Filipino 12 Aralin 1: Pagsulat ng Tala sa May-akda o Bionote, NEBRES STEM 2

Ano ang Bionote

• Isang pinaikling buod ng mga tagumpay, kakayahan, edukasyon, publikasyon, at pagsasanay ng isang may-akda.
• Isinusulat ito sa ikatlong panauhan at hindi dapat naglalaman ng pagyayabang.

Layunin ng Bionote

• Ginagamit sa pagpapasa ng artikulo o pananaliksik sa dyornal o antolohiya.
• Mahalaga sa aplikasyon para sa workshop at pagpapakilala ng sarili sa website o blog.
• Isinasagawa bilang panimulang pagpapakilala sa isang posisyon o scholarship.
• Tinutukoy din bilang tala ng emcee para sa pagpapakilala ng tagapagsalita o panauhing pandangal.

Uri ng Bionote

• Maikling Tala:

  • Dapat itong maikli ngunit puno ng impormasyon, karaniwang ginagamit para sa mga dyornal at antolohiya.
  • Kadalasang nilalaman nito ang pangalan, pangunahing trabaho, edukasyon, akademikong karangalan, at mga gantimpala na may kaugnayan sa tema.
  • Maari ring isama ang dagdag na trabaho, organisasyong kinabibilangan, at mga kasalukuyang proyekto.

• Mahabang Tala:

  • Ito ay kadalasang nakasulat sa prosang bersyon ng curriculum vitae, mula dalawa hanggang walong pahina, at may doble-espasyo.
  • Isinasagawa para sa mga entries sa ensiklopedya, aklat ng impormasyon, at tala para sa mga hurado ng lifetime achievement award.
  • Kabilang dito ang kasalukuyang posisyon, trabaho, mga naisulat na aklat, artikulo, parangal, edukasyon, at mga training.

Mga Detalye sa Nilalaman

• Ang maikling biyograpiya ay naglalaman ng mga espesyal na posisyon, karanasan sa propesyon, at mga gawain sa komunidad o organisasyon.
• Para sa mahabang bionote, importante na hindi mag-aksaya ng espasyo sa mga hindi mahahalagang impormasyon.