GMRC 5 - 3rd Q PDF

Score: Ikatlong Markahang Pagsusulit sa GMRC 5 Pangalan: Petsa: Seksiyon Sangay: Paaralan: Panuto: Basahin nang mabuti ang bawat tanong at bilugan ang titik ng tamang sagot....

Score: Ikatlong Markahang Pagsusulit sa GMRC 5 Pangalan: Petsa: Seksiyon Sangay: Paaralan: Panuto: Basahin nang mabuti ang bawat tanong at bilugan ang titik ng tamang sagot. Pista sa Nayon Araw ng pista sa barangay ng San Martin. Kinaumagahan, naghahanda, nagluluto at nagkasiyahan ang karamihan sa pagdaos ng kapistahan. Ang pamilyang Lopez ay nasasabik sa araw na iyon dahil darating ang kamag-anak nila mula pa sa ibang bayan. Dali-daling binuksan ng panganay na anak na si Elmer ng pamilyang Lopez ang pintuan. Bumungad sa kanila ang pamilyang Mendez. Agad nagmamano ang mga anak ng magkabilang pamilya. Magiliw na tinanggap ng pamilyang Lopez ang mga inaasahang bisita. Sa gitna ng masayang pag-uusap ng dalawang pamilya, biglang napabulalas ang bunsong anak ng pamilyang Lopez, “Nay, tay dumating na po yong bagong kapitbahay natin! Marami po silang mga gamit na ilipat sa loob ng kanilang bahay! Nangangailangan yata sila ng tulong! May ibang kapitbahay na rin na tumulong” ang sabi ni Mark. “Halika! tingnan natin kung ano ang maitutulong sa kanila!” sumbat ni G. Lopez. Inaanyahan din niya ang pamilyang Mendez na makiisa sa pagtulong ng bagong kapitbahay. Naipakita dito ang paglahok at pagtulong-tulong ng mga tao sa bayanihan. 1. Bakit mahalaga na maipapakita ng pamilyang Lopez ang mga kanais- nais na kaugaliang Pilipino? a. Upang kilalanin sila ng iba b. Upang maipakita nila ang kanilang galing bilang Pilipino c. Upang umuunlad ang kanilang pamumuhay d. Upang maipakita na may likas na natatanging kaugalian sila na ipinagkaiba sa ibang lahi 2. Paano ipinakita ng pamilyang Lopez ang mga kanais-nais na kaugaliang Pilipino? a. Sa pagpapakita para sa kanilang sariling kapakanan b. Sa pagpapakitang gilas nila sa iba c. Sa pagpapakita para makakuha sila ng pabor mula sa iba d. Pagpapakita nito para sa kabutihang panlahat 3. Kung ikaw si Ginoong Lopez, gagawin mo ba ang ginagawa niya? a. Oo, dahil naipakita nito ang pakitang tao sa iba b. Oo, dahil naipakita nito ang pakikisama sa kapwa tao c. Hindi, dahil pagsasayang lang ito ng oras d. Hindi, dahil paggawa lang ito ng di-makabuluhang gawain 4. Ang pamilyang Lopez ay nagpapakita ng mga kanais-nais na kaugaliang Pilipino MALIBAN sa isa. Alin sa mga sumusunod ang nagpapakita nito? i. Hinahayaang magmano ang mga bata sa nakakatanda ii. Magiliw na tinanggap ang bisita iii. Lumahok sa pagtulong ng iba iv. Pagpaubaya ang pagbabayanihan sa iba a. i,ii,iii b. i,ii,iv c. ii,iii,iv d. i,iii,iv 5. Paano nakatutulong ang pagpapakita ng paglahok ng pamilyang Lopez sa pagtulong ng kanilang bagong lipat na kapitbahay? a. Nadama ng kanilang bagong kapitbahay ang kawalan ng suporta b. Nagkakaroon ng pagkakaisa sa paggawa sa komunidad c. Nakaramdam ang bagong kapitbahay ng mainit na pagtanggap sa kanilang komunidad d. Nagiging tahimik at sagana ang kanilang komunidad Patimpalak Tanyag sa kanilang lugar ang mag-anak na Dalisay dahil sa kanilang talino sa sining. Madalas silang naaanyayahan na dumalo sa kasiyahan. Isang araw, nag-anunsyo ang kanilang barangay na magdaos ng paligsahan sa iba’t ibang talento para sa mga kabataang. Kung kaya naisipan niyang isali ang mga anak niya. Subalit ang isang anak nito na si Boyet ay nag-aatubili dahil sa palagay niya siya lang ang natatanging walang galing.  