Pananaw at Paniniwala ng mga Muslim sa Pagpanatili ng Kalayaan

Pananaw at Paniniwala ng mga Muslim sa Pagpanatili ng Kalayaan

• Ang mga katutubong Muslim ay nanirahan nang mahabang panahon sa pulo ng Mindanao, at sa karatig na mga pulo gaya ng Sulu, Tawi-Tawi, at Basilan.
• Nabibilang sa mga katutubong Muslim ay ang mga Maranao sa Lanao; Maguindanao sa Cotabato; mga Tausug sa Jolo; ang mga Yakan sa Basilan; ang mga Samal sa Sibutu at Sulu; ang mga Jama Mapun sa Cagayan.
• Ang relihiyong Islam ay lumaganap sa mga lugar na ito.

Pakikibaka ng mga Muslim sa Kapangyarihan ng mga Espanyol

• Inilunsad ng mga Muslim ang kauna-unahang Jihad o banal na digmaan laban sa mga Espanyol upang ipagtanggol ang kanilang relihiyon at paraan ng pamumuhay.
• Malaki ang pagpahalaga ng mga katutubong Muslim sa kanilang kalayaan.
• Handa nilang ipaglaban ang kanilang teritoryo sa kahit anumang kahinatnan ng labanan.
• Hindi nila gusto na sumailalim sa kapangyarihan ng dayuhan.

Mga Paniniwala ng mga Pilipinong Muslim

• Mataas ang pagpapahalaga ng mga Pilipinong Muslim sa kanilang pinuno, na tinatawag nilang datu o sultan, gayundin sa kanilang pamahalaan, ang pamahalaang Sultanato.
• Nais ng mga Muslim na maglingkod lamang sa pamumuno ng kanilang kalahi.
• Dahil dito pinatunayan ng mga Muslim ang kanilang paninindigan.
• Hinadlangan nila ang pagsakop ng mga Espanyol.
• Lumaban sila sa lahat ng pagkakataon anuman ang kanilang kahinatnan sa labanan.

Mga Tawag sa mga Pilipinong Muslim

• Tinawag ng mga Espanyol ang mga Pilipinong Muslim na “Moro” sa kadahilanang noong unang panahon ay mayroong isang pangkat ng mga mamamayan sa hilagang kanluran ng Africa na sumalakay sa Espanya.
• Ang pangkat na ito ay kilala sa tawag na “Moor” kung kaya, tinawag ng mga Espanyol ang mga Pilipinong Muslim na “Moro” buhat sa salitang “Moor”.