Layunin ng ASEAN

• Ang ASEAN ay isang organisasyon ng mga bansa sa Timog-Silangang Asya.
• Layunin nito ang pagpapalakas ng kooperasyon sa ekonomiya, politika, seguridad, at kultura.
• Hangad ng ASEAN na mapagtibay ang pagkakaisa ng mga bansa sa rehiyon.
• Layunin din nitong magkaroon ng mas matatag na ugnayang panloob at panlabas.

Layunin ng ASEAN

• Katawanin ang Timog-Silangang Asya.
• Mapagtibay ang pagkakakilanlan ng rehiyon.
• Magkaroon ng matatag na ekonomiya, politika, at lipunan sa mga kasaping bansa.

Layunin na Nakasaad sa ASEAN Declaration

• Pabilisin ang paglago ng ekonomiya at pag-unlad ng kultura sa rehiyon.
• Isulong ang kapayapaan at katatagan sa rehiyon sa pamamagitan ng pagpapanatili ng pagkilala.
• Itaguyod ang pagtutulungan ng mga bansa sa ekonomiya, panlipunan, kultural, teknikal, agham, at administratibo.
• Magbigay ng tulong sa isa't isa sa pamamagitan ng mga pagsasanay o pasilidad para sa pananaliksik sa sektor ng edukasyon, propesyunal, teknikal, at administratibo.
• Makipagtulungan upang mapabilis ang patuloy na pag-unlad ng agrikultura at sektor ng kalakalan.
• Isulong ang mga pag-aaral patungkol sa Timog-Silangang Asya (TSA).
• Panatilihin ang malapit at kapakinabangan na kooperasyon kasama ng mga pandaigdigan at rehiyonal na organisasyon.

Pagbabago Mula sa mga Naunang Organisasyon

• Pinalitan ng ASEAN ang Association of Southeast Asia (ASA) at Asian and Pacific Council (ASPAC).

Bangkok Declaration (1967)

• Noong Agosto 8, 1967, itinatag ang ASEAN sa pamamagitan ng Bangkok Declaration.
• Nilagdaan ito ng mga kalihim ng ugnayang panlabas mula sa Indonesia, Malaysia, Pilipinas, Singapore, at Thailand.

ASEAN Charter

• Ang ASEAN Charter ay nagsisilbing konstitusyon ng ASEAN.
• Nilagdaan ito noong Nobyembre 20, 2007 sa Singapore.
• Pormal na pinagtibay noong Disyembre 15, 2008.

Layunin ng ASEAN Charter

• Gawing isang legal na organisasyon ang ASEAN.
• Palakasin ang kooperasyon sa ekonomiya, pulitika, kultura, at seguridad.
• Paigtingin ang demokrasya, rule of law, at karapatang pantao sa rehiyon.
• Magkaroon ng iisang pagkakakilanlan bilang isang rehiyon.

13th ASEAN-India Summit (2015)

• Ginanap noong Nobyembre 21, 2015 sa Kuala Lumpur, Malaysia.
• Layunin nito na palakasin ang strategic partnership sa pagitan ng ASEAN at India, talakayin ang mga isyu sa ekonomiya, at suportahan ang mga proyektong konektado sa Act East Policy ng India.
• Tinalakay din ang pagpapalakas ng maritime security at suporta sa ASEAN Community Vision 2025.

ASEAN Community Council

• Binubuo ito ng tatlong pangunahing sangay: ASEAN Political-Security Community Council, ASEAN Economic Community Council, at ASEAN Socio-Cultural Community Council.

ASEAN Community's Three Pillars

• ASEAN Political-Security Community (APSC): Gawing mapayapa, matatag, at ligtas ang rehiyon.
• ASEAN Economic Community (AEC): Pagsamahin ang ekonomiya ng mga bansang kasapi kung saan malaya ang paggalaw ng produkto, serbisyo, kapital, at manggagawa.
• ASEAN Socio-Cultural Community (ASCC): Itaguyod ang kabutihang panlipunan, kalusugan, edukasyon, at kultura.

ASEAN Free Trade Area (AFTA)

• Inilunsad noong 1992 upang pababain ang taripa at palakasin ang kalakalan sa pagitan ng mga miyembro.
• Gumamit ng Common Effective Preferential Tariff (CEPT) scheme.

ZOPFAN (Zone of Peace, Freedom, and Neutrality)

• Nilagdaan noong 1971 sa Kuala Lumpur, Malaysia.
• Layunin nito na gawing mapayapa, neutral, at walang dayuhang pakikialam ang Southeast Asia.

ASEAN Vision 2020

• Inilunsad noong 1997 upang maging isang maunlad, mapayapa, at magkakaugnay na rehiyon.
• Sa pamamagitan ng pag-unlad ng ekonomiya, edukasyon, kalusugan, at teknolohiya.

ASEAN Community Vision 2025

• Itinuloy ang mga adhikain ng Vision 2020 upang itaguyod ang iisang ASEAN Community na mapayapa, maunlad, konektado, makatao at may malasakit.

Karapatang Pantao sa Pilipinas at Timog-Silangang Asya

• Pilipinas: Isyu ang extrajudicial killings at panggigipit sa mga aktibista at midya.
• Timog-Silangang Asya: May mga kaso ng political repression at paglabag sa karapatang pantao.

Polisyang Pangkalakalan

• Tumutukoy sa mga patakaran at hakbang na nagtatakda kung paano pamamahalaan ang import at export ng mga produkto at serbisyo sa isang bansa.

PEDP (Philippine Export Development Plan)

• Isinusulong ng DTI upang palakasin ang sektor ng pag-export ng Pilipinas.

ASEAN at Hamon sa Likas-Kayang Pag-unlad ng Pilipinas

• Patuloy na humaharap sa mga hamon tulad ng pagkawasak ng kalikasan, pagbabago ng klima, at kakulangan sa teknolohiya.
• Nakikinabang ang bansa mula sa mga regional partnerships at suporta ng ASEAN.