PAGBASA AT PAGSUSURI NG IBA’T IBANG TEKSTO TUNGO SA PANANALIKSIK

Mga Uri ng Teksto

• Ang tekstong impormatib ay naglalahad ng mga bagong kaalaman, pangyayari, paniniwala, at mga impormasyon.
• Ang mga kaalaman ay sistematikong nakaayos at inilalahad nang buong linaw upang lubos na maunawaan.
• Layunin nito na maging daluyan ng makatotohanang impormasyon para sa mga mambabasa.

Tekstong Deskriptib

• Ang tekstong Deskriptib ay isang uri ng paglalahad at naisasagawa sa pamamagitan ng mahusay na paglalarawan.
• Ang uri ng sulating ito ay naglalayon na makapagpinta ng imahe sa hiraya ng mambabasa gamit ang limang pandama.
• May dalawang uri ng tekstong Deskriptib: DESKRIPTIB IMPRESYUNISTIK at DESKRIPTIB TEKNIKAL.

Tekstong Persuweysib

• Ang tekstong nanghihikayat o tekstong persuweysib ay naglalahad ng mga mga payahag upang makapanghikayat o makapangumbinsi sa mga tagapakinig o mambabasa.
• Ito ay may layunin na maglahad ng opinyon upang ang manunulat o tagapagsalita ay makahihikayat ng mga mambabasa o tagapakinig na maniwala sa kanyang posisyon o punto de vista hinggil sa isang paksa.
• May tatlong elemento ang tekstong persuweysib ayon kay Aristotle: ETHOS, LOGOS, at PATHOS.

Tekstong Naratib

• Ang tekstong naratib ay maaaring batay sa obserbasyon o nakita ng may akda, maaari din namang ito ay nanggaling mula sa sarili niyang karanasan.
• Layunin nito ay makapagbigay-aliw o manlibang sa mga mambabasa.
• May mga bahagi ang tekstong naratib: Ekposisyon o impormasyon, mga komplikasyon o kadena ng kaganapan, at Resulusyon o denouement.

Tekstong Prosidyural

• Ang tekstong prosidyural ay nagpapaliwanag kung paano ginagawa o binubuo ang isang bagay.
• Naglalahad ito ng wastong pagkakasunod-sunod ng mga hakbangin, proseso o paraan sa paggawa.
• Layunin nito na makapagbigay ng malinaw na instruksiyon o direksiyon upang maisakatuparan nang maayos at mapagtagumpayan ang isang makabuluhang gawain.

Tekstong Argumentatib

• Ang tekstong argumentatib ay naglalahad ng mga oposisyong umiiral na kaugnayan ng mga proposisyon na nangangailangang pagtalunan o pagpapaliwanagan.
• Layunin nito na manghikayat, naglalahad ng mga ebidensiyang sumusuporta sa isang pangunahing ideya.

Mga Teknik ng Pagbasa

• Iskiming: Madaliang pagbabasa na ginagamit upang magkaroon ng impresyon kung dapat o di-dapat basahing mabuti ang teksto.
• Iskaning: Paghahanap din ito ng mahahalagang datos na maaaring gamitin sa mga pamanahong papel o pananaliksik.
• Kaswal: Pansamantalang pagbasa ito sapagkat pampalipas-oras ang layunin ng ganitong teknik kung kaya’t magaan lamang gawin.
• Komprehensibo: Iniisa-isa rito ang bawat detalye at inuunawa ang bawat kaisipan.
• Kritikal: Tinitingnan sa teknik na ito ang kawastuhan at katotohanan ng tekstong binabasa na magagamit ng personal upang maiangkop sa mga paguugali at maisasabuhay nang may pananagutan.
• Pamuling-Basa: Hindi nahihinto ang mga aral na dulot nito habang paulit-ulit na binabasa.
• Basang-Tala: Teknik ito ng pagbabasa kasabay ng pagsusulat.