Noli Me Tangere: Tauhan

• Ang sumusunod ay mga katangian at kahalagahan ng mga tauhan sa Noli Me Tangere.

Don Crisostomo Magsalin Ibarra

• Binatang kasintahan ni Maria Clara na may makabagong kaisipan.
• Nagnanais na magtayo ng akademya para sa magandang kinabukasan ng kabataan ng San Diego.
• Nag-iisang anak ni Don Rafael Ibarra.
• Itinuturing na eskumulgado at idinawit sa naganap na pag-aalsa.
• Kumakatawan kay Dr. Jose P. Rizal at sa mga Pilipinong may pinag-aralan na may pangarap na paunlarin ang bayan.
• Layunin niya na pumukaw sa mga tao upang huwag maging mangmang at matutong lumaban sa mga nang-aapi.

Maria Clara

• Maganda, relihiyosa, masunurin, matapat, mapagpakasakit ngunit may matatag na kalooban.
• Kumakatawan sa isang uri ng Pilipinang lumaki sa kumbento.
• Larawan ng isang mayuming Pilipina na nagtataglay ng mabubuting kaasalan at nagkaroon ng edukasyong nakasalig sa doktrina ng relihiyon.
• Sa totoong buhay siya ay kumakatawan kay Leonor Rivera.
• Larawan o imahe ng ating Inang Bayan sa nobela.

Elias

• Bangkerong may modernong kaisipan at magsasaka na maginoo.
• Hindi mapaghiganti at iniisip ang kapakanan ng nakararami.
• May pambihirang tibay ng loob.
• Nag-abiso kay Crisostomo na may kaguluhang magaganap at siya ang pagbibintangan.
• Tumulong kay Crisostomo at isinakripisyo ang sarili para sa bayan.
• Anak ng angkang kaaway ng mga ninuno ni Crisostomo Ibarra.

Pilosopo Tasyo

• Taglay ang katangian ni Dr. Jose P. Rizal na mapagpuna sa mga pangyayari sa paligid.
• Tagapayo ng marurunong sa San Diego.
• May kaisipang una kaysa sa kanyang panahon kaya hindi maunawaan ng nakararami.
• Naging simbolo ng karunungan sa akda.
• Kumakatawan kay Paciano na kapatid ni Rizal.

Padre Damaso

• Kurang Pransiskano na masalita at magaspang kumilos.
• Dating kura ng San Diego na nagpahukay at nagpalipat sa bangkay ni Don Rafael Ibarra sa libingan ng mga Intsik.
• Madaling mauto at marupok ang kalooban sa mga papuri.
• Tunay na ama ni Maria Clara na naging mortal na kalaban ni Crisostomo.
• Kumakatawan sa mga arogante at abusadong prayle sa panahon ni Rizal.

Don Santiago "Kapitan Tiyago" delos Santos

• Kinikilalang ama ni Maria Clara.
• Sakim, pinapanginoon ang salapi at mayayamang mangangalakal na taga-Binondo.
• Asawa ni Donya Pia.
• Mapagpanggap at sunod-sunuran sa nakatataas sa kanya.
• Sinisimbolo niya ang mga mayayamang Pilipino at ang pagiging malapit sa Diyos.

Don Rafael Ibarra

• Pinakamayamang kapitalista sa San Diego na ama ni Crisostomo Ibarra.
• Namatay sa bilangguan at labis na kinainggitan ni Padre Damaso dahil sa yamang taglay niya.
• Pinaratangan siyang erehe ng pamahalaan.
• Kumakatawan sa taong naghahangad ng katarungan para sa kapuwa.
• Nagpapakita ng paggalang at pagtitiwala sa batas at pagkamuhi sa mga lumabag dito.

Sisa

• Martir at mapagmahal na ina nina Basilio at Crispin.
• May asawang pabaya at malupit.
• Sa kanyang katauhan itunuro sa kababaihan na hindi dapat umuoo nang umuoo sa lahat ng sasabihin ng kalalakihan dahil mayroon din silang karapatan.
• Nagsisimbolo kung ano ang gagawin upang tuluyang lumaya ang mga Pilipino sa kamay ng mga mapang-abuso.
• Sinisimbolo niya ang pagmamahal ni Teodora na ina ni Rizal.

Padre Bernardo Salvi

• Payat, maputla, tahimik at mukhang sakitin na maituturing na tuso.
• Mapagpanggap at hayok sa pagnanasa.
• Nalaman niya ang lihim ng maraming tao sa bayan ng San Diego kabilang na ang kurang kanyang pinalitan na si Padre Damaso.
• May labis na paghanga at pagnanasa kay Maria Clara kaya gumawa siya ng paraan upang masira ang reputasyon ni Crisostomo.
• Nag-organisa siya ng rebelyon laban sa mga guwardiya sibil at pinaniwala ang mga kinauukulan na si Crisostomo ang nasa likod nito.
• Kilala bilang isang mapaglinlang na pari na ginamit ang kanyang posisyon sa lipunan upang mapalakas ang kanyang impluwensiya sa buong bayan.
• Sinisimbolo niya ang mga prayleng mapang-abuso gamit ang kapangyarihan.

Padre Hernando Sibyla

• Dating guro ni Crisostomo Ibarra na isa sa mga paborito nitong mag-aaral.
• Matulungin at tunay na kaibigan ni Padre Damaso.
• Paring Dominikano na lihim na sumusubaybay sa bawat kilos ni Crisostomo Ibarra.
• May lihim na pagtingin sa kasintahan ng binata.

Basilio

• Nakatatandang anak ni Sisa na isang sakristan at tagatugtog ng kampana sa kumbento.
• Mapagmahal na anak at kapatid, matapang, puno ng pangarap, masipag, malakas ang loob, matalino.
• Sinisimbolo niya ang kabataang Pilipino.
• Sa kanyang murang edad ay hindi pabaya.

Pagtalakay sa mga katangian at kahalagahan ng mga tauhan sa Noli Me Tangere. Tinatalakay dito sina Don Crisostomo Ibarra at Maria Clara, pati na ang kanilang mga papel sa nobela at sa lipunan. Sila ay mga representasyon ng mga Pilipino sa panahon ng pananakop.