Layunin at Uri ng Pagsulat

Pagsulat

• Ito ay ang paglilipat ng mga salita, simbolo, at ilustrasyon sa papel o iba pang midyum upang maipahayag ang kaisipan.
• Isang multi-dimensyunal na kasanayan na nangangailangan ng kritikal at masusing pag-iisip.

Tatlong Layunin ng Pagsulat

• Impormatibong pagsulat: Naglalayong magbigay ng impormasyon at paliwanag. Halimbawa nito ay ang report ng obserbasyon, estadistika sa libro, balita, at iba pa.
• Mapanghikayat na pagsulat: Layunin nitong kumbinsihin at impluwensyahan ang mga mambabasa. Kabilang dito ang proposal, konseptong papel, editoryal, sanaysay, at talumpati.
• Malikhaing Pagsulat: Pagpapahayag ng kathang isip, imahinasyon, ideya, o damdamin sa pamamagitan ng akdang pampanitikan tulad ng maikling katha, nobela, tula, at dula.

Anim na Uri ng Pagsulat

• Akademiko: Naglalayong pataasin ang antas ng kaalaman ng mga estudyante sa iba't ibang antas ng pag-aaral. Halimbawa: sanaysay, lab report, tesis.
• Teknikal: Espesyalisadong pagsulat na tumutugon sa kognitibo at sikolohikal na pangangailangan. Nakakatulong sa pagbibigay solusyon sa komplikadong problema.
• Journalistic: Ginagawa ng mga mamamahayag upang magbigay impormasyon sa publiko. Kabilang dito ang balita, editoryal, at kolum.
• Reperensyal: Nagrerekomenda ng ibang reperens o sanggunian tungkol sa isang paksa. Binubuod o pinaiikli ang ideya ng ibang manunulat.
• Propesyonal: Nakatuon sa isang tiyak na propesyon. Halimbawa nito ay ang police report, legal forms, medical report.
• Malikhaing: Masining na uri ng pagsulat na nakatuon sa imahinasyon ng manunulat. Layunin nitong paganahin ang imahinasyon at pukawin ang damdamin ng mambabasa.

Akademikong Pagsulat

• Maayos ang estruktura, malinaw, may teorya/ebidensya, walang bias, gumagamit ng pormal na wika, at nasa 3rd person point of view.
• Maingat na paggamit ng daglat, akronim, pagbabantas, pagbabaybay at balarila.

Kahalagahan ng Akademikong Sulatin

• Instrumento ng pagkatuto.
• Nakapanghihikayat sa higit na pagkatuto.
• Pagpapaunlad/pagpapahusay sa kakayahang pagbasa.
• Nakapag-uudyok sa pagkukusa sa pananaliksik.
• Isang pangangailangan sa kurso/asignatura.

Ipinagbabawal sa Akademikong Pagsulat

• Mahahabang pangungusap at komplikadong estruktura.
• Hindi malinaw na tinutukoy at tema sa talata.
• Walang ugnayan ng mga pangungusap at talata.
• Hindi gumagamit ng angkop na transisyon.

Simulaiin ng Akademikong Sulatin

• May pokus.
• Makabansa, demokratiko at malaya sa pagpapahayag.
• Nagpapakita ng kagalingan sa pagtalakay sa mga konsepto o ideya.
• May komponent ng pananaliksik.
• Naglalahad ng katotohanan at paggalang sa opinyon ng iba.

Tatlong Layunin ng Akademikong Pagsulat

• Mapanghikayat: Mahikayat ang mambabasa na maniwala sa kanyang posisyon.
• Mapanuri: Ipaliwanag at suriin ang mga posibleng sagot sa isang tanong.
• Impormatibo: Magbigay ng bagong impormasyon o kaalaman.

Tungkulin o Gamit ng Akademikong Pagsulat

• Lumilinang ng kahusayan sa wika.
• Lumilinang ng mapanuring pag-iisip.
• Lumilinang ng pagpapahalagang pantao.
• Isang paghahanda sa propesyon.

Hakbang sa Mabisang Pagsulat

• Pumili ng paksang tatalakayin at ilimita ito.
• Tukuyin ang tiyak na layunin.
• Mangalap ng impormasyon at gumawa ng balangkas.
• Simulan ang burador (draft), rebisahin at isulat ang pinal na papel.
• Isulat ang bibliyograpi.

Proseso ng Pagsulat

• Tukuyin ang paksa, layunin, at target na mambabasa.
• Maglaan ng sapat na oras at pagbutihin ang teksto.
• Mangalap ng datos at ilahad ito nang makahulugan.

Bahagi ng Sulating Akademiko

• Titulo o Pamagat: Naglalaman ng pamagat ng papel, pangalan ng sumulat, at petsa.
• Introduksyon o Panimula: Mailahad ang paksa, kahalagahan, layunin at pambungad na talakay.
• Katawan: Naglalaman ng pangunahing pagtalakay, pangangatwiran, paglalahad, pagsasalaysay, pagsusuri, paglalarawan, at ebalwasyon.
• Kongklusyon o Pagtatapos: Nilalagom ang mga mahahalagang puntos at naglalaman ng rekomendasyon.

Katangian ng Akademikong Pagsulat

• Pormal: Hindi gumagamit ng kolokyal at balbal na salita.
• Obhetibo: Walang bias at naghahatid ng impormasyon.
• Maliwanag at Organisado: Maayos ang pagkakasunod-sunod ng mga pangungusap at ideya.
• May Paninindigan: Ipaglaban ang paksang nais bigyang pansin.
• May Pananagutan: Kilalanin ang mga ginamit na sanggunian.
• Kredibilidad: Sinusuportahan ng mga ebidensya tulad ng aklat, artikulo, at pag-aaral.

Uri ng Akademikong Sulatin

• Abstrak
• Sintesis/Buod
• Bionote
• Panukalang proyekto
• Talumpati
• Agenda
• Katitikan ng pulong
• Posisyong papel
• Replektibong sanaysay
• Pictorial-essay

Dapat Iwasan sa Akademikong Pagsulat (University of Monash)

• Kulang sa pagsusuri o analisis.
• Mahinang estruktura ng mga pangungusap at talata.
• Impormal na wika.
• Labis na paggamit ng sipi na hindi nagpapakita ng orihinal na pananaw.
• Maling paggamit ng mga sipi at kakulangan sa sanggunian.
• Pag-angkin ng ideya ng iba.
• Hindi epektibong pagkakahulugan (maling paraphrase).