සෙල්ලිපි සහ සෙල්ලිපි වල තොරතුරු

සෙල්ලිපි සහ ඇතුළත් තොරතුරු

• අනුරාධපුර වෙස්සගිරිය සෙල්ලිපියෙන් භික්ෂූන් සඳහා රත්‍රන් කලං 200 ක් පූජා කළ බව සඳහන් වේ.
• ලාහුගල නිල්ගිරි සෑය සෙල්ලිපියේ චූල සීවලී නම් රැජිනක් ගැන සඳහන් වේ.
• තෝනිගල සෙල්ලිපියේ වී, මුං, උදු වැනි ධාන්‍ය වර්ග එකතු කළ ආයතන පිළිබඳ තොරතුරු ඇත, කෘෂිකාර්මික නීති හා කන්න තුනක් ගැන එහි සඳහන් වේ.
• පනාකඩුව තඹ සන්නස පළමුවන විජයබාහු රජු සිත්තාරුබිම බුදල්නාවන්ට ගම්වරයක් ලබාදීම ගැන විස්තර කරයි.
• කුරුණෑගල දිස්ත්‍රික්කයේ ගල්ලෙන් විහාරය සහ ගනේකන්ද විහාර ගල්ලෙන් සෙල්ලිපිවල අනුරාධපුරය නුරුපුරු ලෙස නම් කර තිබීමත්, අමුණ යන්න අවරණ යන වචනය යොදා තිබීමත් විශේෂ වේ.
• මාතලේ දිස්ත්‍රික්කයේ දඹුල්ල කලුදිය පොකුණ සෙල්ලිපියෙන් භික්ෂූන් වහන්සේලාට දානය සැපයීමේ ගැටලුවක් ඇති වුවහොත් දසගම් වැසියන් විසඳිය යුතු බව කියයි.
• දඹුල්ලේ කොත්ගල්කන්ද සෙල්ලිපියේ පරුමක තොටබොජක නමින් හඳුන්වා තිබීම විශේෂ වේ.
• අනුරාධපුරයේ පෙරියපුලින්කුලම සෙල්ලිපියෙන් සුමනගේ පවුලට අයත් ලෝහ වැඩ රැකියාව ලෙස කළ ගෘහපතියෙකු ගල්ලෙනක් සකසා පූජා කළ බව කියයි.
• සිතුල්පව්ව කොරවක්ගල සෙල්ලිපිය ගමික සිව, ගමික සුමන, ගමික තිදෙනකු ගුහාවක් සකසා පූජා කළ බව කියයි.
• මාතලේ ඇඹුල් අඹේ සෙල්ලිපිය පොචිනි රජ ලෙස ප්‍රාදේශීය පාලකයෙකු පිළිබඳව සඳහන් කරයි.
• යටහලෙන විහාර සෙල්ලිපිය දුරතර රජ යනුවෙන් ප්‍රාදේශීය පාලකයෙකු පිළිබඳ reference සපයයි.
• සිතුල්පව්ව ගල්ගුහා සෙල්ලිපිය දසමහ යෝධයින් යෝධයින් වීමට පෙර පරුමකවරුන් වූ බව හෙළි කරයි.
• වල්ලිපුරම් රන් සන්නස වසභ රජු ඉසගිරි ඇමතියාට නකදිව ප්‍රදේශයේ පාලනය භාරදුන් බව පවසයි.
• දඹුලු විහාර පවත ලිපිය දිස්ත්‍රික්ක අස්ථාන ලෙස හඳුන්වයි.
• බුද්දන්නෙහෙල සෙල්ලිපියෙන් කුඨකණ්ණාභය රජතුමා නරේෂ්වර (නරඉසෙර) නමින් හඳුන්වා තිබීම හෙළි කරයි.
• අනුරාධපුර දිස්ත්‍රික්කයෙන් හමුවූ සෙල්ලිපිය "අප මෙතුවක් දෙනා අවුද් එක්තැන් සමියෙන් (රාජ සභාව)" යනුවෙන් දක්වයි.
