Systematic Functional Linguistics ni Halliday

Michael Alexander Kirkwood Halliday

• Si Michael Alexander Kirkwood Halliday ay isang kilalang iskolar mula sa Inglatera.
• Naniniwala siya na ang wika ay isang panlipunang penomenon.
• Kilala siya sa kanyang modelo ng wika na tinatawag na Systematic Functional Linguistics.
• Ang Systemic Functional Linguistics ay isang modelo ng wika na nagbibigay-diin sa tungkulin ng wika sa lipunan.

Mga Tungkulin ng Wika Ayon kay Halliday

• Interaksyonal: Ginagamit ang wika upang mapanatili ang mga relasyong sosyal.
  • Halimbawa: Pakikipagbiruan, pagkukuwento, pagbati sa kapwa.
• Instrumental: Ginagamit ang wika upang matugunan ang mga pangangailangan na pisikal, emosyonal, o sosyal.
  • Halimbawa: Pakikiusap, panghihikayat, pagpapakita ng patalastas.
• Regulatoryo: Ginagamit ang wika upang kontrolin o iregula ang asal ng iba.
  • Halimbawa: Pagbibigay ng panuto, pagbibigay ng direksyon, pagbibigay ng batas.
• Personal: Ginagamit ang wika upang maipahayag ang sariling damdamin o opinyon.
  • Halimbawa: Pagpapahayag ng opinyon, pagsulat sa talaarawan.
• Heuristiko: Ginagamit ang wika upang makakuha o maghanap ng impormasyon.
  • Halimbawa: Pakikipanayam, pagbabasa, pagtatanong, pag-eeksperimento.
• Impormatibo: Ginagamit ang wika upang magbigay ng impormasyon o datos.
  • Halimbawa: Pagsasalita, pagsusulat.
• Imahinatibo: Ginagamit ang wika upang maipahayag ang imahinasyon sa malikhaing paraan.
  • Halimbawa: Pagsusulat ng tula, nobela, at iba pang lathalain.

Roman Jakobson

• Si Roman Jakobson ay isa sa mga pinakamagaling na dalubwika ng ikadalawampung siglo.
• Siya ay isa sa mga nagtatag ng Linguistic Circle of New York.
• Kilala siya sa kanyang Function of Language na nagbigay-ambag sa semiotics.

Mga Tungkulin ng Wika Ayon kay Jakobson

• Bilang Sanggunian (Referential): Ginagamit ang wika upang magbigay ng impormasyon tungkol sa mundo.
  • Halimbawa: Paggamit ng mga aklat at iba pang babasahin bilang batayan ng kaalaman.
• Pagpapahayag ng Damdamin (Emotive): Ginagamit ang wika upang maipahayag ang nararamdaman o kalooban ng isang tao.
  • Halimbawa: Pagpapahayag ng pag-asa, galit, pagkagulat.
• Panghihikayat (Conative): Ginagamit ang wika upang hikayatin o impluwensyahan ang iba.
  • Halimbawa: Pag-uutos, panghihikayat.
• Patalinghaga (Poetic): Ginagamit ang wika sa masining na paraan ng pagpapahayag.
  • Halimbawa: Pagsusulat ng tula, prosa, sanaysay.
• Pagbibigay Kuro-kuro (Metalingual): Ginagamit ang wika upang magkomento o magbigay ng opinyon tungkol sa wika mismo.
  • Halimbawa: Pagsusuri sa gramatika, pagtalakay sa kahulugan ng mga salita.
• Pakikipag-ugnayan (Phatic): Ginagamit ang wika upang mapanatili ang koneksyon sa pagitan ng mga tao.
  • Halimbawa: Pagbati, pagtatanong kung kumusta.