Tekstong Impormatibo

Tekstong Impormatibo

• Tinatawag na ekspositori
• Isang uri ng pagpapahayag na naglalayong magpaliwanag at magbigay ng impormasyon
• Kadalasang sumasagot sa mga batayang tanong na ano, kailan, saan, sino, at paano

Pangunahing Layunin

• Layunin nitong ipaliwanag sa mambabasa ang anumang paksang matatagpuan sa tunay na mundo
• Naglalahad ng mga kwento ng mga tunay na tao o nagpapaliwanag ng mga konseptong nakabatay sa mga tunay na pangyayari.
• Mga halimbawa: biyograpiya, encyclopedia, almanac, papel-pananaliksik, journal siyentipiko, ulat, balita sa radyo, at impormasyon sa diksyunaryo

Kahalagahan

• Napauunlad nito ang ibang kasanayang pangwika, gaya ng pagbabasa, pagtatala, pagtukoy ng mahahalagang detalye, pakikipagtalakayan, pagsusuri, at pagpapakahulugan ng impormasyon
• Ayon kina Jeanne Chall, Vicki Jacobs, at Luke Baldwin (1990), ang kakulangan sa pagtuturo ng tekstong impormatibo ay nakakaapekto sa kaalaman at pag-unawa ng mga mag-aaral.

Mga Gabay sa Mabilis na Paghahanap ng Impormasyon

• Talaan ng nilalaman
• Indeks
• Glosaryo para sa mahahalagang bokabularyo
• Larawan at ilustrasyon
• Kapsyon
• Iba pang uri ng palatandaan para sa mga larawan, tsart, at talahanayan

Tandaan

• Mahalaga ang katumpakan ng nilalaman at ng mga datos
• Kailangan sumangguni sa maaasahang babasahin at iba pang pinagmulan ng impormasyon
• Mahalaga ang napapanahong impormasyon para sa pag-unawa ng mahahalagang isyu o usaping panlipunan

Iba't ibang Uri ng Tekstong Impormatibo Depende sa Istruktura ng Paglalahad

• Sanhi at Bunga: Nagpapakita ng koneksyon sa pagitan ng mga pangyayari at kung paano ang mga kinalabasan ay bunga ng nakaraang mga pangyayari. Ipinaliliwanag ng may-akda ang relasyon ng dalawang bagay at nagbibigay ng dahilan bakit nangyari ang isang bagay at kung ano ang resulta nito.

• Paghahambing: Nagpapakita ng pagkakatulad at pagkakaiba sa pagitan ng anumang bagay, konsepto, o pangyayari.

• Pagbibigay-depinisyon: Ipinaliliwanag ang kahulugan ng isang salita, termino, o konsepto. Maaaring tumukoy sa konkretong bagay o abstraktong ideya gaya ng katarungan, pagkakapantay-pantay, o pag-ibig. Sinasama rito ang kahulugan, denotatibo at konotatibo.

• Paglilista ng Klasipikasyon: Naghahati-hati ng isang malaking paksa o ideya sa iba't ibang kategorya o grupo upang ang pagtalakay ay mas maging organisado.

Paglikha ng Patalastas Tungkol sa Pangangalaga sa Kalikasan

• Binigyan ng mga kaukulang puntos ang batayan ng pagmamarka para sa tumpak, napapanahon at kapaki-pakinabang na impormasyon, mabisang sistema at maayos na paglalahad ng impormasyon, at malikhain at maayos na presentasyon.