Isang umaga ay napatanong siya sa kanyang ina. “Nanay, ano po kaya ang aking talento?”, mapang-usisang tanong ni Boyet. “Si Tatay magaling sa pagkanta at pagguhit. Ikaw naman po sa pagkanta. Si Athena naman sa pagsayaw. Ako po parang hindi ako magaling sa kahit na ano.” “Anak tayong lahat ay biniyayaan ng ating Dakilang Lumikha ng mga natatanging galing. Hindi ibig sabihin na dahil hindi ka magaling gumuhit, kumanta o sumayaw ay wala ka ng talento,” paliwanag ni Aling Emma. “Tama ang Nanay mo, Boyet,” sagot naman ni Mang Cardo. “Di ba magaling ka sa paggawa ng kung ano- anong likha gamit lang ang mga bagay na patapon na? Diyan ka magaling, anak sa gawaing iyan. Ipagpatuloy mo lang iyan,” dagdag na sabi ng tatay niya. Sa kategoryang iyan ka maaring lumahok. “Salamat po sa paniniwala ninyo na mayroon akong talento. Ngayon po ay alam ko na ang aking angking galing na aking pagtutuonan ng pansin,” ang tugon ni Boyet. Kaya naman nagpasya na si Boyet na sumali sa patimpalak ng kanilang barangay. 6. Ano ang kakayahang maaring maipamalas ni Boyet ayon kay Mang Cardo? a. Katalinuhan b. Kagitingan c. Pagkamalikhain d. Pagkamasayahin 7. Ano ang magiging resulta kung patuloy na mag-aatubili si Boyet sa pagsali sa paligsahan? a. Magagalak siya b. Mapapagalitan siya ng kaniyang mga magulang. c. Mawawalan siya ng pagkakataon mapaunlad ang kaniyang sariling kakayahan d. Magkakaroon siya ng maraming kaibigan 8. Paano naging epektibo ang paghihikayat ng magulang ni Boyet sa na sumali siya sa paligsahan? a. Nadama niya ang suporta mula sa kaniyang mga magulang b. Naging maunlad ang kaniyang kakayahan c. Lalong naging mahiyain si Boyet d. Naging mapagmataas siya sa kaniyang angking kakayahan 9. Ang mga sumusunod ay mga paraan para pagyamanin ng mag-anak na Dalisay ang pagkamalikhain maliban sa isa. Alin dito ang HINDI kabilang? a. Ipagpatuloy ang pag-alam sa iba pang mga kakayahan, talento, at kagalingan. b. Sumali sa mga paligsahang makatutulong upang lalong mahasa ang pagkamalikhain. c. Maging mapagmataas at mayabang sa pagtanggap ng mga karangalan o mga papuri ng ibang tao o samahan. d. Maging responsable sa paggamit at pagpapakita ng pagkamalikhain. 10. Paano natin maipamalas pa ang angking pagkamalikhain sa pagbuo ng mga sayaw, awit at sining gamit ang anumang multimedia o teknolohiya? a. Pag-aatubili sa pagsalig ng paligasahan b. Pagyayabang sa iba nga ating angking kakayahan c. Pagtatago sa angking kakayahan para sa sarili lamang d. Pagsali sa paligsahan sa iba’t-ibang talent Sumunod sa Paalal Isang umaga habang nag-aalmusal ang mag anak na Santos ay nakikinig sila ng balita sa radyo. “Magandang umaga Pilipinas, narito ang mahalagang balita sa oras na ito. Parami ng parami ang mga taong naiulat na namatay sa Barangay Malinaw dahil sa bagyong Oryong. Araw-araw