Untitled Quiz

• Ang aralin ay tungkol sa pagsulat ng iba't ibang uri ng paglalagom.

Ano ang Lagom?

• Ito ay ang pinasimple at pinaikling bersiyon ng isang sulatin o akda.

Uri ng Lagom

• Abstrak
• Sintesis o Buod
• Bionote

Abstrak

• Ito ay uri ng lagom na karaniwang ginagamit sa pagsulat ng mga akademikong papel tulad ng tesis, papel na siyentipiko at teknikal, lektyur, at mga report.
• Kadalasang bahagi ng tesis o disertasyon na makikita sa unahan ng pananaliksik pagkatapos ng title page.
• Naglalaman ng pinakabuod ng buong akdang akademiko o ulat.
• Philip Koopman (How to Write an Abstract, 1997): Bagama't maikli, tinataglay nito ang mahahalagang elemento ng sulating akademiko tulad ng introduksyon, kaugnay na literatura, metodolohiya, resulta, at kongklusyon.

Mga Dapat Tandaan sa Pagsulat ng Abstrak

• Lahat ng detalye o kaisipan ay dapat na makikita sa kabuoan ng papel; hindi maaaring maglagay ng datos na hindi binanggit sa sulatin.
• Iwasan ang statistical figures o table, sapagkat hindi ito nangangailangan ng detalyadong pagpapaliwanag.
• Gumamit ng simple, malinaw, at direktang mga pangungusap nang hindi maligoy.
• Maging obhetibo; ilahad ang pangunahing kaisipan nang hindi ipinaliliwanag.
• Gawing maikli ngunit komprehensibo upang maunawaan ang pangkalahatang nilalaman at layunin.

Sinopsis o Buod

• Ito ay isang uri ng lagom na kalimitang ginagamit sa mga akdang nasa tekstong naratibo tulad ng kwento, salaysay, nobela, dula, parabula, talumpati, at iba pang anyo ng panitikan.
• Maaaring buoin ng isang talata o higit pa, o ilang pangungusap lamang.
• Mahalagang maibuod ang nilalaman ng binasang akda gamit ang sariling salita.
• Mahalagang matukoy ang sagot sa mga tanong na Sino? Ano? Kailan? Saan? Bakit? Paano?

Mga Dapat Tandaan sa Pagsulat ng Sinopsis o Buod

• Gumamit ng ikatlong panauhan.
• Isulat ito batay sa tono ng orihinal na sipi.
• Isama ang mga pangunahing tauhan, kanilang ginagampanan, at suliranin.
• Gumamit ng angkop na pang-ugnay sa paghabi ng mga pangyayari.

Bionote

• Isang uri ng lagom na ginagamit sa pagsulat ng personal profile ng isang tao.
• Duenas at Sanz (Academic Writing for Health Science, 2012): Ang bionote ay tala sa buhay na naglalaman ng buod ng academic career, madalas makita sa journal, aklat, abstrak, website, atbp.

Mga Bagay na Dapat Tandaan sa Pagsulat ng Bionote

• Maikli lamang, ginagamit ang 200 salita para sa resume, o 5-6 na pangungusap para sa networking site.
• Magsimula sa personal na impormasyon o detalye tungkol sa buhay at interes, at itala ang tagumpay.
• Isulat sa ikatlong panauhan para maging obhetibo.
• Gawing simple at gumamit ng payak na salita upang maipakilala ang sarili sa maikli at tuwirang paraan.
• Basahing muli at isulat ang pinal na sipi.