• මැදිරිගිරිය ඇත්වෙහෙර ප්‍රධානගර සෙල්ලිපිය කොරළෑගම නම් ඉඩම මහින්දාරාමයට මැණික්ගමුවේ උදය, නිකවැල්ලේ සේන යන දෙදෙනා පැමිණ පිරිනැමූ බව පවසයි.
• චේර දේශයේ සෙල්ලිපියෙන් පළමුවන ගජබා රජු දේවාලයක් විවෘත කිරීමට සහභාගී වූ බව කියයි.
• වේලයික්කාර පුවරු ලිපිය පළමුවන විජයබාහු රජු පොළොන්නරුවේ දළදා මාළිගාවක් ඉදිකර එහි ආරක්ෂාවට වේලයික්කාර භටයින් යෙදවූ බව කියයි.
• කොළඹ කෞතුකාගාරයේ සෙල්ලිපියෙන් කරි ලබාගැනීමට ඇති කළ ගවයින් කිරිගෙරි නමින් නම්කර තිබීම හෙළි කරයි.
• පොළොන්නරුවේ මුතුගල සෙල්ලිපියේ මජ්ජිම නම් කම්මල්කරුවෙක් පිළිබඳව සඳහන් වේ.
• හම්බන්තොට මණ්ඩගල සෙල්ලිපිය තුලදර සුමන නම් කම්මල්කරුවෙක් පිළිබඳව සඳහන් කරයි.
• මහනුවර වෙගිරිය දේවාලය අසල සෙල්ලිපියේ දටික සුමන නම් ඇත්දත් ශිල්පියෙක් පිළිබඳව සඳහන් වේ.
• මහනුවර වෙහෙරක සෙල්ලිපියේ නූල් කටින්නන් තතවය ලෙස නම් කළ බවත්, රෙදි වියා වෙළඳාම් කළ සංවිධානයක් පිළිබඳවත් සඳහන් වේ.
• සීගිරියේ බටහිර ජල උද්‍යානය අසල සෙල්ලිපියේ අබලවපර නමින් සියඹලා වෙළෙන්දෙක් ගැන සඳහන් වේ.
• හම්බන්තොට මණ්ඩගල සෙල්ලිපිය සුමන නම් වෙළෙන්දෙක් ගල්ගුහාවක් පූජා කළ බව කියයි.
• හොපිටිගමුව/සොරබොරවැව/බදුළු ටැම් ලිපිය සංවිධානාත්මක ආකාරයට අතීතයේ වෙළඳපොළවල් පවත්වාගෙන යාම පිළිබඳ තොරතුරු සපයයි.
• බෝවත්තේගල සෙල්ලිපිය කබෝජ මහා පුගිය නමින් කාම්බෝජ වෙළඳ සංවිධානයක් පිළිබඳව සඳහන් කරයි.
• කුරුණෑගල මැදගම පුරාණ සෙල්ලිපියෙන් තිස්ස නමින් නැට්ටුවෙක් සිටි බවත් ඔහුගේ බිරිද පරුමකලු කෙනෙක් වූ බවත් කියයි.
• හම්බන්තොට නැට්ටුක්කන්ද සෙල්ලිපියෙන් ලපන තිස්ස නමින් චිත්‍ර ශිල්පියෙකු පිළිබඳව තොරතුරු ලැබේ.
• මිහින්තලා සෙල්ලිපිය පරුමක ගුප්තගේ පුතා පරුමක සුමන ගල් ගුහාවක් සකසා පූජා කළ බව පවසයි.
• කුරුණෑගල හැලඹගල සෙල්ලිපිය වසවසික ලෙස වස්වසන ලද භික්ෂුවක් පිළිබඳව සඳහන් කරයි.
• අනුරාධපුරයෙන් හමුවූ ලීලාවතී රැජිනට අයත් සෙල්ලිපිය නාන්දේසින්ට අයත් රේගු මුර පොලක් අනුරාධපුරයේ තිබුණු බව හෙළි කරයි.
