipan na proseso na kumikilos ayon sa sigla ng katawan.
• Sistemang Panlingguwistik: Pag-unawa sa mga elementong pangwika ng teksto.
• Iskema/Dating Kaalaman: Impluwensiya ng dating kaalaman sa pag-unawa sa teksto.

KARANIWANG SULIRANIN SA PAGBABASA

• Malabong paningin
• Kakulangan sa kaalamang pangwika
• Kakulangan sa kaalamang kultural
• Kakulangan sa kaalaman, impormasyon, at karanasan na may kinalaman sa pisikal. pangkapaligiran at panlipunang impluwensiya.

MGA HAKBANG SA PAGBASA

• Pagbibigay ng literal na pag-unawa sa mga tekstong binasa.
• Pagbubuo ng sariling pag-unawa.
• Pagbibigay-pansin sa mga pangyayari at katangian ng tauhan.
• Pagbuo ng kongklusyon at iba pang mga bagong pananaw.

MGA URI NG TEKSTO

• Pang-agham: Teksto na ang layunin ay magbigay ng kaalaman at makapanguna sa isang ideya.
• Pambatas: Teksto na nagtatakda ng mga batas.
• Panghumanidades: Teksto na may kaugnayan sa pag-iisip at kultura ng tao.
• Pangmatematika at Pang-agham: Teksto na naglalaman ng mga kaalaman at proseso na may kaugnayan sa agham at matematika.
• Pangkultura: Teksto na naglalarawan o naglalaman ng mga impormasyon sa kultura.
• Pang-impormasyon/Impormatibo: Teksto na nagbibigay ng impormasyon.
• Nanghihikayat: Teksto na naglalayong hikayatin ang mambabasa na sumang-ayon sa isang paniniwala o ideya.
• Naglalahad: Teksto na nagpapaliwanag at nagbibigay ng detalyadong pagpapaliwanag.