Pamanahong Papel: Kabanata 1

Mga Bahagi ng Pamanahong Papel

• Ang Pamanahong Papel ay isang uri ng papel-pampananaliksik na karaniwang ipinagagawa sa mga estudyante sa kolehiyo bilang isa sa mga pangangailangan sa isang larangang akademiko.

Fly Leaf 1 at 2

• Ang Fly Leaf 1 ay ang pinakaunang pahina ng pamanahong papel, blangkong papel ito at walang nakasulat.
• Ang Fly Leaf 2 ay isang blangkong papel o pahina bago ang katawan ng pamanahong papel.

Kabanata 1: Ang Suliranin at Kaligiran Nito

• Ang Panimula o Introduksyon ay isang maikling talataang kinapapalooban ng pangkalahatang pagtalakay ng paksa ng pananaliksik.
• Ang Layunin ng Pag-aaral ay inilalahad ang pangkalahatang layunin o dahilan kung bakit isinasagawa ang pag-aaral.
• Ang Kahalagahan ng Pag-aaral ay inilalahad ang signifikans ng pagsasagawa ng pananaliksik ng paksa ng pag-aaral.
• Ang Saklaw at Limitasyon ay tinutukoy ang simula at hangganan ng pananaliksik.
• Ang Definisyon ng mga Terminolohiya ay ang mga katawagang makailang ginamit sa pananaliksik at ang bawat isa’y binigyan ng kahulugan.

Kabanata II: Mga Kaugnay na Pag-aaral at Literatura

• Tinutukoy ang mga pag-aaral at mga babasahin o literaturang kaugnay ng paksa ng pananaliksik.
• Tukuyin ang bago o nailimbag sa loob ng huling sampung taon.
• Gumamit ng pag-aaral at literaturang lokal at dayuhan.

Kabanata III: Disenyo at Paraan ng Pananaliksik

• Ang Disenyo ng Pananaliksik ay nililinaw kung anong uri ng pananaliksik ang kasalukuyang pag-aaral.
• Ang mga Respondente ay tinutukoy kung ilan sila at paano at bakit sila napili sa sarvey.
• Ang Instrumento ng Pananaliksik ay inilalarawan ang paraang ginagamit ng pananaliksik sa pangangalap ng mga datos at imformasyon.
• Ang Tritment ng mga Datos ay inilalarawan kung anong istatistikal na paraan ang ginamit upang ang mga numerikal na datos ay mailalarawan.

Kabanata IV: Presentasyong ng mga Datos

• Inilalahad ang mga datos na nakalap ng mananaliksik sa pamamagitan ng tekstwal at tabular o grafik na presentasyon.
• Sa tekstong, inilalahad ng mananaliksik ang kanyang analisis o pagsusuri.

Kabanata V: Lagom, Konklusyon at Rekomendasyon

• Ang Lagom ay dito binubuod ang mga datos at informasyong nakalap ng mananaliksik na komprehensivong tinatalakay sa kabanata III.
• Ang Konklusyon ay pangkalahatang konklusyon ng mga datos at mga natuklasan sa pananaliksik.
• Ang Rekomendasyon ay mga rekomendasyon sa mga institusyon, komunidad at mga indibidwal kaugnay ng paksa ng pananaliksik.

Mga Pahinang Preliminari o Front Matters

• Ang Pamagat ng Pahina ay nagpapakilala sa pamagat ng pamanahong papel.
• Ang Dahong Pagpapatibay ay ang tawag sa pahinang kumukumpirma sa pagkakapasa ng mananaliksik at pagkakatanggap ng guro ng pamanahong-papel.
• Ang Pasasalamat o Pagkilala ay tinutukoy rito ang sinumang nakatulong ng mananaliksik sa pagsasagawa ng pananaliksik gayo’y nararapat na pasalamatan.
• Ang Talaan ng Nilalaman ay nakaayos ang pagbabalangkas ng mga bahagi at nilalaman ng pamanahong papel at nakatala ang kaukulang bilang ng pahina kung saan matatagpuan ang bawat isa.
• Ang Talaan ng Talahanayan o Graf ay nakatala ang pamagat ng bawat talahanayan at/o graf na nasa loob ng pamanahong-papel at ang bilang ng pahina kung saan matatagpuan ang bawat isa.