tumataas ang bilang ng mga naging apektado nito maging ang mga ari-arian ng mga tao. Pinapaalahanan ang lahat sa epekto ng pag-aabuso ng kalikasan at inaaanyahan na sumunod sa mga paalala: Pagtanim ng punongkahoy, pag- iwas sa pagtapon ng basura sa kanal, dagat o kahit saan, pag-ulat sa mga ilegal na pagputol ng kahoy at iba pa. Malaki pa ang pinsalang dulot ng bagyo kung hindi ito maiiwasan. Sundin ang mga paalala upang hindi mabiktima. Tandaan, “Prevention is better than cure”. 11. Bakit mahalaga ang pakikiisa sa programa ng pamayanan ang mag- anak na Santos? a. Para mapaunlad ang kalagayan ng pamayanan b. Para mapasaya ang mga namumuno sa pamayanan c. Para magbigay ng problema sa pamayanan d. Para maging sikat sila sa pamayanan 12. Alin sa mga sumusunod ang nagpapanatili ng pagkamabuting mamayang Pilipino ng mag-anak na Santos sa kanilang pamayanan? a. Magpanggap na walang narinig sa radyo b. Magkalat ng maling balita sa media o gadget c. Umiwas sa pagsali sa programa d. Makikilahok sa programang pampamayanan 13. Ano ang makatuwirang gawin ng pamilyang Santos base sa narinig nila na balita sa radyo? a. Umiiwas sa mga gawaing pamayanan b. Pagbalewala sa mga paalaalang narinig c. Pagpapakita ng walang suporta sa gawaing pamayanan d. Pagbabahagi ang impormasyong narinig sa radyo sa kaligtasan ng pamayanan 14. Ano ang layunin ng pakikilahok ng mag-anak na Santos sa kanilang pamayanan? a. Para sa kanilang personal na pakinabang b. Para sa pagpapanatili ng pagkamabuting Pilipino c. Para sa pagpapaunlad sa kanilang sarili d. Para sa kanilang katanyagan 15. Paano natin mapapanatili ang pagkamabuting Pilipino sa pamamagitan ng pakikilahok sa pagtupad sa mga paalala sa ligtas na pamayanan? a. Lumahok kung may imbitasyon mula sa kaibigan b. Lumahok kung puwersahan ang direktiba c. Lumahok nang may bukal sa kalooban d. Lumahok nang may pag-aatubili Ang Basurero at ang Bata Sa isang maliit na baryo, may isang basurerong nagngangalang Mang Nilo. Kilala siya sa buong baryo bilang isang masipag at mapagkakatiwalaang tao. Araw-araw, kahit umulan o umaraw, sinisigurado niyang walang basurang nagkalat sa mga kalsada. Isang araw, habang nag-iikot siya, may nakita siyang isang batang nagngangalang Junjun na nagtatapon ng balat ng kendi sa kalsada. Tinawag ni Mang Nilo ang bata, “Junjun, bakit mo itinapon ang balat ng kendi sa kalsada? Hindi ba’t dapat ito ay ilagay sa basurahan?” Napayuko si Junjun at nagsimulang magsisi. “Pasensya na po, Mang Nilo. Hindi ko po naisip ang ginagawa ko.” 16. Ano ang kakayahang dapat maipamalas ni Junjun ayon kay Mang Nilo? a. Pagsunod ng may masusi at matalinong pagpapasiya para sa kaligtasan b. Pagsunod sa mga alituntunin tungkol sa pag-iingat sa sunog c. Pagsunod sa paalaala kung may kalamidad d. Pagsunod sa paalaala na napanood at nabasa 17. Ano ang mga posibleng mangyari kung hindi responsable ang mga tao sa pagtatapon ng kanilang basura? a. Magiging maayos ang takbo ng kalikasan at tataas ang bilang ng mga puno. b. Magiging mas maganda ang paligid at mas masaya ang mga tao. c. Maaaring magdulot ng polusyon sa hangin at tubig. d. Maaaring magdulot ng pagbaha at pagkakasakit ng mga hayop. 