Characteristics of Research 1

Katangian ng Pananaliksik

• Ang pangangalap at paglalahad ng mga datos at impormasyon ay hindi nababahiran ng opinyon o kuro-kurong pinapanigan ng manunulat, ng mga awtoridad, o ng iba’t ibang uri ng impluwensiya sa lipunan at kapaligiran. • Ang pananaliksik ay nakabatay sa mga datos at impormasyong maingat na sinaliksik, kinalap, tinaya, at sinuri.

Sistemático

• Sumusunod sa lohikal na mga hakbang o proseso patungo sa pagpapatunay ng isang kongklusyong obhetibo at lohikal na nabuo bunga ng masusing pag-aaral.

Kontrolado

• Ang pagpapanatiling kontrolado ng iba’t ibang elementong bahagi at di bahagi ng pananaliksik, sa pinakamakakayanan ng mananaliksik, ay isang mabuting katangian.

Empirikal

• Ang pananaliksik ay batay sa mga naranasan at/o naobserbahan ng mananaliksik o/at ng mga sinaliksik kung kaya naman ang mga datos at impormasyong ginamit, maging ang kongklusyon, ay batay rin sa mga ito.

Analitikal

• Ang mga datos at impormasyong nakalap ay masusing sinuri at hinimay upang obhetibong maintindihan ang mga kahulugan nito nang sa gayon ay makarating sa isang kongklusyong bunga ng obhetibong interpretasyon sa resulta ng mga datos na inanalisa.

Orijinal

• Sapagkat isa sa mga kahalagahan ng pananaliksik ay ang magambag sa kasalukuyang umiiral na kaalaman, ang pagiging orihinal ay isang mahalagang katangian lalo na kung wala pa o kaunti pa lang ang nasasaliksik tungkol sa isang paksa.

Napapanahon

• Nakabatay sa kasalukuyang panahon (tukoy nito ang petsa at taon), nakasasagot sa suliraning kaugnay ng kasalukuyan, at ang kalalabasan ay maaaring maging batayan sa desisyong pangkasalukuyan.

Pag-iingat

• Walang pananaliksik ang madaling gawin lalo na ang matapos ito nang isang araw. Ang kahigpitan ng prosesong pinagdaanan ng isang papel-pananaliksik ay isang salik na nakapagpapataas sa kalidad nito.

Wasto

• Inaasahang ang mga resulta at kongklusyon ay wasto at mapatutunayan sapagkat ang pananaliksik ay dumaan sa tamang proseso. Inaasahang taglay nito ang maingat at tamang paghahabi at paghahatol ng mananaliksik.

Masinop

• Nararapat itong sumunod sa mga pamantayang inilahad at kakikitaan ng pagiging masinop at malinis sa kabuoan.

Dokumentado

• Lahat ng mga ginamit na sanggunian, mga nalikom na impormasyon at datos ay maayos at organisadong naitala.

Etikal

• Mahalagang katangian ng isang pananaliksik ang pagrespeto sa mga karapatan ng tao, sa mga bagay na may buhay, at sa kapaligiran.