Untitled Quiz

• Ang puberty stage ay ang panahon ng pagdadalaga at pagbibinata.
• Ito ay karaniwang nangyayari mula ika-10 hanggang ika-15 taong gulang.

Mga Pisikal na Pagbabago sa Panahon ng Pagdadalaga at Pagbibinata

• Pagkitid ng baywang ng mga babae.
• Pag-umbok ng dibdib at paglaki ng balakang ng mga babae.
• Pagkakaroon ng buwanang daloy o regla ng mga babae.
• Paglaki ng boses para sa mga lalaki.
• Paglitaw ng Adam's apple sa mga lalaki.
• Pagtubo ng bigote at balahibo sa binti at dibdib sa mga lalaki.
• Pagtangkad at pagtaas ng timbang.
• Pagtubo ng buhok sa kili-kili at maselang bahagi ng katawan.
• Pagiging malangis ng mukha at pagkakaroon ng taghiyawat o pimples.

Pagbabagong Pangkaisipan sa Panahon ng Puberty Stage

• Pag-unawa ng tama at mali.
• Pagkakaroon ng pangarap sa buhay.
• Nakapag-iisip ng simpleng solusyon sa problema.
• Pagiging maalalahanin sa iba.

Mga Kinahihiligan sa Panahon ng Puberty Stage

• Nahihilig sa sports gaya ng basketball, volleyball, badminton, football at iba pa.
• Nahihilig kumanta, sumayaw at umarte.
• Humahanga sa mga artista at manlalaro.
• Nahihilig manood ng mga palabas sa telebisyon.
• Nawiwiling magbasa ng nobela.
• Nahihilig gumuhit, magluto at gumawa ng mga handicraft.

Mga Pagbabago sa Damdamin sa Panahon ng Puberty Stage

• Nagkakaroon ng crush.
• Nagiging matampuhin.
• Nagiging palaayos sa sarili.
• Pagseselos kung minsan.

Mga Pagbabago sa Pakikipagkapuwa sa Panahon ng Puberty Stage

• Pagkakaroon ng maraming kaibigan.

• Nakikisali sa mga gawaing pang-grupo.

• Nagiging bukas ang kaisipan sa opinyon ng iba.

• Nagiging masayahin at palabiro.

• Gustong kasama lagi ang mga kaibigan.

• Marunong makisalamuha sa kapuwa.

• Menarche: Ito ang tawag sa unang regla ng mga nagdadalaga.

• Buwanang Daloy o Regla: Nagtatagal ng 3-7 araw at inaabot ng 25-29 araw bago muling datnan.

Mga Dapat Gawin sa Panahon ng Regla

• Maligo araw-araw.

• Magpalit ng kasuotang panloob.

• Gumamit ng sanitary napkin.

• Kumain ng masustansiyang pagkain.

• Matulog at magpahinga nang wasto.

• Mag-ehersisyo.

• Maging pino kung kumilos.

• Pagtutuli: Ito ay isang normal na gawaing nagyayari sa mga batang lalaki upang mapanatili ang kalinisan sa ari.

Mga Dapat Gawin ng Isang Bagong Tuli

• Magsuot ng maluwag na shorts o palda.
• Lumakad at kumilos nang dahan-dahan.
• Sundin ang tamang oras ng pag-inom ng gamot.
• Manatili muna sa loob ng bahay.
• Linisin ang sugat upang maiwasan ang impeksiyon.

Pagharap sa mga Pagbabago sa Panahon ng Pagdadalaga at Pagbibinata

• Kung may oily skin at tinutubuan ng taghiyawat, maghilamos araw-araw at magpakonsulta sa dermatologist kung kinakailangan.
• Kung kapansin-pansin ang pagbigat ng timbang, kumonsulta sa doktor o dietician.
• Kung pawisan ang katawan, magpalit ng damit at maaaring maglagay ng deodorant sa kili-kili.

Mga Dapat Tandaan Upang Makaiwas sa Panunukso

• Magsabi sa mga magulang at humingi ng payo sa mga nakatatanda tungkol sa tunay na nararamdaman.
• Iwasan ang manakit ng damdamin ng iba at huwag maging bully.
• Iwasan ang panunukso dahil ito ay isang uri ng verbal bullying.
• Maging huwaran o modelo sa kapwa mag-aaral at maging maayos sa pananalita, pagkilos at pananamit.

Mga Paraan Upang Mapanatili ang Kaayusan sa Sarili

• Ugaliing mag-ehersisyo.
• Kumain nang wasto.
• Panatilihin ang tamang timbang upang maiwasan ang obesity o labis na timbang.
• Matulog ng 9 oras.
• Magsipilyo ng ngipin pagkatapos kumain.
• Magpalit ng malinis na damit at salawal pagdating sa bahay.
• Maligo araw-araw.
• Gumamit ng malinis na panyo o bimpo.
• Huwag manghiram ng personal na kagamitan gaya ng suklay.

Mga Kagandahang Asal na Dapat Isabuhay ng mga Kabataan

• Maging magalang sa mga magulang, guro at mga nakatatanda.
• Matutong magpasalamat.
• Gumamit ng po at opo.
• Kung hihiram ng gamit, magpaalam muna.
• Sabihin ang tunay na nararamdaman sa mga magulang at guro.
• Laging tandaan ang mahahalagang araw o selebrasyon.
• Magsuot ng maayos at disenteng kasuotan.
• Maging palakaibigan, ngunit matutong pumili ng mababait na kaibigan.

