HEKASI V: Sagisag Panulat ni Jose Rizal Quiz at Flashcards

Study Notes

Ang buong pangalan ni Jose Rizal ay Jose Protacio Rizal Mercado y Alonso Realonda, at kinikilalang pambansang bayani ng Pilipinas.
Ipinanganak siya sa Calamba, Laguna noong Hunyo 19, 1861.
Ang kaniyang mga magulang ay sina Teodora Alonso Realonda at Francisco Mercado, at sila ay labing isang magkakapatid.

Nag-aral siya sa Ateneo de Manila, Unibersidad ng Santo Tomas, at Unibersidad Central de Madrid.

Sumapi siya sa Kilusang Propaganda at naging miyembro ng patnugutan ng La Solidaridad gamit ang sagisag-panulat na "Laong-Laan" at "Dimasalang".

Nakulong siya sa Fort Santiago noong Hulyo 6, 1892, at nagsulat ng tulang "Mi Ultimo Adios" habang siya ay nakakulong.
Noong Hulyo 15, 1892, ipinatapon si Rizal sa Dapitan, Zamboanga del Norte, at tumira ng apat na taon dito.
Pinatay si Jose Rizal noong ika-30 ng Disyembre 1896 sa pamamagitan ng firing squad sa Bagumbayan.

Noli Me Tangere - isinulat ni Rizal sa hangaring mapukaw ang kamalayan ng mga Pilipino sa mga pagmamalabis sa kapangyarihan at kalupitan ng mga dayuhan.
El Filibusterismo - isinulat ni Rizal na buong pusong inalay sa tatlong paring martir, na lalong kilala sa bansag na GOMBURZA.
Mi Ultimo Adios - isinulat ni Rizal bago siya binaril sa Bagumbayan, at ipinahayag niya sa tulang ito ang mga papuri at marubdob na pagmamahal sa ating bansa.
Sobre La Indolencia de Los Filipino - isinulat ni Rizal sa pahayagang La Solidaridad, at pinabulaanan ni Rizal na ang mga Pilipino ay tamad.
Filipinas Dentro De Cien Anios - ipinahiwatig ni Rizal sa sanaysay na ito ang isang prediksiyon sa pagkakaroon ng malakas na impluwensiya at posibleng pananakop ng United States sa Pilipinas.
A La Juventud Filipina - isinulat ni Rizal bilang handog sa mga Pilipinong mag-aaral sa Unibersidad ng Sto Tomas, at nagpapahayag rin ito ng papuri sa lahat ng kabataang Pilipino na itinuturing ni Rizal na pag-asa ng bayan.