18. Paano makatutulong ang pagsunod ni Junjun kay Mang Nilo sa pagpapanatili ng kalinisan sa kanilang komunidad? a. Magiging kritikal siya sa sarili at sa iba b. Magiging matalino siya sa pagpapasiya para sa kaniyang kaligtasan c. Magiging mapanuri siya sa kapuwa d. Magiging mapamintas siya sa iba 19. Paano maging inspirasyon at ehemplo ang isang mag-aaral sa pagpapakita ng kanyang pagpapasiya para sa kaligtasan? a. Pagsuway sa mga paalala sa mga alituntunin sa paaralan b. Pagbalewala sa mga paalaala na napanood at nabasa c. Pag-aatubiling sumunod sa payo ng magulang d. Pagsunod sa mga alituntunin para kabutihang panlahat Hakbang Para Sa Kapaligiran Sa isang tahimik na bayan sa tabi ng bundok, nakatira ang isang batang estudyante na si Ana. Bago siya pumasok sa paaralan, tumutulong siya sa kanyang lola sa pag-aalaga sa kanilang maliit na hardin. Ang kanilang hardin ay puno ng mga prutas, gulay, at makukulay na bulaklak. Para niya, mahalaga ang bawat halaman sa kalusugan ng kanilang pamilya at sa kagandahan ng kanilang paligid. Isang araw, nagkaroon ng malakas na bagyo na nagdulot ng pagbaha sa kanilang bayan. Maraming mga basura ang natangay ng tubig at nagkalat sa paligid ng kanilang komunidad. Agad na nag-organisa si Ana ng isang programa kasama ang kanyang mga kaibigan sa paaralan upang linisin ang kanilang lugar. Tinulungan nila ang mga lokal na awtoridad sa pagkuha ng mga basurang natapon at nagtaguyod sila ng mga pagpapahayag sa kanilang barangay upang hikayatin ang mga tao na mag-segregate ng kanilang basura at i-recycle ang mga hindi na magagamit. Nagpasya rin si Ana na magsimula ng isang composting project sa kanilang paaralan. Sa pamamagitan nito, naipaliwanag niya sa kanyang mga kaklase kung paano makakatulong ang pag-compost ng mga kitchen scraps upang mabawasan ang basura at magbigay ng magandang pataba sa mga halaman. Ang kanyang proyekto ay nakatulong hindi lamang sa kanilang paaralan kundi pati na rin sa kanilang komunidad, dahil marami pang mga magulang at kapitbahay ang sumali sa kanilang adhikain. Sa bawat hakbang, ipinakita ni Ana ang pagiging mapanagutan sa kanyang mga gawain at ang kanyang tunay na pagmamalasakit sa kapaligiran. Ang kanyang mga aksyon ay nagsilbing inspirasyon sa iba na magtulungan para sa mas malinis at mas maginhawang lugar para sa lahat. 20. Paano naipapakita ni Ana pagiging responsableng tagapangalaga ng kapaligiran? a. Pagbabalik-loob ng mga lumang kagamitan sa mga basurahan b. Pagtatanim ng mga puno at halaman sa paligid ng komunidad c. Pag-aalaga ng mga hayop sa kalikasan nang walang pahintulot d. Pagbili ng mga produkto na may labis na packaging 21. Paano nakatutulong ang pagmamalasakit ni Ana sa kapaligiran? a. Naging tulay ito para sa pakikiisa ng kanyang kapitbahay sa programang pangkapaligiran b. Napataas nito ang dami ng basura sa kaniyang komunidad c. Naging kaaya-ayang tirahan ang kaniyang komunidad d. Napayaman ang lahat ng kaniyang kaitbahay 22. Paano nakakaapekto ang pagpapatupad ng mga programang pangkapaligiran tulad ng waste management sa kalusugan ng isang komunidad at sa pangkalahatang