Alpabetong Filipino

Ang Alpabetong Filipino

• Binubuo ng 28 letra ang alpabetong Filipino na ganito ang ayos: A, B, C, D, E, F, G, H, I, J, K, L, M, N, Ñ, NG, O, P, Q, R, S, T, U, V, W, X, Y, Z
• May 20 letra ang nasa dating ABAKADA at may 8 letra ang dagdag dito na galing sa mga umiiral na wika ng Pilipinas at sa iba pang mga wika.

Ang Ngalan ng mga Letra

• Ang tawag sa mga letra ng alpabetong Filipino ay ayon sa tawag-Ingles maliban sa Ñ (enye) na tawag-Kastila.
• A /ey/, B /bi/, C /si/, D /di/, E /i/, F /ef/, G /ji/, H /eych/, I /ay/, J /jey/, K /key/, L /el/, M /em/, N /en/, Ñ /enye/, NG /enji/, O /o/, P /pi/, Q /kyu/, R /ar/, S /es/, T /ti/, U /yu/, V /vi/, W /dobolyu/, X /eks/, Y /way/, Z /zi/

Mga Tuntuning Panlahat sa Ispeling o Pagbaybay

• Ang pasalitang pagbaybay sa Filipino ay isa-isang pagbigkas sa maayos na pagkasunud-sunod ng mga letaang bumubuo sa isang salita, pantig, daglat, akronim, inisyal, simbolong pang-agham, atbp.
• Halimbawa: boto /bi-o-ti-o/, plano /pi-el-ey-en-o/, Fajardo /kapital ef-ey-jey-ey-ar-di-o/, vinta /vi-ay-en-ti-ey/, jihad /jey-ay-eich-ey-di/

Mga Tuntuning Panlahat sa Panghihiram

• Gamitin ang kasalukuyang leksikon ng Filipino bilang panumbas sa mga salitang banyaga.
• Kumuha ng mga salita mula sa iba’t ibang katutubong wika ng bansa.
• Bigkasin sa orihinal na anyo ang hiniram na salita mula sa Kastila, Ingles at iba pang wikang banyaga, at saka baybayin sa Filipino.

Mga Tiyak na Tuntunin sa Gamit ng Walong (8) Letra

• Letrang C: Panatilihin ang letra C kung ang salita ay hinihiram sa orihinal na anyo. Halimbawa: calculus, chlorophyll, cellphone, carbohydrates
• Letrang Q: Panatilihin ang letra Q kung ang salita ay hiniram sa orihinal na anyo. Halimbawa: quotation, quad, quartz, quantum, opaque
• Letrang Ñ: Panatilihin ang letra Ñ kung ang salita ay hiram sa orihinal na anyo. Halimbawa: La Tondeña, Santo Niño, El Niño, Malacañang, La Niña, coño