Ano ang Bionote?

• Bakit sumusulat ng bionote ang mga manunulat?

Bionote

• Ito ay isang maikling tala ng personal na impormasyon tungkol sa isang awtor.
• Kadalasang makikita ito sa likod ng libro na may kasamang litrato.
• Isang maikling paglalarawan ng manunulat gamit ang pananaw ng ikatlong tao na madalas inilalakip sa mga naisulat.
• Isang nakapagtuturong talata na nagpapahayag ng mga katangian ng manunulat at ang kanyang kredibilidad bilang propesyonal.
• Maikli at siksik ang bionote kumpara sa talambuhay o autobiography na mas detalyado at mahaba.

Layunin sa Pagsulat ng Bionote

• Pagpapasa ng aplikasyon para sa palihan.
• Pagpapakilala ng sarili sa website o isang blog.
• Tala ng emcee upang ipakilala ang isang tagapagsalita.
• Pagpapakilala ng may akda na inilalagay sa huling bahagi ng kanyang aklat.

Mga Dapat na Laman ng Bionote

• Personal na impormasyon (pangalan, pinagmulan, edad, detalye sa pakikipag-ugnayan).
• Kaligirang pang-edukasyon (paaralan, digri, karangalan).
• Ambag sa larangang kinabibilangan (kontribusyon at adbokasiya).

Katangian ng Bionote

• Pawang katotohanan ang mga impormasyong nilalaman.
• Karaniwang nagsisimula sa pangalan ng manunulat ang bionote.
• Ginagamit ang ikatlong panauhan sa pagsulat nito.
• Naglalaman ng mahahalagang impormasyon mula sa manunulat na maaaring may kaugnayan sa librong isinulat.
• Gumagamit ng modelong baligtad na tatsulok sa pagsulat.

Uri ng Bionote

• Maikling Bionote: siksik sa pinakamahahalagang detalye patungkol sa indibidwal, at tanging ang mga pinakahuli o pinakamataas na karangalan at tagumpay lamang ang ipinamamalas.
• Mahabang Bionote: naglalaman ng maraming impormasyon patungkol sa manunulat; inilalagay dito ang lahat ng karangalan at tagumpay na natamo ng manunulat o tagapanayam mula simula hanggang sa kasalukuyang pagbuo ng bionote; kadalasan itong inihahanda para sa mga akademiko at referensyal na libro o pagtitipon.

Halimbawa ng Bionote

• Carmela Esguera - Jose: nagtapos ng Balediktoryan sa Elementarya at sa Sekondarya, nakamit ang Digri ng Bachelor of Arts in Philippine Studies, Cum laude, at Master of Arts in Philippine Literature and Education sa University of the Philippines, Diliman, at kumuha rin ng kurso sa Sertipiko ng Malikhaing Pagsulat sa Filipino sa nabanggit ding unibersidad.
  • Nakasulat na ng mga tula at maikling kwento at mga pag-aaral sa Literaturang Pambata at pagpapahalagang Pilipino.
  • Nakapagturo siya ng Filipino sa elementarya at sa sekundarya sa loob ng labingwalong taon at nakapaglingkod bilang Filipino subject coordinator sa Assumption Antipolo.
  • Nagturo rin siya ng Special Filipino Program sa mga non-Tagalog speaker at Filipino Bridging Program para sa Senior High School sa nasabing paaralan.
  • Sa kasalukuyan ay tinatapos niya ang kanyang doktorado sa Educational Management at patuloy pa ring nagtuturo ng Filipino.
  • Naniniwala siya na ang pagbabahagi ng kanyang kaalaman bilang guro at manunulat ay isang paraan ng paglilingkod sa Panginoong Diyos.
• Kaycie Fiona E. Supan: nagtapos ng Doctors of Philosophy in Filipino (Malikhaing Pagsulat), ng Master of Arts in Filipino (Malikhaing Pagsulat), at ng Bachelor of Arts Filipino (magna cum laude) sa Unibersidad ng Pilipinas-Diliman.
  • Kasalukuyang siyang Associate Professor ng panitikan, panitikang pambata at malikhaing pagsulat sa kolehiyo ng Arte at Literatura sa UPD.

Ang bionote ay isang maikling tala ng personal na impormasyon tungkol sa isang awtor. Ito ay naglalaman ng pangalan, pinagmulan, edad, kaligirang pang-edukasyon, at iba pang ambag ng manunulat. Ginagamit ito sa iba't ibang layunin tulad ng pagpapakilala sa sarili at pag-apply sa palihan.