kalidad ng buhay? a. Nagreresulta ito sa mas mataas na antas ng polusyon b. Nagdudulot ng pagtaas sa gastos sa lokal na pamahalaan c. Nagpapabuti ang antas na kalidad ng kalusugan ng pamayanan d. Nagkakaron ng kasaganaan sa pamayanan Mapagmasid Si Abby ay isang mag-aaral na masigasig sa pakikilahok sa mga programa ng kanilang barangay tungkol sa pangangalaga ng kapaligiran. Isang araw, habang naglalakad siya pauwi, napansin niyang may mga taong nagtatapon ng basura sa isang ilog malapit sa kanilang lugar. Agad niyang iniulat ang pangyayari sa barangay upang ito ay maaksyunan. Nang malaman ng mga kapitbahay ni Abby ang kanyang ginawa, humanga sila at sinundan ang kanyang halimbawa sa pagiging responsable sa kapaligiran. 23. Ano ang katangiang ipinamalas ni Abby na nagpapakita ng pagmamalasakit niya sa kapaligiran? a. Pagiging mapanira sa kapaligiran b. Pagiging vigilant sa mga illegal na gawaing nakasisira sa kapaligiran c. Pagiging alerto sa panahon ng kalamidad d. Pagiging sakim sa pangangailangan gamit ang kapaligiran 24. Ano ang magiging epekto sa komunidad kung lahat ng residente ay magiging vigilant tulad ni Ana? a. Magiging mas mapanganib ang kapaligiran. b. Magiging mas madumi ang kapaligiran. c. Magiging mas magulo ang komunidad. d. Magiging mas malinis at ligtas ang komunidad sa kapahamakan. 25. Bakit mahalaga na maiulat ni Abby ang pagtatapon ng basura sa ilog sa kanilang barangay? a. Upang mapigilan ang patuloy na pagsira sa kapaligiran b. Upang mapanatili ang kalinisan c. Upang magalit ang mga tao d. Upang maparangalan sa kaniyang ginagawa Ang Aktibong si Juan Si Juan ay isang aktibong miyembro ng kanilang barangay. Madalas siyang dumalo sa mga pagpupulong at programa ng pamahalaan na naglalayong mapanatili ang kapayapaan sa kanilang lugar. Isang araw, nagkaroon ng diskusyon ang kanilang grupo tungkol sa isang bagong batas na naglalayong magpababa ng krimen sa komunidad. Habang may mga hindi sumang-ayon sa ilan sa mga mungkahi, sinikap ni Juan na pakinggan ang bawat opinyon at ideya. Hindi man siya sang-ayon sa lahat ng narinig, iginagalang niya ang bawat isa, sapagkat alam niyang ang paggalang sa karapatang pantao, opinyon, at ideya ng iba ay susi sa pagkakaisa at kapayapaan. 26. Ang mga sumusunod ay ginawa sa grupo ni Juan na nagpapakita ng pakikiisa nang may kasiyahan sa mga program ng pamahalaan na may kaugnayan sa pagpapanatili ng kapayapaan MALIBAN sa isa. Alin sa mga sumusunod ang nagpapakita nito? i. Paggalang sa nakakatanda ii. Paggalang sa karapatang pantao iii. Paggalang sa opinion ng iba iv. Paggalang sa ideya ng ibaolitikal na kapayapaan a. i, ii, iii b. ii, iii, iv c. i, iii, iv d. I, ii, iv  Ligtas na Komunidad Para kay Ana, ang pangangalaga sa kalikasan ay hindi lamang tungkol sa pagprotekta sa kapaligiran kundi pati na rin sa pagpapanatili ng kalusugan ng bawat isa sa kanilang barangay. Upang matiyak ang kaligtasan ng kanilang komunidad, naglunsad siya ng mga hakbang tulad ng regular na fire drills at paghikayat sa lahat na magsuot ng helmet sa mga oras ng trabaho. Ang kanyang grupo ay nagsagawa rin ng mga workshop upang matutunan ng mga