De Saussure at Derrida: Pagkakaiba

• May pagbabago sa pagtuturo ng mga kursong pangwika sa mga pamantasan, mula sa diin sa sining ng pakikipagtalastasan tungo sa malayuning komunikasyon.
• Kailangang suriin ang pagbabagong ito.
• Sa pagturing sa pakikipagtalastasan bilang sining, sinasanay ang mag-aaral sa paggamit ng wika upang maipahayag ang nais sabihin.
• Ang mga kurso ay naglalaman ng pag-aaral ng retorika.
• Mahalaga ang kasiningan ng manunulat o tagapagsalita sa paggamit ng wika upang makapagbigay ng impormasyon o makapanghikayat.
• Kaakibat ng pag-aaral sa retorika ang pag-aaral sa mekanismo ng wika, tulad ng talasalitaan at balarila.
• Ang lawak at lalim ng kaalaman sa mga salita at pamantayang pambalarila ay nagpapahusay sa isang mag-aaral.
• Naging mahalaga ang pag-aaral sa estruktura ng wika, tulad ng ponema, morpema, mga uri ng salita, at mga bahagi ng pahayag.
• Inuunawa ang kakayahan ng wika na lumikha ng mga kahulugan sa pamamagitan ng pag-uugnay ng wika sa mga estruktura.
• Pinag-aaralan ang "wika para sa wika" dahil sa pangangailangan na magtatag ng wikang pambansa sa Pilipinas.
• Importante ang paglalarawan ng estruktura ng wika sa usapin ng identidad upang patunayang karapat-dapat sa kasarinlan mula sa kolonyal na pamamahala ng mga Amerikano.
• Sa paglilipat ng diin sa malayuning komunikasyon, inuunawa na ang wika ay gumagalaw sa loob ng isang pamayanan at batay sa kultura nito.
• Nagbabago ang paggamit at pagpapakahulugan sa wika batay sa kultura, hindi lamang sa talasalitaan at balarila.
• Kabahagi rin ng wika ang pakikipagtalastasan na gumagamit ng mga tandâ, tulad ng icon, index, at symbol.
• Nagbabago-bago ang paggamit ng mga tandâ sa bawat kultura. Halimbawa, ang mga namamasada ay nakauunawa sa katok sa bubong, sutsot, sipol, o paggamit ng "para po" upang ipahayag na nais bumaba ng pasahero.
• Mahalaga ang pag-unawa sa kultura ng pamayanang lumilikha ng wika sa ganitong pagbabago-bago.
• Ang kultura ay tinutukoy bilang napagkasunduang sistema ng mga paniniwala at kaugalian ng isang pamayanan na nagtatakda ng kanilang pagkakaunawaan at paglikha ng kahulugan.
• Ang pag-unawa sa kung paano nakalilikha ng pagpapakahulugan ang wika ay daan sa pag-unawa kung paano nagaganap ang pakikipagtalastasan.

Mga Batayan ng Impluwensya

• Inilalagay sa mas malawak na konteksto ang mga pagbabago sa pagtuturo ng wika sa unibersidad.
• Simula nang magkaroon ng "linguistic turn" sa kasaysayan ng pagiisip ng mundo noong ika-20 siglo, umiral ang paniniwala na hindi lamang pangalan ang gamit ng wika kundi tagapaglikha rin ito ng realidad.
• Nauunawaan natin ang puno sa realidad batay sa sistemang nalilikha ng salitang "puno" na inihahambing sa "hayop," "tao," "bato" at iba pa.
• Kung walang "hayop," "tao," o "bato," hindi mauunawaan ang "puno."
• Wika ang lahat, at ang teorya ng "sign" ni Ferdinand de Saussure ay batayan nito.
• Binubuo ang sign ng "signifier" at "signified".
• Ang signifier ang tunog-imahe na tumutukoy sa konsepto ng tinatawag na signified.
• Nakalilikha ng kahulugan ang mga sign dahil sa pagkakaiba ng mga tunog at imahe sa loob ng isang sistema.
• Sa ganitong estrukturalistang pagtataya ni de Saussure naging mahalaga ang paglarawan sa estrukturang nalilikha ng wika.

