Katutubong Laro sa Cordillera

Katutubong Laro sa Rehiyong Cordillera

• Ang mga katutubong laro sa Rehiyong Cordillera ay nilalaro ng mga kabataan kapag nakatapos na sila ng mga gawaing-bahay at kalimitan ding naglalaro sa gabi kapag maganda ang panahon.

Bolinktik

• Ang Bolinktik ay isang larong ginagamitan ng holen o anumang bilog na bagay na maaaring isagawa sa loob o sa labas ng bahay.
• Kailangang may guhit na pabilog sa isang bahagi ng lupa o sementadong lugar at ilalagay sa gitna ang bolintik ng mga kasali sa laro.
• Ang mga kasali ay nakapila nang pahanay at isa-isang tatayo nang malapit sa bilog.
• Ang lumabas na bolintik sa bilog ay kukunin ng nakatama nito at isasagawang muli ang hakbang.
• Titigil lamang ang naglalaro kung wala na siyang napalabas na bolintik sa bilog.
• Ang may pinakamaraming bolintik ang mananalo sa laro.

Laklak-bawi

• Ang Laklak-bawi ay isang laro sa Rehiyong Cordillera na kailangang dalawa hanggang dalawampung babae at lalaki ang kasali.
• Isinasagawa ito sa labas ng bahay sa bahaging lupa o sementadong lugar.
• Tiyakin na walang nakatutusok na bagay rito.
• Maaaring isagawa ito nang dalawahan, tatluhan, apatan, o mas marami para makabuo ng bilog.
• Maghahawak-hawak muna ang mga manlalaro gamit ang kanan o kaliwang kamay.
• Pagkatapos, ikakawing (lock) nila ang kanang binti, na ang mga daliri sa paa ay nasa may hita.
• Magbibitaw na sila ng mga kamay at papalakpak habang tumatalon nang pabilog gamit lamang ang kaliwang paa.
• Ang kasali sa laro na nakabitaw mula sa pagkakakawing ng paa ay maaalis sa laro.
• Layunin ng larong ito na maipakita ang pagkakaibigan.

Sakbat at Ob-ofo

• Ang Sakbat ay isang paligsahan sa pagbubuhat ng bato habang tumatawid sa ilog.
• Ang Ob-ofo ay isang salitang kilos na ang ibig sabihin ay dalhin gamit ang braso.
• Ang Ob-ofo ay paligsahan sa pagsisid sa ilog.
• Layunin ng mga larong ito na mapalakas ang kanilang katawan, at maging mabilis at matatag.
• Ibinabatay rin nila ang mga laro ayon sa kanilang kapaligiran.
• Ang mga katutubong laro sa Rehiyong Cordillera ay nagpapanatili ng mayamang tradisyon at kultura.