residente ang mga tamang paraan ng pag-iwas sa mga panganib, na nagpapalakas ng kanilang kaalaman at kahandaan sa oras ng sakuna. Ang kanilang kampanya para sa kaligtasan ay nagdulot ng malaking pagbabago sa komunidad. Ang ligtas na kapaligiran ay nagbigay daan sa pagbuo ng tiwala at pagkakaalam sa isa't isa, kaya't naging mas mapayapa ang kanilang lugar. Sa pangmatagalan, ang dedikasyon ni Ana ay nagsilbing inspirasyon sa mga karatig-barangay, na nagtaas ng antas ng kamalayan at kooperasyon sa pagitan ng mga residente. Ang mga hakbang na ipinakita ni Ana ay nagbukas ng pinto para sa mas maayos at matatag na pag-unlad sa kanilang barangay at sa iba pang lugar. 27. Ano-ano ang mga hakbang na ginawa ni Ana at ng kanyang grupo para sa pangkaligtasan ng kanilang komunidad? a. Paglagay ng mga CCTV camera at pag-oorganisa ng mga seminar b. Pagtatanim ng puno at pag-recycle ng basura c. Pagsasagawa ng fire drills at pagsusuot ng helmet d. Pag-aayos ng mga parke at paglilinis ng ilog 28. Paano ka makatutulong sa katagumpayan ng mga hakbang ni Ana sa pagpapalawak ng mga inisyatibo sa ibang lugar? a. Sa pamamagitan ng pagbuo ng mga bagong negosyo sa komunidad b. Sa pamamagitan ng pag-aalok ng mga libreng produkto sa komunidad c. Sa pamamagitan ng pagbibigay ng mga scholarships sa komunidad d. Sa pamamagitan ng pangangampanya sa pagpapatupad ng mga batas sa kapayapaan at kaligtasan ng komunidad 29. Ano ang pangunahing kampanya ni Ana para sa kanilang komunidad? a. Pagtuturo ng tamang kalinisan b. Pagsusulong ng kaligtasan sa barangay c. Pagpapalaganap ng kapayapaan d. Pag-aalaga ng kalusugan ng mga bata 30. Alin sa mga sumusunod na hakbang ang isinagawa ni Ana upang mapanatili ang kaligtasan sa kanilang barangay? a. Fire drills at pag-iwas sa mga panganib b. Pamamahagi ng pagkain at gamot c. Pag-aalaga ng kalikasan at kalusugan d. Pagpapalaganap ng kalinisan at disiplina 31. Paano nakatutulong ang kampanya ni Ana sa pagpapanatili ng kapayapaan sa kanilang barangay? a. Naging mas disiplinado ang mga residente kaya't walang nagkakasakit b. Ang ligtas na kapaligiran ay nagbigay ng tiwala at pagkakaalam sa isa’t isa c. Naging malinis ang kapaligiran at nawala ang basura sa mga kalsada d. Lumakas ang ekonomiya ng barangay dahil sa bagong mga proyekto Ang Mahusay na Bata Si Juan ay isang mag-aaral na mahusay sa paggamit ng iba't ibang multimedia at technology tools. Sa kanilang barangay, siya ay tinapik upang manguna sa paggawa ng proyekto na naglalayong mapabuti ang kalinisan, kaligtasan, kalusugan, at kapayapaan gamit ang mga kasanayan niya sa teknolohiya. Sa bawat kampanya, ginagamit niya ang multimedia upang makipag-ugnayan sa mga kabarangay at ipatupad ang mga batas na nakatuon sa kabutihan ng lahat. 