Aralin 15: Ang Anekdota

Aralin 15: Anekdota

• Ang aralin ay tungkol sa anekdota.
• Ang anekdota ay maikling kuwentong nakatatawa na nagbibigay ng aral.
• Sa araling ito, matututuhan ang pagkukuwento ng maiikling karanasan at pangyayaring tunay man o hindi,matututuhan din ang pagsasalaysay gamit ang iba't ibang kasanayan.
• Ang tanong sa mapanuring pag-iisip ay: "Ano ang tanda na mahilig tumawa ang mga Pinoy?"
• Bago ang opisyal na talakayan, may isang pagganyak kasama ang guro.
• Manood ng maikling video na pinamagatang "Pamasahe".
• Pagkatapos panoorin ang video, sagutan ang tanong: Nakaranas ka na ba ng pangyayari? Maliban sa nabanggit ano pa ang opinyon o aral na rito?

Kakayahan sa Pagkatuto

• Inaasahang masusuri ang napakinggang anekdota batay sa paksa, tauhan, tagpuan, motibo ng awtor, paraan ng pagsulat, at iba pa.
• Maibibigay ang opinyon tungkol sa anekdotang napanood sa youtube.
• Makasusulat ng isang orihinal na komik strip ng anekdota gamit ang mga kasanayan sa pagsulat.
• Mauunawaan o maipapamalas ang alinman sa Mindset, Character at Habit.

Takdang Oras at Kagamitan

• Ang laang panahon para sa araling ito ay 4 na oras.
• Maaaring gumamit ng kwaderno o MS Document para sa mga notes, panulat, speaker/headphone/earphone, at maayos na Internet Connection.
• Buksan o i-download ang alinman sa mga talahulugan sa tuwing may hindi naiintindihang salita: Diksiyonaryo.ph, English-Filipino Dictionary (Innovative-Software), Tagalog Dictionary, o KWF Diksiyonaryong Filipino.

Balangkas ng Aralin

• Magsimula Rito (20 minuto)
• Karanasan 1: Kailan Nagiging Tama ang Panghuhusga? ('Di Sabay na Pag-aaral, 40 minuto)
• Karanasan 2: May Karunungan ba sa mga Pangyayaring Kakatwa? ('Di Sabay na Pag-aaral, 50 minuto)
• Karanasan 3: Paano Maiiwasan ang Miskomunikasyon sa Pagsulat? ('Di Sabayang Pag-aaral, 70 minuto)
• Karanasan 4: Ano ang Tanda na Mahilig Tumawa ang mga Pinoy? (Sabayang Pag-aaral, 20 minuto)
• Karanasan 5: Malayang Pag-aaral ('Di Sabayang Pag-aaral, 40 minuto)

Karanasan 1: Kailan Nagiging Tama ang Panghuhusga?

• Pakinggan ang anekdotang Persian sa link na ito: Ang Paghuhusga (Mullah Nassreddin).
• Matapos pakinggan ay sagutin ang mga tanong.
• May katotohanan ba ang mga bintang kina Mullah? Bakit o bakit hindi?
• Bakit hinayaan ni Mullah na manghusga ang mga tao? Ano ang kinatatakot ni Mullah?
• Ibigay ang mensaheng nais ipahatid ng akda.
• May opsiyonal na materyal: panoorin ang bersyong Ingles ng anekdota: The People's Judgement - Mullah Nasruddin.

Karanasan 2: May Karunungan ba sa mga Pangyayaring Kakatwa?

• Kilalanin ang mga Persyano at basahin ang mga batayang kaalaman sa anekdota.
• Sagutin ang mga tanong tungkol sa napakinggang anekdotang "Ang Paghuhusga" at batayang kaalaman sa anekdota sa google classroom.
• Opsiyonal: Panoorin ang karagdagang kaalaman sa anekdota: Ang Kakatwang Nakatatawa at Nakatutuwa sa Pagbasa ng Anekdota.

Karanasan 3: Paano Maiiwasan ang Miskomunikasyon sa Pagsulat?

• Basahin ang halimbawang komiks: Shopping - Pugad Baboy (Pol Medina Jr.).
• Sagutin: Ano ang nais iparating na mensahe ng komiks?
• Basahin ang batayang kaalaman sa wika at gramatika: Gramatikal, Diskorsal at Strategic na Kasanayan sa Pagsulat at Pagsasalaysay.
• Manaliksik sa web ng isang anekdotang maikli at gawin itong komiks strip sa Story Board That.
• Mga pagsasaalang-alang sa pagbuo ng komiks strip ay wastong pagkakasunod-sunod ng pangyayari,angkop na paglalarawan sa mensahe, paggamit ng gramatika,diskurso,paraang ng wika,tema ng kwento,malinaw na diyalogo,malinis na pagkakagawa.
• May opsiyonal na materyal: Basahin ang karagdagang kaalaman sa pagsasalaysay.

Karanasan 4: Ano ang Tanda na Mahilig Tumawa ang mga Pinoy?

• Kailan nagiging mali ang panghuhusga? Kailan naman ito tama?
• May karunungan ba sa mga pangyayaring kakatwa? Ipaliwanag.
• Paano maiiwasan ang miskomunikasyon? Ibahagi sa klase.
• Ano ang tanda na mahilig tumawa ang mga Pinoy?

Malayang Pag-aaral

• Maaaring magbalik-aral sa loob ng 20 minuto sa natalakay na aralin.

Pagninilay

• Ano ang mga aral na ibinibigay ng aking mga kakatwa at nakakatawang karanasan?
• Ano ang halaga ng mga kasanayan sa pagsulat upang maging malinaw ang mensaheng nais kong iparating?