Mga Uri at Elemento ng Tula

Mga Uri ng Tula

• Tulang Liriko o Pandamdamin: Mga tulang nagpapahayag ng damdamin at karanasan ng makata.
• Tulang Pasalaysay: Mga tulang nagsasalaysay ng mga pangyayari sa pamamagitan ng mga taludtod o berso. Halimbawa: Komedya/ibong adarna (na may wawaluhing sukat). Florante at Laura (lalabindalawang sukat).
• Tulang Pandulaan: mga tulang ginaganap sa tanghalan na nakalulugod pakinggan at panoorin. Halimbawa: Balagtasan
• Tulang Pangkalikasan: Mga tulang may kaugnayan sa paligid o sa mundong ginagalawan. Halimbawa, Bato ni Jose Corazon de Jesus, Ang Bundok ni Lope K. Santos.

Mga Elemento ng Tula

• Saknong: Nagtataglay ng mga taludtod na naglalahad ng isang ideya o imahe na nais iparating ng may-akda sa mambabasa. Mga bilang ng saknong: Dalawahan, Tatluhan, Apatan, Limahan, Animan, Pituhan, Waluhan
• Sukat: Ang bilang ng pantig sa bawat taludtod. Iba't ibang sukat ang mga tula.
• Indayog o Alip-iw: Ang tono sa pagbigkas ng tula; pagbaba at pagtaas ng pagbigkas; ang dulas ng pagbigkas ng mga pantig sa taludtod.
• Tugma: Pagkakatulad ng tunog sa dulo ng mga salita sa magkasunod na taludtod. May dalawang uri: tugmaang ganap (pagkakapareho ng tunog at titik ng huling salita) at tugmaang di-ganap (pagkakapareho ng tunog pero magkaiba ang titik ng huling salita).
• Imahen: Mga larawang nararamdaman, nakikita o nakukuha ng tauhan; Mga karanasan sa pagpasok sa mundo ng makata.
• Kariktan: Mga maririkit na salita upang maakit ang mambabasa; upang mapukaw ang kanilang damdamin at kawilihan.
• Talinghaga: Mga nakatagong kahulugan ng mga salitang ginamit sa tula.

Mga Panahon

• Panahon ng Amerikano: Sumigla ang pagsusulat ng mga tula dahil marami ang marunong sumulat nito.
• Panahon ng Komonwelt: Ang mga Pilipino ay malaya sa pagsusulat ng tula dahil ang pamahalaan ay malasariling pamahalaan (self-governing). Mga uri ng panitikan ay Sanaysay at Talumpati.
• Kasalukuyang Panahon: Karamihan ng mga tula ay pagpapahayag ng opinyon ukol sa mga tiwaling gawain ng namumuno o mga gawain ng mga tao. May dalawang anyo ng panitikan, tradisyonal at popular.