• වෙස්සගිරිය සෙල්ලිපියෙන් මොහොල්නගා නමින් සොරොව්වේ ජලය පාලනය කළ දණ්ඩ හඳුන්වා තිබීම පිළිබඳව තොරතුරු ලැබේ.
• ලුණුමඩලාකන්ද සෙල්ලිපිය ഭാතිකාභය රජු විහාර සඳහා කරිසයක් බැගින් ඉඩම් ප්‍රදානය කළ බව පවසයි.
• හොරිවිල සෙල්ලිපිය කුඨකණ්ණාභය රජු තිස්ස නම් විහාරයට රජු කරිස 8 ක් පූජා කළ බව කියයි.
• නිශ්ශංකමල්ල රජුගේ ගාවුත කණු කටුගහගල්ගේ හා වැලිගත්ත ගාවුත කණු සිටුවා දුර ගණනය කළ බව පවසයි.
• අම්පාර රජගල සෙල්ලිපිය කුඨකණ්ණාභය රජු "තත" යන වචනයෙන් දිනය නම් කර තිබීම පවසයි.
• ක්‍රි.ව 9 වන සියවසට අයත් සෙල්ලිපිය රජු සමීපව කටයුතු කළ රාජකීය නිලධාරීන් "රල්කොල්සම්දරු" ලෙස හඳුන්වා තිබීම පවසයි.
• ක්‍රි.ව 9 වන සියවසට අයත් මානවම්ම රජුගේ සෙල්ලිපිය නීතිය සම්බන්ධ ආයතන හඳුන්වා තිබීමත් වදාල ලෙස ව්‍යවස්ථාදායකය ද සභාව ලෙස අධිකරණය ද හඳුන්වා තිබීමත් හෙළි කරයි.
• ක්‍රි.ව 1 වන හා 2 වන සියවස් වල සෙල්ලිපිවල දකපති, බොජකපති, මතරමජිබික නම් බදු අය කළ බව සඳහන් වේ.
• ගොඩවාය සෙල්ලිපිය වරායෙන් අය කළ බදු විහාරයකට පූජා කළ බව හෙළි කරයි.
• කොන්ඩවට්ටවාන් සෙල්ලිපිය පස්වන කාශ්‍යප රජු නිසි කලට වී වගා නොකරන අයට කළං 5 ක දඩ නියම කළ බව පවසයි.
• වෙස්සගිරිය සෙල්ලිපිය හතරවන මිහිදු රජු වැව් වල ජලය ගෙන සිනෙනැටි වී මිස මුං වැපිරීම නොකළ යුතු බව පවසයි.
• අමණ්ඩගාමිණී අභය රජුගේ සෙල්ලිපිය කිසිදු සතෙකු නොමැරිය යුතු බවට මාඝත නීතිය පැනවූ බව කියයි.
• මිහින්තලා පුවරු ලිපිය හතරවන මිහිදු රජු මී ගවයින් හා එළ ගවයින් මරන අයට මරණ දඩුවම ලබාදිය යුතු බවත්, උස් කැළෑ බිම් වල ගස් නොකැපිය යුතු බවත් පවසයි.
• හතරවන මිහිදු රජුගේ අනුරාධපුර පුවරු ලිපිය වල්වල දඩුපත් නොකපනු ඉසා යනුවෙන් කැළෑ වේ ගස් නොකැපිය යුතු බව පවසයි.
• බුද්දන්නෙහෙල සෙල්ලිපිය තුන්වන උදය රජු පිළිබඳව තොරතුරු සපයයි
• ගාල්ලේ ත්‍රිභාෂා ලිපිය වීර අලකේශ්වර තමා පිළිගත් නොගත් බවත් ගෙන ආ පුද පඬුරු දෙවුන්දර දේවාලයට පූජා කර ආපසු ගිය බව හෙළි කරයි.
• දැඩිගම සෙල්ලිපිය හයවන පරාක්‍රමබාහු රජුගේ කැකුලන්දල සිරිවර්ධන පතිරාජ ඇතුළු නායකයින්ට සමාව දුන් බව කියයි.