Гүлдің құрылысы

Study Notes

Гүлдің құрылысы

Гүлдің сыртын жасыл тостағанша жапырақшалар мен әртүрлі-түсті күлте жапырақшалар қоршайды.
Тостағанша мен күлте бірігіп гүлсерікті құрайды.
Гүлсерік гүлдің ішкі бөліктерінің суықтан, жауыннан және күннің ыстық сәулесінен қорғануын қамтамасыз етеді.
Күлте жапырақшалар гүлге түс береді.
Күлте ішінде аталықтар мен аналықтар орналасқан.
Аталық пен аналық гүлдің негізгі бөлігі, олардан жемістер мен тұқымдар пайда болады.
Әр аталық жіпше мен тозаңқаптан тұрады.
Тозаңқаптың ішінде тозаң түзіледі.
Піскен кезде тозаңқап жарылып, одан тозаңдар төгіледі.
Аналық гүлдің ортасында орналасқан.
Аналықтың төменгі жуандау бөлігі түйін, одан жоғары жіңішкерген бөлігі мойын, ең ұшы ауыз деп аталады.
Гүлдеуден кейін тостағанша, күлте және аталықтар құрып түседі, тек аналық түйіні сақталып, жеміске айналады.
Жемістің ішінде түйіннің ішіндегі тұқым бастамасынан дамитын тұқым болады.
Піскен кезде тұқымдар жерге түседі, олардан келесі жылы жаңа өсімдіктер өсіп шығады.

Гүлдің орналасуы

Aталық және аналық гүлі екеуі де бір өсімдіктің бойында болса - бір үйлі (жүгері, қияқ, қайың, емен, т.б.).
Аналық және аталық гүлі жеке орналасса - қос үйлі (терек, тал, зығыр, т.б.).
Қос жынысты, дара жынысты гүлдері де кездессе - көп үйлі (үйеңкі, шетен т.б.) деп аталады.
Гүл орналасатын сағақтың ұшы гүл табаны (кіндігі) деп аталады.
Сабақтың гүл орналасатын бөлігі - гүл сағағы (егер болмаса - отырықшы гүл).
Барлық гүлдер орналасатын өсімдік сабағы - гүлсидам.
Жабық тұқымды өсімдіктердің тостағаншасы мен күлте жапырақшаларынан құралған гүл орамы - гүлсерік деп аталады.

Гүлдеу мерзімі

Өсімдіктің гүлдеу мерзімі жарыққа, температураға, ауаға, топырақ ылғалдығына байланысты.
Көптеген өсімдіктердің гүлі күндіз ашылады.
Дәрілік, дәм-татымдық өсімдіктерді жинауда, пішен шабуда гүлдеу мерзімін білу маңызды.

Description

Бұл тестте гүлдің құрылымы мен бөліктері туралы білімді сынау мүмкіндігі бар. Гүлдің сыртқы жапырақшаларынан бастап, аталықтар мен аналықтарға дейінгі барлық аспектілер қамтылған. Гүлдің дамуы мен жеміс түзу процесі туралы да ақпарат берілген.