Reporma sa Lupa sa Pilipinas

• Mga batas at programa sa Pilipinas na may kaugnayan sa reporma sa lupa, pangisdaan, at pagtotroso.

Land Registration Act ng 1902

• Ipinatupad ang sistemang Torrens kung saan lahat ng titulo ng lupa ay ipinarehistro noong panahon ng pananakop ng mga Amerikano.

Public Land Act ng 1902

• Ipinamahagi ang mga lupaing pampubliko sa mga pamilyang nagsasaka, kung saan ang bawat pamilya ay maaaring magmay-ari ng hanggang 16 na ektarya.

Batas Republika Bilang 1160

• Itinatag ang National Resettlement and Rehabilitation Administration (NARRA) para mangasiwa sa pamamahagi ng lupa sa mga rebeldeng nagbalik-loob sa pamahalaan at sa mga pamilyang walang lupa.

Batas Republika Blg. 1190 ng 1954

• Nagbibigay proteksyon sa mga manggagawa laban sa pang-aabuso, pagsasamantala, at pandaraya ng mga may-ari ng lupa.

Agricultural Land Reform Code

• Nagpasimula ng malawakang reporma sa lupa noong Agosto 8, 1963 sa pamamagitan ni dating Pangulong Diosdado Macapagal.
• Ipinahayag na ang mga nagbubungkal ng lupa ang tunay na may-ari nito at inalis ang sistemang kasama.
• Sinimulan ng pamahalaan ang pagbili ng mga lupang sinasaka at muling ipinagbili sa mga magsasaka sa parehong presyo at paraang hulugan.

Atas ng Pangulo Big. 2 ng 1972

• Ipinasailalim sa reporma sa lupa ang buong Pilipinas sa panahon ni dating Pangulong Marcos.

Atas ng Pangulo Blg. 27

• Ipinatupad upang palayain ang mga magsasaka mula sa kahirapan at ilipat sa kanila ang pagmamay-ari ng lupang sinasaka, na sumasakop sa lahat ng lupa na tinataniman ng palay at mais.
• Hindi kasama ang malalawak na lupain na tinataniman ng niyog, tubo, pinya, at iba pang pananim.
• Binigyan ang mga magsasaka ng pagkakataong magmay-ari ng limang ektarya ng lupa kung walang patubig, at tatlong ektarya kung may patubig.

Batas Republika Blg. 6657 ng 1988 (Comprehensive Agrarian Reform Law o CARL)

• Inaprubahan ni dating Pangulong Corazon Aquino noong Hunyo 10, 1988, at isinailalim sa Comprehensive Agrarian Reform Program (CARP) ang lahat ng publiko at pribadong lupang agrikultural.

• Ipinamahagi ang lahat ng lupang agrikultural sa mga walang lupang magsasaka, anuman ang tanim nito.

• Ang mga may-ari ng lupa ay maaaring magtira ng hindi hihigit sa limang ektarya, at maaaring bigyan ng tatlong ektarya ang bawat anak kung sila mismo ang magsasaka.

• Ang pamamahagi ng lupa ay isinagawa sa loob ng 10 taon.

• Hindi sakop ng CARP ang mga lupaing ginagamit bilang liwasan at parke, gubat at reforestration area, mga palaisdaan, tanggulang pambansa, paaralan, simbahan, sementeryo, templo, watershed, at iba pa.

• Ang pagbabayad sa lupa ng pamahalaan sa mga may-ari ay maaaring sa pamamagitan ng salapi, bonds ng pamahalaan, o kredito sa buwis.

• Ang lupaing higit sa 50 ektarya ay binabayaran ng 25% na salapi at 75% ay bonds ng pamahalaan.

• Ang 24-50 ektarya ng lupa ay 30% ng salapi, at ang natitirang bahagi ay bonds ng pamahalaan.

Pangisdaan

• Ang pagtatayo ng mga daungan ay nagpapadali sa pagdadala ng mga huling isda sa pamilihan o tahanan, na nagiging sentro o bagsakan ng mga ito.
• Patuloy ang fishery research, kabilang ang aquaculture marine resources development at post-harvest technology, upang masiguro ang pagpaparami at pagpapayaman sa mga yamang-tubig.
• Philippine Fisheries Code of 1998: Itinatadhana na naglilimita at naglalayon ng wastong paggamit sa yamang pangisdaan ng Pilipinas.

Pagtotroso

• National Integrated Protected Areas System (NIPAS): Programa na naglalayong ingatan at protektahan ang kagubatan para mailigtas ang mga hayop at pananim dito.
• Community Livelihood Assistance Program (CLASP): Paglilipat teknolohiya o pagtuturo sa mga mamamayan ng wastong paglinang sa mga likas na yaman ng bansa, tulad ng mangrove farming sa Bohol, plantasyon ng kawayan sa La Union, at plantasyon ng mga halamang medisinal sa Penablanca, Cagayan.
• Sustainable Forest Management Strategy: Pamaraan upang matakdaan ang permanente at sukat ng kagubatan, at estratehiya ng pamahalaan upang maiwasan ang suliranin ng squatting, huwad at ilegal na pagpapatitulo ng lupa, at pagpapalit ng gamit sa lupa.