PAGBASA: Kahulugan at mga Pangunahing Aspeto

Kahulugan ng Pagbasa

• Pagbasa ay isang kompleks at kognitibong proseso ng pagtuklas sa kahulugan ng bawat simbolo upang makakuha at makabuo ng kahulugan.
• Nangangailangan ng interaksyon ng teksto at mambabasa, at malikhain at kritikal na pag-iisip sa pagbabasa.
• Isa ito sa mga kasanayang pangwika at isa sa pinakagamitin sa lahat.

Mga Teorya ng Pagbasa

• Teoryang Bottom-up: batay sa "Teoryang stimulus-response", ang sentro ng pagbasa ay ang teksto na kailangan munang maunawaan ng mambabasa bago siya makapagbigay ng kaukulang reaksyon o interpretasyon.
• Teoryang Top-Down: ang mambabasa ay nagiging isang aktibong partisipant sa pagbasa dahil sa taglay niyang "Stock Knowledge" o mga nakaimbak na kaalaman bunga ng kanyang mga karanasan.
• Teoryang Interaktib: learning is a two-way process, hindi monopolyo ng mga mambabasa ang pag-unawa sa teksto.

Layunin ng Pagbasa

• Nagbabasa tayo upang maaliw.
• Tumuklas ng mga bagong kaalaman at maimbak ito sa ating kaisipan.
• Mabatid ang iba pang mga karanasan na kapupulutan ng aral.
• Mapaglakbay ang ating diwa sa mga lugar na pinapangarap nating marating.
• Mapag-aralan natin ang kultura ng ibang lahi at mabatid ang pagkakatulad at pagkakaiba nito sa kulturang ating kinagisnan.

Kahalagahan ng Pagbasa

• Nakapagdudulot ito ng kasiyahan at nakalulunas ng pagkabagot.
• Pangunahin itong kasangkapan sa pagtuklas ng kaalaman sa iba’t ibang larangan ng buhay.
• Gumaganap ito ng mahalagang tungkulin sa ating pang araw-araw na buhay.
• Nalalakbay natin ang mga lugar na hindi nararating, nakikilala ang mga taong yumao na o hindi na nakikita.
• Naiimpluwensiyahan nito ang ating saloobin at palagay hinggil sa iba’t ibang bagay at tao.
• Nakatutulong ito sa paglutas ng ating mga suliranin at sa pagpataas ng kalidad ng buhay ng tao.

Mga Hakbang Sa Pagbasa

• Pagkilala/Persepsyon: tumutukoy sa kakayahan ng bumabasa na mabigkas ang mga salitang tinutunguhan at makilala ang mga sagisag ng isipang nakalimbag.
• Pag-unawa/Komprehensyon: kakayahang bigyang kahulugan at interpretasyon ang kaisipang ipapahayag ng mga simbolo.
• Reaksyon: kakayahang maghatol o magsabi kung may kawastuhan at kahusayan ang pagsulat ng teksto.
• Asimilasyon at Integrasyon: kakayahang isabuhay ang natutunang kaisipan sa bansa.

Matutunan ang kahulugan ng pagbasa, mga teorya, layunin, hakbang, salik, at iba't-ibang paraan ng pagbasa. Alamin ang kahalagahan ng pag-unawa sa teksto at ang kritikal na pag-iisip sa pagbasa.