Review of Related Literature and Study

Ang Mahalagang Gampanin ng Rebyu ng mga Kaugnay na Literatura at Pag-aaral

• Pinanggagalingan ng mga batayang teoretikal at balangkas konseptwal ang rebyu ng mga kaugnay na literatura at pag-aaral sa ginagawang pananaliksik.
• Nagbibigay ng mga impormasyon ang mga naunang saliksik na may kaugnayan sa gagawing pananaliksik na nakakatulong sa pagiwas sa pagkakatulad ng paksa.
• Nakatutulong ang rebyu ng mga kaugnay na literatura at pag-aaral sa mananaliksik upang mabatid kung ano pa ang kulang o nararapat na pagtuunan ng pansin sa gagawing pag-aaral.
• Nakapagdaragdag ng kumpiyansa sa mananaliksik sapagkat nadalumat at nahimay na niya ang mga kaugnayan na literature at pag-aaral na magpatibay sa kawastuhan ng kaniyang isinasagawang pananaliksik.

Ang Mga Natuklasan sa Rebyu ng mga Kaugnay na Literatura at Pag-aaral

• Nabibigyan ng kaalaman ang mananaliksik hinggil sa mga pamamaraang ginagamit sa pananaliksik, pagkuha ng sampol ng populasyon, mga instrumentong ginamit sa pagkuha ng mga datos, maging ang mga komputasyong istadistika.
• Napaghahanguan ng mga natuklasan, konklusyon at mga rekomendasyon ng mga nauna nang saliksik na maaring magamit o maiugnay ng mananaliksik sa kaniyang mga matutuklasan at maaring maging konklusyon.