UD 5. INTERVENCIÓN PARA A EDUCACIÓN PARA A SAÚDE ORAL (PDF)

UD 5. INTERVENCIÓN PARA A EDUCACIÓN PARA A SAÚDE ORAL. Existen dúas formas de desenvolvemento da EpS que non son excluíntes senón complementarias: a individual e a grupal. 2. TÉCNICAS EDUCATIVAS MÁIS UTILIZADAS EN EpS. Podemos establecer unha clasificación das técnicas educativas en cinco grupos:...

UD 5. INTERVENCIÓN PARA A EDUCACIÓN PARA A SAÚDE ORAL. Existen dúas formas de desenvolvemento da EpS que non son excluíntes senón complementarias: a individual e a grupal. 2. TÉCNICAS EDUCATIVAS MÁIS UTILIZADAS EN EpS. Podemos establecer unha clasificación das técnicas educativas en cinco grupos: TÉCNICAS OBXECTIVOS Técnicas de investigación na aula Expresar preconceptos ou modelos previos e experiencias do grupo. Técnicas expositivas Reorganizar informacións Técnicas de análise Analizar e reflexionar Técnicas para o desenvolvemento de habilidades Desenvolvemento e entrenamento de habilidades Outras técnicas ------ Afondando un pouco máis nos tipos de técnicas educativas, podemos expor: Técnicas de investigación na aula: son útiles fundamentalmente para expresar, reflexionar, organizar e compartir coñecementos, experiencias e sentimentos, servindo en xeral como punto de partida para traballos posteriores de análises, contrastar con outras informacións, etc. Abordan sobre todo os obxectivos e contidos da área afectiva da persoa, aínda que tamén a cognitiva e a de habilidades. Técnicas expositivas: son útiles fundamentalmente para a transmisión, contraste e reorganización de coñecementos, informacións, modelos, teorías ou estudos. Aborda sobre todo os coñecementos, feitos e principios, dentro da área cognitiva, aínda que tamén as habilidades cognitivas. As técnicas expositivas deberían ter unha duración máxima de 20 minutos. Técnicas de análise: utilízanse fundamentalmente para analizar temas desde distintas perspectivas: factores causais, comparación de realidades, alternativas de solución, etc. Abordan sobre todo as habilidades cognitivas (de análises, síntese, valoración de situacións…) e tamén a área afectiva contribuíndo a traballar actitudes, valores e sentimentos. Técnicas para o desenvolvemento de habilidades: serían útiles fundamentalmente para adestrar en habilidades concretas e desenvolver a capacidade de actuar, de comportarse en situacións reais. Traballan fundamentalmente a área das habilidades ou capacidades, sobre todo psicomotoras, persoais e sociais. Outras técnicas de aula e/ou fóra de aula: este grupo abarca as técnicas que non quedan incluídas nos 4 grupos anteriores: investigacións realizadas fóra da aula, distintos tipos de traballos en grupo pequeno ou grande, exercicios, xogos, tarefas para casa, etc.