Ang Buhay ni Rizal

Study Notes

Si Jose Rizal ay isinilang noong Hunyo 19, 1861 sa Calamba, Laguna.
Ang kanyang buong pangalan ay Jose Protacio Mercado Rizal y Alonso Realonda.
Ang pangalan niyang "Rizal" ay nagmula sa salitang Espanyol na "Recial," na ang ibig sabihin ay luntiang bukirin.
Binyag siya sa Simbahang Katoliko noong Hunyo 22, 1861 ni Padre Rufino Collantes.
Ang kanyang ninong ay si Padre Pedro Casanas.

Ang kanyang mga magulang ay sina Francisco Engracio Rizal Mercado y Alejandro at Teodora Morales Alonzo Realonda y Quintos.
Ang kanyang ama ay isinilang noong Mayo 11, 1818 sa Binan, Laguna, at namatay noong Enero 5, 1898 sa Maynila.
Ang kanyang ina ay isinilang noong Nobyembre 8, 1826 sa Maynila at namatay noong Agosto 6, 1911 sa Maynila.
Ang unang ninuno ni Rizal sa panig ng kanyang ama ay si Domingo Lamco, isang Tsino na mula sa Fukien.
Si Domingo Lamco ay nag-asawa kay Ines dela Rosa at naging anak nila si Francisco, na ang unang nag-gamit ng apelyidong Mercado.

Si Rizal ay ang ikapitong anak sa labing-isang magkakapatid.
Ang kanyang mga kapatid ay sina Saturnina, Paciano, Narcisa, Olimpia, Lucia, Maria, Jose, Concepcion, Josefa, Trinidad at Soledad.
Ang kanyang kapatid na lalaki ay si Paciano.

Ang mga impluwensiya sa pagkabata ni Rizal ay ang kanyang mga ninuno, ang kanyang mga magulang, at ang kanyang kapaligiran.
Mula sa kanyang mga ninunong malaya, minana niya ang pagmamahal sa kalayaan at ang katapangan.
Mula sa kanyang mga ninunong Tsino, minana niya ang pagiging seryoso, masinop, at mapagmahal sa mga bata.
Mula sa kanyang mga ninunong Espanyol, minana niya ang pagiging elegante, madamdamin sa mga insulto, at galante sa mga kababaihan.
Mula sa kanyang ama, natutuhan niya ang pagpapahalaga sa sarili, ang pagmamahal sa paggawa, at ang malayang pagiisip.
Mula sa kanyang ina, natutuhan niya ang pagiging relihiyoso, ang diwa ng pamamalasakit, at ang pagmamahal sa literatura.