Mga Hilig Ayon kay John Holland PDF

## Mga Hilig Ayon kay John Holland **Nasasalamin ito sa mga paboritong gawain na nagpapasaya sa iyo dahil gusto mo at buo ang iyong puso na ibigay ang lahat ng makakaya nang hindi nakakaramdam ng pagod o pagkabagot.** **Ayon kay Holland, may anim na kategorya ng hilig ang tao.** ### Kategorya ng...

## Mga Hilig Ayon kay John Holland **Nasasalamin ito sa mga paboritong gawain na nagpapasaya sa iyo dahil gusto mo at buo ang iyong puso na ibigay ang lahat ng makakaya nang hindi nakakaramdam ng pagod o pagkabagot.** **Ayon kay Holland, may anim na kategorya ng hilig ang tao.** ### Kategorya ng Hilig | Kakayahan/Palatandaan | Posibleng Trabaho/Ginagawa --- | --- | --- **Realistic** | Ang taong nasa ganitong interes ay mas nasisiyahan sa pagbuo ng mga bagay gamit ang kanilang malikhaing kamay o gamit ang mga kasangkapan kaysa makihalubilo sa mga tao at makipagpalitan ng opinyon. Ang mga taong realistic ay matapang at praktikal, at mahilig sa mga gawaing outdoor. | forester, radio operator, auto engineer, mechanical engineer, civil engineer, vocational teacher, technician **Investigative** | Ang mga trabahong may mataas na impluwensiya dito ay nakatuon sa mga gawaing pang-agham. Ang mga taong nasa ganitong interes ay mas gustong magtrabaho nang mag-isa kaysa gumawa kasama ang iba. Sila ay mayaman sa ideya at malikhain sa mga kakayahang pang-agham, isa na rito ang mga pananaliksik. Mapanuri, malalim, matatalino, at task-oriented ang mga katangian nila. | economist, physician, mining engineer, anthropologist, astronomer, pathologist, physicist, chemist, production planner, medical lab assistant, biologist **Artistic** | Ang mga taong may mataas na interes dito ay mailalarawan bilang malaya at malikhain, mataas ang imahinasyon, at may malawak na isipan. Nasisiyahan ang mga nasa ganitong interes sa mga situwasyon kung saan nakararamdam sila ng kalayaan na maging totoo, nang walang anumang estrukturang sinusunod at hindi basta napipilit na sumunod sa maraming mga panuntunan. Nais nila ang mga gawaing may kaugnayan sa wika, sining, musika, pag-arte, pagsulat, at iba pa. | drama coach, language teacher, journalist, reporter, drama-teacher, dancing-teacher, foreign language interpreter, philosopher **Social** | Ang mga nasa ganitong grupo ay kakikitaan ng pagiging palakaibigan, popular, at responsable. Gusto nila ang social interaksiyon at pinaliligiran ng mga tao. Madalas na mas interesado sila sa mga talakayan ng mga problema o situwasyon ng iba at mga katulad na gawain, kung saan mabibigyan sila ng pagkakataong magturo, magsalita, manggamot, tumulong, at mag-asikaso. | education, teaching, welfare, human development, counseling, health professions (medicine, nursing) **Enterprising** | Likas sa mga taong nasa ganitong grupo ang pagiging mapanghikayat, mahusay mangumbinsi ng iba para sa pagkamit ng inaasahan o target goals. Ang mga taong may mataas na interes dito ay madalas na masigia, nangunguna, may pagkukusa, at kung minsan ay madaling mawalan ng pagtitimpi at pasensiya | sales, marketing manager, banker, insurance underwriter, real estate appraiser, florist, industrial engineer, contractor **Conventional** | Ang mga grupo o pangkat ng mga taong may mataas na interes dito ay naghahanap ng mga panuntunan at direksiyon; kumikilos sila nang ayon sa tiyak na inaasahan sa kanila. Sila ay maaaring mailalarawan bilang matiyaga, mapanagutan, at mahinahon. Masaya sila sa mga gawaing tiyak, may sistemang sinusunod, maayos ang mga datos, at organisado ang rekord. | clerical, administrative, time study analyst, business (commercial), teacher, finance expert, accountant ## Pinatnubayang Pagsasanay ### Imbentaryo ng Talino, Talento, at Interes ### Intrapersonal * Sa talinong ito, natututo