Derrida

• Sa kabilang banda, maaring ilagay ang malayuning komunikasyon sa pagsusog ni Jacques Derrida sa teorya ng sign ni de Saussure.
• Hindi isang sistema ng pag-iiba iba ang lumilikha ng kahulugan sa ugnayan ng signifier at signified sa pagbuo ng mga sign.
• Sa halip, may sistemang tinatawag na "différance". Hindi maiuwi sa isang estruktura ang sistemang pangwika.
• Dumudulas ang signifier kapag nais unawain ang signified, at pabaliktad.
• Kay de Sassure, nauunawaan lamang natin ang "araw" dahil naiiba sa "gabi."
• Kay Derrida, nagiging madulas ang "araw" at "gabi" dahil kung bibigyan ng pakahulugan ang "araw" bilang maliwanag katambis ng "gabi," matutuklasang may mga araw din namang madilim, katulad ng kapag may eklipse ng araw.
• Kailangang unawain na mahalaga ang ganitong paninindigan para sa mga post-istrukturalista dahil nais nilang buwagin ang paniniwala na may iisa lamang katotohanan na dapat paniwalaan. Natuklasan ng mundo sa naging kasaysayan ng karahasan sa ilalim ng Nazismo at Fascismo na mapanganib ang paniniwala sa iisang katotohanan. Isinusulong ng mga post-istrukturalista ang pagbuwag sa estrukturang itinatag ng modernong pag-iisip upang isulong naman ang pluralismo at multiplisidad maging sa larangan ng pagtanaw sa kultura.
• Nabuwag ni Derrida ang pagsasateorya ng madulas na relasyon sa pagitan ng signifier at signified sa binaryong nabuo sa pagitan ng pagsasalita at pagsusulat.
• Hindi naniniwala si Derrida na mas importante ang pagsasalita kaysa sa pagsusulat dahil sinasabi daw dati na kopya lang daw ang pagsusulat ng pag gamit ng salita.
• Ayon kay Derrida ang wika ay sistema ng différance na nariyan na bago pa magkaroon ng pagsasalita o pagsulat.
• Ang mga pundasyonal na teorya ay mahalaga sa malayuning komunikasyon dahil dito nag-ugat ang pagtuturo ng wika hindi sa pagtuklas ng estruktura ng wika, kundi sa pagpapahalaga sa sistema ng mga pagpapakahulugan ng isang pamayanan na lumilikha ng wika.
• Sa pagtuturo ng wika, humantung ang gnitong pagsasateorya sa pagaaral ng “speech act” kung saan idinidiin na hindi lamang sa pagbigkas ng mga salita nakikita ang gawain ng pagsasalita, kundi isa rin itong pagtatanghal na gumagamit ng iba pang kagamitan sa pakikipagtalastasan.
• Ang mga kilos na ginagamit natin kaalinsabay ng paggamit ng mga salita (halimbawa, pagngunguso kapag sinasabi nating “yun o!”)
• Ayon kay J.L. Austin, may kakayahang makalikha ng realidad o kaya’y baguhin ang realidad ang gagwaing pagsasalita.
• Naging “masaya” o “felicitious” ang pagsasalita kapag natupad nito ang pakay nitong gawin.
• Tinitingnan ang pagaaral sa balarila ay hindi bilang estruktura ng mga herarkiya kundi bilang sapot ng mga gamit na bumubuo ng sistema.
• Hindi nandyan ang balarila bilang isang kagamitan na paghuhugutan lamang ng mga salitang gagamitin sa pakikipagtalastasan.
• Ang sistemang pangwika ay nabubuo sa pagsama-sama ng napakaraming gamit kaya, ibinabaling ang pag-aaral sa balarila sa mga pang-araw-araw.
• Sa pag-aaral sam ga komunidad at ang pamayanang lumilikha ng wika, isinusulong ang pagaaral a mga tinatawag na “speech community”, “linguistic community” at “discourse community". Sa speech community, maaring pag-aralan ang mga pattern ng pagamit ng wika (pasulat, pabigkas o ang paggamit ng mga kilos) sa mga aktuwal na sitwasyon and mga gawi sa pakikipagtalastasan ng pamayanan.
• Ang ganitong panukala ay nagmula kay Dell Hymes, na nagtatangkang talikuran ang tradisyunal na pagkakaiba ng “linguistic competence” at “linguistic performance” na ipinakilala ni Noam Chomsky. Ang maling pagbibigay-diin sa mga konseptong ito ay nagbigay-diin lamang sa kapasidad ng tao na maunawaan at bumuo ng mga tamang pangungusap nang hindi isinasama ang konteksto ng paggamit ng wika sa tunay na sitwasyon. Sa halip, ipinakilala ni Hymes ang konsepto ng “communicative competence,” na kinikilala ang kakayahan ng indibidwal na gamitin ang wika nang angkop sa iba’t ibang sitwasyon at tumugon ayon sa mga hinihingi ng konteksto, kaya’t ang paggamit ng wika ay nagsisilbing isang mahalagang aktibidad sa pakikipagtalastasan.
• May epekto rin ang mga ginawang pagbabago sa performative turn sa larang ng antropolohiya at agham panlipunan, na nagkaroon ng pagbabago sa pagtingin sa kultura mula sa pagaaral sa mga artifact patungo sa pagaaral sa kultura bilang buhay na pamayanan.
• Kahit anong di nila pagkakasundo at ang naginawang rebisyon sa kanila ng mga susunod pang heherasyon ng pantas, nagkakasundo ang lahat sa paggalaw ng pagaaral sa wika mula sa mga estruktura patungo sa mga sistema, mula pagsasalita ng wika tungo sa pagtatanghal ng wika, mula wika para sa wika patungo sa wika ng kultura ng kapayanan ng mga tagapagsalita at Sa ibabaw ng lahat, ang pagbuwag sa mga binaryo ng pagaaral tungo sa pagiging interdisiplinaryo at multidisiplinaryo.
• Hindi na iisang uri ng tagapagsalita ang pinagtutuunan ng pansin.
• Mayroon pa ibang mga tagapagsalita bukod sa mga natututo magsalita sa loob ng bahay at ang mga tagapagsalita na nangangailangan ng tulog sa isang pamilya para magkaroon ng pagkakaisa.
• Ginagamit ang pagaaral sa wika sa mga patakaran sa ibang bansa.

Tinalakay ang konsepto ng 'sign' ni Saussure at 'différance' ni Derrida. Inihambing ang kanilang mga pananaw sa wika. Tinalakay din ang implikasyon ng pagiging 'madulas' ng signifier.