Pagbasa at Pagsusuri: Tekstong Naratibo

Ang Tekstong Naratibo

• Ang tekstong naratibo ay tungkol sa pagsasalaysay ng mga pangyayari sa isang tao, tauhan, lugar, at panahon.
• Layunin ng tekstong ito ang makapagbigay-aliw at saya sa pamamagitan ng pagkukuwento.
• Pagsasalaysay ay kadalasang nagaganap sa mga pagtitipon ng pamilya o kaibigan.

Mga Pananaw o Paningin (Point of View)

• Unang Panauhan: Ang tauhan mismo ang nagsasalaysay, gumagamit ng salitang "ako".
• Ikalawang Panauhan: Ang manunulat ay tila kinakausap ang tauhan, gumagamit ng "ka" o "ikaw".
• Ikatlong Panauhan: Ang kwento ay isinasalaysay ng isang tao na hindi kasangkot.
  • Maladiyos na Panauhan: Alam ang iniisip at damdamin ng lahat ng tauhan.
  • Limitadong Panauhan: Alam ang iniisip ng isang tauhan lamang.
  • Tagapag-obserbang Panauhan: Tanging nakikita at naririnig ang isinasalaysay, walang kaalaman sa isip at damdamin ng tauhan.
• Kombinasyong Pananaw: Maraming tagapagsalaysay ang nag-uugnay sa kwento.

Mga Paraan ng Pagpapahayag ng Dayalogo, Saloobin, o Damdamin

• Direkta o Tuwirang Pagpapahayag: Ang tauhan ay direkta at tuwirang nagsasalita, gumagamit ng panipi (“ “).
• Di Direkta o Di Tuwirang Pagpapahayag: Ang tagapagsalaysay ang naglalahad ng sinasabi o nararamdaman ng tauhan, walang panipi.

Mga Elemento ng Tekstong Naratibo

• Tauhan: Mahalaga ang pagkakaroon ng mga tauhan sa kwento, maaaring iintroduce gamit ang Expository o Dramatiko na estilo.

  • Pangunahing Tauhan: Sentro ng kwento, karaniwang isa lamang.
  • Katunggaling Tauhan: Kontrabida o kalaban ng pangunahing tauhan.
  • Kasamang Tauhan: Sumusuporta sa pangunahing tauhan.
  • May-akda: Ang pagkilos at tinig ng karakter ay mula sa pananaw ng may-akda.
  • Tauhang Bilog: Ang tauhan na may komplikadong personalidad.
  • Tauhang Lapad: Nagtataglay ng iisang katangian, madaling mahulaan.

• Tagpuan at Panahon: Tumutukoy ito sa lugar at oras ng mga pangyayari, at ang damdamin sa kapaligiran.

• Banghay: Maayos na pagkakasunod-sunod ng mga pangyayari sa kwento.

  • Nagsisimula sa Simula, Suliranin, Saglit na Kasiglahan, Kasukdulan, Kakalasan, at Wakas.

• Paksa o Tema: Sentral na ideya ng kwento, mahalaga itong malinang upang maiparating ang mensahe ng may-akda.

Iba pang Aspeto ng Banghay

• Analepsis (Flashback): Mga pangyayari na bumabalik sa nakaraan.
• Prolepsis (Flash-Forward): Mga pangyayari na tumutukoy sa hinaharap.
• Ellipsis: Sakop ang mga nawawalang bahagi sa kwento na hindi detalyado.