ang tao sa pamamagitan ng damdamin, halaga, at pananaw. * Ito ay talino na kaugnay ng kakayahan na magnilay at masalamin ang kalooban. * Karaniwang ang taong may ganitong talino ay malihim at mapag-isa o introvert. * Mabilis niyang nauunawaan at natutugunan ang kaniyang nararamdaman at motibasyon. * Malalim ang pagkilala niya sa kaniyang angking mga talento, kakayahan, at kahinaan ### Interpersonal * Ito ang talino sa interaksiyon o pakikipag-ugnayan sa ibang tao. * Ito ang kakayahan na makipagtulungan o makiisa sa isang pangkat. * Ang taong may interpersonal intelligence ay kadalasang bukas sa kaniyang pakikipagkapuwa o extrovert. * Siya ay sensitibo at mabilis na nakatutugon sa pagbabago ng damdamin, motibasyon, at disposisyon ng kapuwa. * Mahusay siya sa pakikipag-ugnayan nang may pagdama at pag-unawa sa damdamin ng iba. * Siya ay kalakalan, politika, pamamahala, pagtuturo, edukasyon, at social work ### Naturalist * Ito ang talino sa pag-uuri, pagpapangkat, at pagbabahagdan. * Madali niyang makilala ang mumunti mang kaibahan sa kahulugan. * Hindi lamang ito angkop sa pag-aaral ng kalikasan kundi sa lahat ng larangan. * environmentalis, magsasaka, o botanist ### Existential * Ito ay talino sa pagkilala sa pagkakaugnay ng lahat sa daigdig. * "Bakit ako nilikha?" * "Ano ang papel na gagampanan ko sa mundo?" * "Saan ang lugar ko sa aking pamilya, sa paaralan, sa lipunan?" * Ang talinong ito ay naghahanap ng paglalapat at makatotohanang pag-unawa ng mga bagong kaalaman sa mundong ating ginagalawan. * philosopher, theorist, religious (hal.: madre, pari, pastor, life) ## Uri ng Talino | Kakayahan/Palatandaan | Posibleng Trabaho/Ginagawa --- | --- | --- **Visual/Spatial** | Ang taong mabilis matututo sa pamamagitan ng paningin at pag-aayos ng mga ideya. Nakagagawa siya nang mahusay na paglalarawan ng mga ideya na kailangan din niyang makita ang paglalarawan upang maunawaan ito. May kakayahan siya na makita sa kaniyang isip ang mga bagay upang makalikha ng isang produkto o makalutas ng suliranin. May kaugnayan din ang talinong ito sa kakayahan sa matematika. | sining, arkitektura, at inhinyero **Verbal/Linguistic** | Ito ang talino sa pagbigkas o pagsulat ng salita. Kadalasan ang mga taong may taglay na talinong ito ay mahusay sa pagbasa, pagsulat, pagkukuwento, at pagmememorya ng mga salita at mahahalagang petsa. Mas madali siyang matuto kung nagbabasa, nagsusulat, nakikinig, o nakikipagdebate. Mahusay siya sa pagpapaliwanag, pagtuturo, pagtatalumpati, o pagganyak sa pamamagitan ng pananalita. Madali para sa kaniya ang matuto ng ibang wika. | abogasya, pamamahayag (journalism), politika, pagtula, pagtuturo **Bodily/Kinesthetic** | Ang taong may ganitong talino ay natututo sa pamamagitan ng mga kongkretong karanasan o interaksiyon sa kapaligiran. Mas natututo siya sa pamamagitan ng paggamit ng kaniyang katawan, tulad halimbawa sa paglalaro. Sa kabuoan, mahusay siya sa pagbubuo at paggawa ng mga bagay gaya ng pagkakarpintero. Mataas ang tinatawag na muscle memory ng taong may ganitoring talino. | pagsasayaw, isports, pagiging musikero, pag-aartista, pagiging doktor (lalo na sa pag-oopera), konstruksiyon, pagpupulis, at pagsusundalo **Mathematical/Logical** | Taglay ng taong may talino nito ang mabilis na pagkatuto sa pamamagitan ng pangangatuwiran at paglutas ng suliranin (problem solving). Ito ay talinong kaugnay ng lohika, paghahalaw, at numero. | mathematician, chess player, computer programming **Musical/Rhythmic** | Ang taong nagtataglay ng talinong ito ay natututo sa pamamagitan ng pag-uulit, ritmo, o musika. Hindi lamang ito pagkatuto sa pamamagitan ng pandinig kundi pag-uulit ng isang karanasan. Likas na nagtatagumpay sa larangan ng musika ang taong may ganitong talino. | musician, kompositor, disk jockey