Pagbasa at Kahulugan ng Pagbasa

Kahulugan ng Pagbasa

• Ang pagbasa ay interpretasyon ng mga nakalimbag na simbolo ng kaisipan at pagpapakahulugan sa mga nakatitik na sagisag ng mga kaisipan.
• Ito ay pagtanggap ng mga mensahe sa pamamagitan ng pagtugon ng damdamin at kaisipan sa mga titik at simbolong nakalimbag sa pahina.

Kahalagahan ng Pagbasa

• Ang pagbasa ay susi sa malawak na karunungan natipon ng daigdig sa mahabang panahon.
• Ito ay nakapagpapalawak ng pananaw at paniniwala sa buhay, nakapagpapatatag sa tao na harapin ang mga di-inaasahang suliranin sa buhay.
• Ang pagbasa ay nakapagpapataas ng uri ng panlasa sa mga babasahin.

Apat na Hakbang ng Pagbasa

• Persepsyon: pagkilala sa mga nakalimbag na simbolo at maging sa pagbigkas ng wasto sa mga simbolong nababasa.
• Komprehensyon: pagpoproseso ng mga impormasyon o kaisipang ipinahahayag ng simbolong nakalimbag na binasa.
• Reaksyon: hinahatulan o pinagpapasyahan ang kawastuhan, kahusayan at pagpapahalaga ng isang tekstong binasa.
• Asimilasyon: isinasama at iniuugnay ang kaalamang nabasa sa mga dati nang kaalaman at/o karanasan.

Mga Uri ng Pagbasa

• Mabilisang Pagbasa (skimming): ang pinakamabilis na pagbasa na nakakaya ng isang tao.
• Pahapyaw na Pagbasa (scanning): tumutukoy sa paghahanap ng isang tiyak na impormasyon sa isang pahina.
• Pagsusuring Pagbasa (Analytical reading): nakasalalay sa mga materyales ang gawaing pagsusuri sa pagbasa.
• Pamumunang Pagbasa (Critical reading): dapat na matiyak ng mambabasa na naunawaan ang buong nilalaman ng akda.
• Tahimik na Pagbasa (silent reading): mata lamang ang gumagalaw sa uri ng pagbasang ito.
• Pasalitang Pagbasa (oral reading): pagbasa ito sa teksto na inaangkupan ng wastong pagbigkas sa mga salita at sapat na lakas ng tinig.
• Masinsinang Pagbasa: hindi ito “undertime pressure” na pagbasa, binibigyan dito ng guro ang mga mag-aaral ng sapat na panahon upang maisa-isang basahin at mapagtuunan ng pansin ang mga salitang bumubuo sa teksto.