32. Bakit mahalaga ang paggamit ng multimedia at technology tools sa paggawa ng proyekto sa pagpappatupad ng mga batas sa kalinisan, kaligtasan, kalusugan at kapayapaan? a. Para sa ikakayaman ng komunidad b. Para magkaroon ng bagong negosyo c. Para maging tanyag d. Para mapadali ang pag-abot ng impormasyon sa mas maraming tao 33. Ano-ano ang mga hakbang na dapat ginawa ni Juan upang mapatupad ang kaligtasan gamit ang technology tools? a. Paglagay ng mga CCTV camera at pagbuo ng emergency alert system b. Pagtatanim ng puno at pag-recycle ng basura c. Pagbibigay ng libreng bitamina d. Pag-aayos ng mga parke at paglilinis ng ilog 34. Ano ang kahalagahan ng pagsasama-sama ng multimedia at technology tools sa kampanya para sa pagpapatupad ng mga batas sa kalikasan at kaligtasan sa komunidad? a. Nagpapaganda ito ng tanawin b. Nagdadala ito ng negosyo c. Nagreresulta ito sa mas mabilis at epektibong pagpapatupad ng mga proyekto at batas d. Nagiging sikat ang gumamit nito 35. Paano maaaring magpatupad ng isang malawakang kampanya na naglalayong pagsama-samahin ang kalinisan, kaligtasan, kalusugan, at kapayapaan sa buong barangay gamit ang multimedia at technology tools? a. Pagbuo ng negosyo para sa kalinisan b. Pagbuo ng komitiba na magpapatupad ng iba't ibang programa c. Pag-organisa ng sports event d. Pagbibigay ng mga regalo sa mga bata at i-post sa social media Pakikilahok tungo sa Positibong Pagbabago Si Maria ay isang aktibong mag-aaral na masigasig sa pakikilahok sa mga proyekto at kampanya na naglalayong makatulong sa bansa at sa buong daigdig. Sa kanilang paaralan, siya ang namumuno sa iba't ibang programa na tumutugon sa mga suliraning panlipunan tulad ng kalikasan, kalusugan, kalinisan, at kapayapaan. Kasama ang kanyang mga kamag-aral, si Maria ay buong-tapang na nagsusumikap upang makapagbigay ng positibong pagbabago sa kanilang komunidad at maging sa buong mundo. 36. Bakit mahalaga ang pakikilahok ni Maria sa mga gawaing nakatutulong sa bansa at daigdig? a. Para magkaroon siya ng maraming kaibigan b. Para maging kilala siya sa buong komunidad c. Para magkaroon siya nga maraming ugnayan sa ibang bansa d. Para makatulong siya sa kalagayan ng bansa at daigdig 37. Ang mga sumusunod ay nagpapakita ng pakikiisa nang buong tapat sa mga gawaing nakatutulong sa bansa at daigdig MALIBAN sa isa. Alin sa mga sumusunod ang nagpapakita nito? i. Pagbibigay ng libreng bitamina at pag-oorganisa ng health seminars ii. Pagtatanim ng puno at pag-recycle ng basura iii. Pagtatapon ng basura sa ilog. iv. Pag-aayos ng mga parke at paglilinis ng ilog a. i, ii, iii b. i, iii, iv c. i, ii, iv d. ii, iii, iv 38. Paano nakakatulong ang mga proyekto ni Maria sa kapayapaan ng komunidad? a. Pinapalawak nito ang mga negosyo b. Pinapalakas nito ang tiwala sa pagitan ng mga tao c. Pinapataas nito ang antas ng teknolohiya d. Pinapabuti nito ang estruktura ng paaralan 39. Ano ang maaaring maging epekto ng pamumuno ni Maria sa mga proyekto at kampanya sa kanilang komunidad? a. Magdudulot ito ng kaguluhan sa mga tao b. Makakapagbigay ito ng inspirasyon at positibong pagbabago sa kaniyang komunida c. Mabibigyan siya ng parangal sa kaniyang komunidad d. Magkakaroon siya ng maraming kaibigan 40. Paano mo maipapakita ang pakikiisa nang buong tapat sa mga gawaing nakatutulong sa bansa at daigdig? a. Lumahok sa paligsahan sa komunidad b. Lumahok sa pagtatanim ng puno sa komunidad c. Lumahok sa mga illegal na gawain na nakasisira sa kapaligiran d. Lumahok sa mga gawaing may kinalaman sa pista ng komunidad