Bilbo Hiriaren Historia: Erdi Aroa

Study Notes

Bilbo hiria Ibaizabal-Nerbioi itsasadarrari lotuta dago, merkataritza-portu estrategikoa eta hiri oparoa bilakatu zen.

Lehen biztanleak itsasadarraren bi ertzetan kokatu ziren: Muelle de Marzana inguruan eta Zazpi Kaleetan.
San Antongo zubiak bi aldeak konektatzen zituen.
1300.urtean, Diego Lopez de Harok Bilbo hiria fundatu zuen, hiri-gutuna emanez.
Bilboko portura sartzen ziren merkantziak, Gaztelatik zetorren artilea eta Bizkaiko burdin minerala ziren batez ere.
Erdi Aroko Bilbok plano irregularra zuen. Zazpi kale nagusi nabarmentzen ziren eta inguruan beste hainbat kale desordenatu eta estuak harresi baten barrualdean.

1511.urtean, Bilboko Kontsulatua izeneko erakundea sortua da jada.
Erakunde honek merkataritzaren inguruan sortzen ziren gatazkak konpontzen zituen eta itsasadarraren mantena mendua eta hobekuntzaz arduratzen zen.
Bilbok merkataritza posizioa finkatu zuen eta Kantauri itsasoko porturik garrantzitsuena bihurtu zen.

XIX.mendearen azken hamarkadetan Bilbo gune industrial garrantzitsua bihurtu zen.
Hainbat fabrika mota sortu ziren itsasadarraren bazterretan: Ontziolak, Labe Garaiak eta enpresa siderurgikoak.
Industria iraultzak milaka langile erakarri zituen Bilbo hirira eta bere inguruetara.

Beste garai bat hasten da, etapa post-industriala.
Industriarekin lotutako azpiegiturak hurbileko landa inguruetara lekualdatzen dira, poligono industrialetara.
Aisialdia eta kulturarekin zerikusia duten zerbitzuak okupatuko dute hiriaren espazioa eta hiriaren dinamizatzaile nagusia bihurtu.
Bilbo hiriaren transformazio prozesuan hainbat lan egin dira:
- Itsasadarraren garbiketa eta bere bizitza naturala errekuperatzeko lanak.
- Munduko arkitekto ezagunenak diseinatutako obrak: Guggenheim Museoa, Euskalduna Jauregia, Isozaki Ateak, Iberdrola dorrea, besteak beste.