Mga Dapat Tandaan sa Pagpili ng Damit o Kasuotan

• Angkop ang kasuotan sa lugar o okasyon.
• Pumili ng disenyo at yari ng damit:
  • Patayong linya para sa hindi katangkaran at bilugan ang katawan.
  • Pahiga na linya para sa matatangkad at balingkinitan.
  • Para sa mga babaeng may malaking katawan, piliin ang mga bestidang mahaba at masikip ang baywang.
  • Para sa mga babaeng payat, piliin ang kasuotang may malalaking disenyo at bahagyang maluwang.

Wastong Pangangalaga ng Kasuotan

• Maging maingat sa pag-upo.
• Ilagay sa tamang lagayan ang mga damit na nagamit na.
• Tanggalin agad ang mga mantsa.
• Tahiin ang mga damit na may punit at tastas.
• Huwag piliting isuot ang mga masisikip na damit.
• Ilagay sa malinis na lagayan ang mga malilinis na damit.
• Ihiwalay ang lagayan ng mga damit at mga kasuotang panloob.
• Itiklop ang mga damit na nilabhan at ilagay sa hanger ang mga blusang may kuwelyo, polo at pantalon.
• Plantsahin ang mga damit bago ilagay sa loob ng kabinet.

Wastong Paraan ng Pamamalantsa

• Ihanda ang mga gamit gaya ng plantsa, kabayo, tubig sa sprinkler, at hanger.
• Unang plantsahin ang mga pang-alis, uniporme at polo; isunod ang t-shirt, pantalon at pambahay; ihuli ang panyo at panloob na kasuotan.
• Gamit ang sprinkler, bahagyang basain ng tubig ang damit bago plantsahin upang madaling matanggal ang gusot nito.
• Sundin ang antas ng init ng plantsa ayon sa uri ng tela.
• Baliktarin ang bestida, blusa at polo bago plantsahin.
• Unahin ang kuwelyo, manggas, harap at likod ng damit.
• Ayusin muna ang pleats at bulsa bago padaanan ng plantsa.
• Ilagay sa hanger ang mga polo, blusa at slacks na pantalon at itago sa aparador o kabinet.
• Tiklupin ang mga pambahay at itago sa drawer.
• Iligpit ang mga kagamitan pagkatapos magplantsa.
• Iwasang magbasa agad ng kamay pagkatapos magplantsa upang maiwasan ang pagkapasma.

Wastong Paraan ng Paglalaba

• Ihiwalay ang mga puti sa may kulay na damit.
• Tingnan ang mga bulsa at tanggalin ang mga laman nito.
• Basain at bahagyang kusutin upang maalis ang dumi.
• Ibabad ang mga putting damit sa pulbos na sabo at itabi o ikula sa araw.
• Sabunin ang mga may kulay na damit at kusuting mabuti ang maruruming bahagi.
• Banlawang mabuti upang maalis ang bula at dumi ng damit.
• Ulitin ang pagbabanlaw ng tatlong beses o higit pa.
• Baliktarin ang damit at isampay.
• Isunod na labhan ang mga puting damit.
• Tiklupin ang mga tuyong damit.

Pagkukumpuni ng mga Sirang Damit

• Pagkakabit ng butones, hook and eye at awtomatik.
• Pagsusulsi: Ginagawa para ayusin ang napunit na damit.
• Pagtatagpi: Pag-ayos ng nabutas na damit, maaaring tagpian ng tela na kakulay ng damit.

Mga Mabuting Dulot ng Maayos na Tindig

• Ang mga buto at kasukasuan ay nagkakahanay upang magamit nang maayos ang mga kalamnan.
• Nakapagbibigay ito ng matikas na kaayuan.
• Nagpapakita ito ng tiwala sa sarili.
• Maiiwasan ang pananakit ng likod at kalamnan.
• Maiiwasan ang pangangalay at pagod ng kalamnan.
• Maiiwasan ang baluktot na tindig.

Maayos na Pag-upo

• Ilapat ang mga paa sa sahig.
• Ang mga tuhod ay mas mababa kaysa baywang.
• Isandal ang likod nang tuwid sa likurang bahagi ng upuan.
• Hayaang nakapahinga ang mga balikat at kamay.
• Iwasang umupo sa iisang posisyon upang hindi mangalay.

Maayos na Pagtayo

• Ang bigat ng katawan ay dapat nasa sakong ng paa.
• Ang mga tuhod ay bahagyang nakatiklop.
• Hayaang nakababa ang mga kamay sa magkabilang gilid.
• Tumayo nang tuwid at ituwid din ang mga buto sa likod.
• Bahagyang ipasok ang tiyan.
• Dapat ay taas noo habang naglalakad.

Maayos na Pagtulog

• Gumamit ng malambot at katamtamang taas ng unan.
• Iwasang matulog nang nakabaluktot.
• Maglagay ng unan sa pagitan ng mga binti kung nais matulog nang nakatagilid.
• Kung matutulog nang nakatihaya, maglagay ng unan sa ilalim ng tuhod.
• Iwasang gumamit ng matigas at sobrang taas na unan upang maiwasan ang pangangalay ng leeg.

Wastong Pagbubuhat Mula sa Lapag

• Bago magbuhat, siguraduhing matatag ang kapit ng mga paa upang hindi mabuwal o matumba.
• Itiklop ang tuhod at panatilihing tuwid ang likod bago magbuhat.
• Lumapit sa bubuhatin, higpitan ang kalamnan sa tiyan at simulan magbuhat gamit ang mga kalamnan at lakas sa binti.
• Tumayo at lumakad nang tuwid habang nagbubuhat.