Tamang Gamit ng Salita: 'ng', 'nang', 'may' at 'mayroon'

• Masining na pahayag ay nasusukat sa pagpili ng angkop na pananalita at tamang balarila sa pangungusap.
• Ang tamang balarila at pagpili ng salita ay nagbubunga ng mensaheng naiintindihan ng mambabasa.

Wastong Gamit ng Salita

• Ang "ng" at "nang" ay mga kataga na maaaring makaapekto sa diwa ng pangungusap.
• "Ng" ay ginagamit kung ang sumusunod na salita ay pangngalan at nagsisilbing tuwirang layon.
• "Ng" ay maaari ring magsilbing pang-angkop sa pagitan ng dalawang salita kung saan ang sumusunod na salita ay hindi pandiwa.
• "Ng" ay nagsisilbi ring panghalip na pamanggit kung ang sumusunod na salita ay pandiwa at nagsisilbing simuno sa sugnay na di makapag-iisa.
• "Nang" ay maaaring gamitin bilang panimula ng pangungusap o tagapag-ugnay ng mga pangungusap.
• "Nang" ay sinasagot ang tanong kung paano ginawa ang isang bagay.
• "Nang" ay ginagamit sa hugnayang pangungusap.

May at Mayroon

• "May" ay ginagamit kung ang sumusunod ay bahagi ng pananalita, "sa" at "mga", maliban sa panghalip panao.
• "Mayroon" ay sinusundan din ng bahagi ng pananalita ngunit may nakasingit na kataga sa pagitan nito.
• Ang "mayroon" ay maaaring gamitin bilang panimulang pangungusap at sa matalinghagang pahayag, ito'y nangangahulugang kayamanan.

Kong at Kung

• "Kong" ay ginagamit kung nagsasaad ng pag-aari.
• "Kung" ay maaaring gamitin sa panimula ng pangungusap at nagsasaad ng pag-aalinlangan o pasubali.

Raw at Daw

• "Raw" at "Daw" ay mga katagang malayang nagpapalitan na tumutukoy sa diwang walang kasiguruhan.
• "Raw" ay ginagamit kung ang sinusundang salita ay nagtatapos sa patinig at malapatinig na w at y.
• "Daw" ay ginagamit kung ang sinusundang salita ay nagtatapos sa katinig maliban sa w at y.

Iwan at Ewan

• "Iwan" ay nangangahulugan ng paglisan o pag-alis.
• "Ewan" ay isang ekspresyon na may pahiwatig ng pagkainis.

Sila at Sina

• "Sila" at "Sina" ay mga panghalip at pantukoy na tumutukoy sa tao.
• "Sila" ay bahagi ng pananalitang panghalip na kinakatawan ang ilang bilang ng mga tao.
• "Sina" ay salitang tumutukoy sa maraming tao at sinusundan ng mga pangalan ng tao.

Nila at Nina

• "Nila" ay salitang panghalip na kumakatawan sa marami o grupo ng mga tao.
• "Nina" ay salitang pantukoy na maramihan na dinudugtungan ng pangalan ng tao.

Isa't isa

• "Isa't isa" ay tumutukoy sa pariralang "isa at isa pa".
• Ito ay may katagang "at" sa pagitan ng inulit na salitang "isa", kaya't gumagamit ng kudlit.

Iba't iba

• "Iba't iba" ay tumutukoy sa pariralang "iba at iba".
• Tulad ng "isa't isa", ito rin ay gumagamit ng kudlit dahil sa katagang "at".

Ibang-iba

• "Ibang-iba" ay ginigitlingan dahil inulit ang salitang "iba" at may kahulugan ang kaputol na salita.

Sari-sari

• "Sari-sari" ay ginigitlingan kung ginamit bilang pang-uri sa loob ng pangungusap.
• Hindi ito ginigitlingan kung ang tinutukoy ay pangngalan o mga bagay-bagay na iba-ibang klase.

Paruparo

• Ang salitang "paruparo" ay hindi nilalagyan ng gitling dahil walang kahulugan ang kaputol nito.

Ortograpiyang Filipino (KWF)

• Ang sumusunod ay ilan lamang sa mga tamang baybay ng salita ayon sa Komisyon ng Wikang Filipino (KWF):
• SINO-SINO hindi SINU-SINO
• PITO-PITO hindi PITU-PITO
• BUTO-BUTO hindi BUTU-BUTO
• BATO-BATO hindi BATU-BATO
• KARNENG-KARNE
• BERDENG-BERDE
• SWERTENG-SWERTE
• SINEHAN
• BASEHAN
• BOTEHAN
• KLASEHAN
• ONSEHAN
• KORTIHAN
• ATAKIHIN
• SALBAHIHIN
• BALUTIN
• HINTUAN
• BATUHIN
• BABAE hindi na BABAI
• SAMPU hindi SAMPO
• PULITIKA hindi POLITIKA
• BUHOS hindi BUHUS