Mga Lokal na Pangyayari sa Pilipinas

Mga Lokal na Pangyayari

• Ang mga katutubong Pilipino ay nagdanas ng matinding pagtitiis sa ilalim ng pamamahala ng mga Espanyol.
• May mga lokal na pangyayari sa Pilipinas na nakatulong sa pag-usbong ng pambansang kamalayan tungo sa pagsasarili.

Mga Sepoy sa Pilipinas

• Noong 1762, sinakop ng mga Ingles ang Maynila at nagdala ng mahigit 500 sundalong Sepoy mula sa Madras, India.
• Ang "sepoy" ay galing sa Urdu na "sipahi" na mula sa Persian na "sipah," ibig sabihin ay "army" o "horseman".
• Maraming Ingles at Sepoy ang tumakas sa puwersa ni Simon de Anda dahil sa hirap at gutom.
• Ang mga Sepoy ay nanirahan sa Taytay at Cainta, Rizal at nag-asawa ng mga Pilipina.
• Marami sa Cainta ang may lahing Indian dahil hindi kinasal ang mga Sepoy sa simbahan at apelyido ng ina ang ginamit.

Monopolyo ng Tabako

• Ipinatupad ni Gobernador-Heneral Jose Basco y Vargas noong Marso 1, 1782 sa bisa ng dekretong ipinalabas ni Haring Carlos III noong Pebrero 9, 1780.
• Ang ilang lugar tulad ng Lambak ng Cagayan at Ilocos ay pinagtanim ng tabako at binigyan ng kota.
• Layunin nito na madagdagan ang kita ng pamahalaan at hindi umasa sa Mexico.
• Ang Pilipinas ay nakilala bilang pangunahing tagagawa ng tabako sa silangan.
• Nakapagpagawa ang pamahalaan ng mga kalsada, gusali, at tulay.
• Bumaba ang produksiyon ng pagkain dahil sa pagtuon sa tabako.
• Lumaganap ang pang-aabuso, katiwalian, panunuhol, pagpupuslit, at paninigarilyo.
• Naghirap ang mga magsasaka dahil sa kota at mababang presyo ng tabako.
• Ipinatigil ang monopolyo noong 1882 sa panahon ni Gobernador-Heneral Fernando Primo de Rivera.

Real Compania de Filipinas

• Itinatag noong 1785 ni Gobernador-Heneral Jose Basco y Vargas.
• Layunin nito na mapaunlad ang kalakalan at pagsasaka sa Pilipinas.
• Apat na bahagdan (4%) ng kikitain ay gagamitin sa pagpapaunlad ng industriya at pagsasaka
• Nagkaloob ang hari ng Espanya ng mga pribilehiyo tulad ng monopolyo sa kalakalang galyon at hindi pagbabayad ng buwis.
• Nabigo ang samahan dahil sa hindi pakikiisa ng mga mangangalakal ng Maynila at hindi mabuting pakikipagkalakalan.
• Ipinabuwag ang samahan ng hari ng Espanya noong Setyembre 6, 1834.

Kilusang Agraryo ng 1745

• Sumiklab ang mga pag-aalsang agraryo sa Cavite, Laguna, Bulacan, Batangas, at Morong (Rizal) noong 1745-1746.
• Dahilan ay ang pangangamkam ng lupain ng mga prayle at pagkawala ng kabuhayan ng mga Pilipino.
• Ang unang pag-aalsa ay sa Lian at Nasugbu sa Batangas na pinamunuan ni Francisco Matienza.
• Napatay si Matienza at ang kanyang mga tenyente.
• Itinuring ng mga Espanyol na mapanganib ang pag-aalsa dahil malapit ito sa Maynila.

Kapatiran ng San Jose

• Itinatag ni Apolinario dela Cruz (Hermano Pule) sa Tayabas, Quezon.
• Hindi tinanggap si Apolinario dela Cruz sa monasteryo dahil siya ay isang katutubo (indio).
• Hindi kinilala ng mga Espanyol ang kapatiran at ipinabuwag.
• Pinamunuan ni Hermano Pule ang mahigit 4000 kasapi laban sa mga Espanyol.
• Natalo nila ang puwersang Espanyol at napatay ang Alcalde Mayor na si Juan Ortega.
• Nadakip at ipinapatay si Hermano Pule noong ika-4 ng Nobyembre, 1841.

Okupasyon ng mga Ingles sa Maynila

• Pumasok ang plotang Ingles sa look ng Maynila noong ika-23 ng Setyembre 1762.
• Hiniling ni Heneral William Draper na isuko ang Maynila.
• Inokupa ng mga Ingles at Indian ang Malate at Ermita.
• Isinuko ni Arsobispo Manuel Rojo ang Maynila noong ika-6 ng Oktubre.
• Tumakas si Simon de Anda sa Bulacan at nagproklama bilang gobernador-heneral.
• Hinirang ng mga Ingles si Dawson Drake bilang gobernador ng Maynila.
• Pinasok ni Simon de Anda ang Maynila noong ika-31 ng Mayo, 1764 at iwinagayway ang bandilang Espanyol.
• Naglayag patungong India ang mga Ingles at muling napasakamay ng mga Espanyol ang Maynila.
• Nakita ng mga Pilipino ang kahinaan ng mga Espanyol.

Ang mga Sakada

• Ang mga Sakada ay maggagawang nagtatrabaho sa mga lupain na hindi nila pag-aari.
• Karaniwang matatagpuan sa mga plantasyon ng tubo sa Negros.
• Ang unang Sakada ay mula sa 15 na Pilipino galing sa Ilocos Sur na ni-recruit ng Hawaiian Sugar Planters Association.
• Umalis noong Abril 1906 sakay ng SS Doric at dumating sa Hawaii noong Disyembre 1906.
• Umabot sa 65,000 ang mga Pilipinong nagtrabaho sa Hawaii hanggang 1946.
• Marami sa kanila ay bumuti ang buhay, nadala ang kanilang pamilya, at nakapag-aral.
• Maraming Ilokano ang naninirahan sa Hawaii at may mga posisyon sa pamahalaan.