Filipino sa Piling Larangan: Tech-Voc

Narito ang mga study notes tungkol sa Filipino sa Piling Larangan (Tech-Voc): Layunin, Gamit, at Katangian ng Teknikal Bokasyunal na Sulatin:

Teknikal-Bokasyunal na Pagsulat

• Ang teknikal-bokasyunal na pagsulat ay mahalaga sa paraan ng pagsulat at komunikasyon para sa propesyunal na pagsulat
• Ito ay kabilang sa ulat panglaboratoryo, mga proyekto, mga panuto, at mga dayagram.
• Ito ay mahalagang bahagi ng industriya.
• Malaki ang naitutulong nito sa paghahanda ng mga teknikal na dokumento para sa kaunlaran ng teknolohiya upang mapabatid ito nang mabilis, episyente, at produktibo.

Layunin ng Teknikal-Bokasyunal na Sulatin

• Magbigay ng impormasyon; Isinusulat ang deskripsyon upang bigyan ang mambabasa ng impormasyon ukol sa isang bagay o ng direksyon sa paggamit ng isang produkto.
• Magsuri; Ang sulatin ay binubuo upang analisahin at ipaliwanag ang implikasyon ng mga pangyayari upang magamit bilang basehan ng mga pagdedesisyon sa kasalukuyan at sa hinaharap.
• Manghikayat; Kabilang sa layunin ay ang kumbinsihin ang mambabasa o pinatutungkulan nito; Bagaman kasama nito ang layuning makapagbigay impormasyon.

Gamit ng Teknikal-Bokasyunal na Sulatin

• Nagbibigay-ulat; Halimbawa: Ulat ng mga produktong inilabas sa merkado o pamilihan
• Nagbibigay-instruksyon; Halimbawa: Paraan at proseso sa pagbuo ng isang produkto tulad paggawa ng longganisa
• Naghahain ng isang serbisyo o produkto; Halimbawa: Paggawa ng layout ng tarpaulin, pagkukumpuni ng mga sirang computer, serbisyong ibinibigay ng salon (manicure, hairdressing, make-up etc.).
• Nagsisilbing basehan ng mga pagdedesisyon; Halimbawa: Pag-aalam sa tulong ng feasibility study kung ang negosyong into ay papatok sa lugar na nais itong itayo
• Nagbibigay ng mga kinakailangang impormasyon; Halimbawa: Natitiyak isasagawang pananaliksik kung ano ang kailangan (basic essentials) ng masa na maari mong maging basehan sa pagtatayo ng negosyo.

Katangian ng Mahusay na Manunulat ng Teknikal-Bokasyunal na Sulatin

• Mataas sa wika
• Analitikal
• Obhetibo; Naipaliliwanag ang isang paksa sa malinaw, tiyak, at di-emosyunal na paraan.
• Mataas ang kaalaman sa paksa
• Mahusay sa kumbensyon sa pagsulat
• Sumusunod sa etikal na pamantayan

Pag-aaral ng teknikal-bokasyunal na pagsulat sa Filipino. Kasama ang layunin nito na magbigay impormasyon, magsuri, at manghikayat. Mahalaga ito sa propesyunal na komunikasyon at pagpapaunlad ng teknolohiya.