Posisyong Papel: Layunin at Mga Bahagi

Layunin ng Posisyong Papel

• Pagkatapos ng aralin, ang mga mag-aaral ay inaasahang:
  • Matutukoy ang kahulugan at layunin ng posisyong papel
  • Magagamit ang kaalaman sa posisyong papel upang maipahayag ang kanilang posisyon sa mga isyung pangkalikasan na may kaugnayan sa kanilang pamayanan o bansa
  • Mailalarawan ang mga bahagi ng isang posisyong papel
  • Makabubuo ng isang maayos na posisyong papel na may malinaw na estruktura at organisasyon

Ano ang Posisyong Papel?

• Ito ay isang uri ng sulatin na naglalahad ng pananaw o opinyon ng may akda o entidad tungkol sa isang kontrobersyal o napapanahong paksa.
• Nilalathala ito sa iba't ibang larangan kagaya ng akademya, pulitika, batas, at iba pa.
• Ang balangkas nito ay simple at naghahatid ng mungkahi o pananaw ng sumulat tungkol sa paksang tinatalakay.

Mga Bahagi ng Posisyong Papel

• Panimula:
  • Ipakilala ang paksa.
  • Magbigay ng maikling paliwanag tungkol sa paksa at kung bakit mahalaga itong pag-usapan.
  • Ipakilala ang iyong posisyon o stand tungkol sa isyu.
• Paglalahad ng Counter Argument:
  • Ilahad ang mga argumento na tumututol sa iyong posisyon.
  • Ipakita ang kinakailangang impormasyon upang mapasubalian ang mga counter argument.
  • Patunayang mali o walang katotohanan ang mga argumento o counter argument.
  • Magbigay ng mga patunay upang mapagtibay ang iyong panunugligsa.
• Paglalahad ng Iyong Posisyon:
  • Ipahayag ang bawat punto ng iyong posisyon o paliwanag.
  • Ilahad ang iyong matalinong pananaw tungkol sa bawat punto.
  • Maglahad ng mga patunay at ebidensya na hinango sa mapagkakatiwalaang sanggunian.
• Konklusyon:
  • Ilahad muli ang iyong argumento o stand.
  • Magbigay ng mga plano o plan of action na makakatulong sa pagbubuti ng kaso o isyu.

Mga Dapat Isaalang-alang sa Isang Mabisang Pangangatwiran

• Alamin at unawain ang paksang ipagmamatuwid.
• Dapat maging malinaw at tiyak ang pagmamatuwid.
• Magkaroon ng sapat na katwiran at katibayan na makakapagpatunay.
• Ang mga patunay at katwiran ay dapat may kaugnayan sa paksa upang makapanghkayat.
• Ipakita ang pasasasaalang-alang, katarungan, at bukas na kaisipan sa pagpapahayag ng kaalamang ilalahad.
• Tiyaking mapagkakatiwalaan ang mga ilalahad na katwiran.

Mga Hakbang sa Pagsulat ng Posisyong Papel

• Bumuo ng thesis statement:
  • Ito ang nagbibigay ng direksyon sa iyong posisyong papel.
  • Nagbibigay ito ng ideya sa iyong mga mambabasa tungkol sa iyong posisyon sa isyu.
• Isulat ang introduksyon:
  • Mahalaga ito dahil dito unang napupukaw ang interes at atensyon ng iyong mambabasa.
• Isulat ang katawan ng posisyong papel:
  • Talakayin ang dalawang panig ng isyu, ngunit magbigay ng mas maraming puntos sa panig na nais mong panigan.
  • Sa pagsulat ng taludtod, isulat muna ang pangunahing ideya.
  • Huwag kalimutang ilahad ang mga pros at cons ng mga panig.
• Isulat ang konklusyon:
  • Ibuod ang mga pangunahing puntos.
  • Gawing malinaw kung ano ang panig na iyong sinuportahan o pinanigan.
• Banggitin ang mga sanggunian o references:
  • Ilista ang mga sanggunian na iyong ginamit.
• I-proofread ang iyong ginawang posisyong papel:
  • Tiyaking tama ang iyong mga sinulat at maiwasan ang mga mali (kagaya ng maling baybay).

Sa kuiz na ito, tatalakayin ang kahulugan at layunin ng posisyong papel. Mahalaga ang paggamit ng kaalaman sa pagsulat ng posisyong papel upang maipahayag ang mga pananaw sa mga isyung pangkalikasan. Matututunan din ang mga bahagi ng posisyong papel at paano ito maayos na isusulat.