Untitled Quiz

• Ang sining ay retorika.

Mga Layunin

• Maipaliwanag ang kahulugan ng retorika at ang papel nito sa malinaw na komunikasyon.
• Maibigay ang katangian at paraan ng pagsulat ng iba't ibang teksto batay sa mga aspektong panretorika.
• Mauuri ang iba't ibang kasangkapang panretorika na magagamit sa pagsulat.

Retorika: Sining ng Pakikipagtalastasan

• Retorika: sining ng paggamit ng wika ng isang indibidwal, pangkat, o institusyon upang bigyang-hugis ang kanilang realidad.
• Ayon kay Sebastian (2007), ang retorika ay mahalagang kaalaman sa pagpapahayag, kung saan tinutukoy kung maganda o kaakit-akit ang pagsusulat at pagsasalita.
• Maaaring ituring bilang pag-aaral ng husay sa pagpili ng mga salitang gagamitin, hindi lamang nito sinasagot ang sino, paano, at bakit ng pahayag kundi ang epekto nito sa "mundo".

Mga Katangian ng Sining ng Retorika

• Malalayunin: Ginagabayan ng paggamit ng sining bilang malayang anyo.
• Maangkupin: Iniaakma sa pangangailangan ng paksa't pagkakataon. Nagiging sensitibo sa komunidad ng tagapagsalita, kausap, o mambabasa.
• Malaya: Walang sinusunod na pormula sa pagsulat o pagbigkas.

Konteksto

• Sa pakikipag-ugnayan sa loob at sa iba't ibang pamayanan ng mga tagapagsalita, mahalaga ang pang-unawa sa mga aspektong panretorika.

Mga Aspektong Panretorika

• Maaaring naisin ng isang tao na ipadanas sa kausap ang isang bagay na nakita, narinig, nalasahan, naamoy, o naramdaman.
• Isalaysay ang isang pangyayari.
• Ipaliwanag ang isang pinaniniwalaan.
• Hikayatin ang kausap o mambabasa na baguhin ang pananaw o gumawa ng aksyon.

Mga Uri ng Pagpapahayag (Mga Aspekto)

• Pag-uulat: Talakayin at ilantad ang isang usapin nang walang pagkiling.
• Paglalarawan: Hulihin ang isang damdamin o impresyon at ipasa ito sa nagbabasa o nakikinig.
• Pagsasalaysay: Paglalahad ng isang pangyayari sa loob ng isang panahon; pagkukwento.
• Pangatwiran: Hikayatin ang tagapakinig o mambabasa na palitan o patatagin ang kanyang pananaw tungo sa isang konkretong aksyon.

Mga Kasangkapang Panretorika

• Pagbibigay-katuturan: Nagbibigay ng depinisyon o pagpapakahulugan upang ipaliwanag ang isang konsepto.
• Denotatibo: Nakabatay sa pangkalahatang pagkaunawa o diksiyonaryo.
• Konotatibo: Mga kahulugang nakakabit sa salita sa paulit-ulit na gamit sa lipunan at kasaysayan.
• Etimolohiya: Pinag-ugatang kasaysayan ng salita.
• Halimbawa: Sirena, Paru-paro, Mamon, Ahas, Balimbing.
• Pagbibigay-halimbawa: Naghaharap ng partikular o konkretong kaso ng isang pangkalahatang ideya.
• Pag-iisa-isa: Paglilista nang walang gaanong pagpapalalim sa mga kaso, may kaayusan na itinatakda.
• Pagtutulad: Paghahambing ng dalawang bagay na may parehong katangian sa kabilang ng magkaibang uri. Pinipili lamang ang kategoryang tatalakayin.
• Pagtatambis: Pag-iiba ng dalawang bagay o ideya na inaakalang magkapareho. Nagtatatag ng bagong pagpapangkat batay sa isang aspekto.
• Analohiya: Higit na maraming paghahambing ng mga aspekto; minsan, hindi na nakikita ang orihinal na pagkakakilanlan ng mga bagay.
• Pagsusuri: Pinag-aaralan ang konsepto sa pamamagitan ng pagbabaha-bahagi rito upang mapatingkad ang kabuuan.
• Pag-uuri: Inuunawa ang paksa sa pamamagitan ng paghihiwalay o pagsasama ng mga detalye sa magkakaiba o magkakatulad na kategorya.
• Sanhi-Bunga: Inuunawa ang mga kinakaharap na paksa sa pagtalunton sa ugat o pinagmulan.
• Pabuod: Naglalatag ng mga detalye mula sa partikular na kaso upang makarating sa isang paglalahat.
• Pasaklaw: Gumagamit ng isang paglalahat bilang patotoo sa mga katotohanan ng isang partikular na kaso.

Retorika: Pakikipag-ugnayan

• Layunin nito ang pagkakaunawaan ng isip at kalooban.
• Napayayaman at napatatalas ang kakayahan sa pakikilubog at pakikiugnay sa pamayanan.
• “Tulad ng salapi at enerhiyang atomiko, ang mga salita ay magagamit sa mga layuning mabuti at masama.”* - William D. Halsey